१ सामुएल 24:21 - Sunuwar Bible

²¹ मोपतीके परमप्रभु यावे आ नेंम आं खिं ङा मुर आन कली, आं चच युइ आन कली खतम मपाइ‍नुङ। आं नें आं आफ आ खिं रे मक्‍याम्‍नुङ, दे कसम जावो” देंमाक्‍त। १सामुएल २३:१७

१ सामुएल 24:21 ပူးပေါင်းရင်းမြစ်များ

उत्पत्ती 21:23

मोपतीके गो इन कली मार पुंइनुङ देंशा हना, आं कली, आं तमी तौ नु आं चच युइ आंइ कली श्‍येत मगेकी। गो इन कली रिम्‍शो पशो खोदेंशो पा, आं कली यो रिम्‍शो पने। इन बाक्‍शो रागी कली यो रिम्‍शो पने। ‘रिम्‍शो पाइनुङ’ दे परमप्रभु आ नें थिशा, कसम जने” दे पुना बाक्‍त। उत्‍पत्ती २०:१५

उत्पत्ती 31:48

मिनु लाबानमी “एको फुल्‍लु खुप्‍तीके मुलाक्‍ती इस पशो कबल आ सांकछी बाक्‍ब” देंमाक्‍त। मोपतीके मेको कली गलेद देंनीम। गलेद आ अर्थ सांकछी ङा फुल्‍लु खुप्‍तीके बाक्‍ब। यहोसु २४:२७

उत्पत्ती 31:53

अब्राहाम आ परमप्रभु, नाहोर आ परमप्रभु नु आन किकी पिपी आन परमप्रभुम इस दातेमी निसाफ पव‍ल” देंमाक्‍त। मिनु याकूबमी इसहाक आ मान पा हिंशो परमप्रभु आ नें थिशा, कसम जवा बाक्‍त।

हिब्रू 6:16

मुरपुकीमी यो कसम जामेनु, आन क्‍येङा ठेयब आ नें थिशा कसम जाइनीम। कसम जशोमी आन लोव़ थमान सेल्‍नीम। प्रस्‍थान २२:१०

१ सामुएल 23:17

मेकोमी “गे महिनीन। गे आं आफ आ गुइ रे मबेक्‍नीनी। मेकोम इन कली मथिप्‍ब। गे इस्राएल ङा पिप दुम्‍नीनी। गो इन दी ङा दुम्‍नुङ। मेको लोव़ आं आफोम तुइश्‍शो बाक्‍ब” देंमाक्‍त। १सामुएल २०:३०-३१; १सामुएल २४:२१

१ सामुएल 25:28

इन गेय पाइब आ मरिम्‍शो पशो ङा आं कली माफ गेयीनी। परमप्रभु यावेमी आं प्रभु, इन खिं ङा मुर आन कली गेना हना यो रिम्‍शो पवल। मारदे हना गे परमप्रभु यावे आ पर्बम लडाइ पशो बाक्‍नीनी। गे बाक्‍नी सम्‍म इन कली मारेइ मरिम्‍शो मदुम्‍ब। २सामुएल ७:१६

१ सामुएल 25:30

परमप्रभु यावेम आं प्रभु, इन कली, आ देंशो खोदेंशो पा रिम्‍शो पाप्‍तु हना नु इन कली इस्राएल ङा सासन पाइब सेल्‍तु हना, २सामुएल ५:२