१ सामुएल 23:4 - Sunuwar Bible

⁴ मिनु लेंशा दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “कैलाहम लावो। गो पलिस्‍ती आन कली इन गुइमी गेनुङ” देंमाक्‍त।

१ सामुएल 23:4 ပူးပေါင်းရင်းမြစ်များ

२ सामुएल 2:1

मेको नोले दाऊदमी परमप्रभु यावे कली “मार गो यहूदा ङा सहर काम लङा?” दे हिल्‍लो पवा बाक्‍त। मिनु परमप्रभु यावेमी “लावो” देंमाक्‍त। मिनु दाऊदमी “तेको सहरम लङ” दे हिल्‍लो पवा बाक्‍त। मिनु “हेब्रोन सहरम लावो” देंमाक्‍त। १सामुएल २३:६,९; १सामुएल ३०:७-८

२ सामुएल 5:19

मिनु दाऊदमी परमप्रभु यावे कली “गो पलिस्‍ती आन कली लडाइ तोतामी हना, गे मेको आन कली आं गुइमी गेनीनी?” दे हिल्‍लो पवा बाक्‍त। मिनु परमप्रभु यावेमी “लावो, गो थमा पा मेको आन कली इ गुइम गेनुङ” देंमाक्‍त। १सामुएल ३०:८

२ राजा 3:18

एको परमप्रभु यावे आ ङोंइती आइक्‍च गेय का ला बाक्‍ब। मेकोमी मोआबी आन कली यो इन गुइम गेब।

१ इतिहास 14:10

मोपतीके दाऊदमी परमप्रभु कली “गो लशा, पलिस्‍ती आन कली लडाइ तोङमी? गे मेको आन कली आं गुइमी गेनीनी?” दे हिल्‍लो पवा बाक्‍त। मिनु परमप्रभु यावेमी “इर ङोइश्‍शा लावो, गो मेको आन कली इ गुइमी गेनन” देंमाक्‍त।

यहोसु 8:7

गेपुकी इन बाप्‍तीके रे बोक्‍शा ग्रूशा, सहर आंम के सेलीन। मिनु परमप्रभु यावे, इन परमप्रभुमी मेको सहर इन कली गेब।

न्‍यायाधीस 6:39

मिनु लेंशा गिदोनमी परमप्रभु कली “गो नु मगाइक्‍तीन। मिनु आं कली चिनु लोव़ का देंचा गेन। गो इन कली लेंशा पुंइनुङ। आं कली खेयप का मेको ऊन सोव़शो नु एर ओंथ ङा खप चहिं जिप्‍पाइश्‍शा कोंइदीन” देंमाक्‍त। उत्‍पत्ती १८:३०

न्‍यायाधीस 7:7

मिनु परमप्रभु यावेमी गिदोन कली “एको सहे सां ब्‍वाक्‍कु तुक्‍शा तूब मुर रे पा मिदयानी आन गुइ रे प्रोंइनुङ। लीशो आन कली आंम आंम खिंमी लचा गेमी” देंमाक्‍त। १सामुएल १४:६

न्‍यायाधीस 7:9

मिनु मेको नाक्‍दो परमप्रभु यावेमी गिदोन कली “बोक्‍को, मिदयानी आन बाक्‍तीके ब्रुपो। मारदे हना गो मेको आन कली इ गुइमी गेता।

१ सामुएल 10:22

मिनु मेकोपुकीम परमप्रभु यावे कली “मार, मेको मुर एक बाक्‍बा?” दे हिल्‍लो पामे बाक्‍त। मिनु परमप्रभु यावेमी “मेको मार मार आन दातेमी ख्रुइश्‍शा बाक्‍शो बाक्‍ब” देंमाक्‍त।

१ सामुएल 23:2

मिनु दाऊदम परमप्रभु यावे कली “गो लशा पलिस्‍तीपुकी नु लडाइ पङ देय मपङ” दे हिल्‍लो पवा बाक्‍त। मिनु परमप्रभु यावेम “लशा, मेको आन कली लडाइ तोव़मी कैलाह कली प्रोनो” देंमाक्‍त।

१ सामुएल 23:3

तन्‍न दाऊद आ मुरपुकीम मेको कली “गो यहूदा रागीम बाक्‍शा ला यो हिंनीकी। कैलाह ङा पलिस्‍तीपुकी नु लडाइ पाइतय हना, मेको क्‍येङा शुश हिंनीकी” देंमा बाक्‍त।

१ सामुएल 23:5

मोपतीके दाऊद नु आ मुरपुकी कैलाहम लमा बाक्‍त। मिनु पलिस्‍तीपुकी नु लडाइ पामे बाक्‍त। मेकोपुकीम मेको आन बी ब्‍यफ रोइक्‍तमे बाक्‍त। मेको आन कली मरिम्‍शो पा फ्रूमे बाक्‍त। मिनु कैलाह ङा मुर आन कली प्रोन्‍मे बाक्‍त। १सामुएल २२:२०; न्‍यायाधीस ८:२७

१ सामुएल 28:6

मिनु सावलम परमप्रभु यावे कली हिल्‍लो पवा बाक्‍त। तन्‍न परमप्रभु यावेम ङोमुम, ऊरीम नु परमप्रभु यावे आ लोव़ पाइब आन रे लोव़ मलेत्‍ता बाक्‍त। १सामुएल १४:४१; प्रस्‍थान २८:३०

१ सामुएल 30:8

मिनु दाऊदमी परमप्रभु यावे कली “मार, गो मेको रोइक्‍ब आन कली खेदा पङा? गो मेको आन कली थिन्‍ने चाप्‍नुङा?” देंमाक्‍त। मिनु “मेको आन कली खेदा पावो। थमा पा, गे मेको आन कली थिश्‍शा, नेल्‍ल आन कली प्रोंइने चाप्‍नेवे” देंशो नेना बाक्‍त।