१ सामुएल 23:26 - Sunuwar Bible

²⁶ सावल मेको डांडामी लमाक्‍त। दाऊद नु आ मुर मेको डांडा आ अर्को पटटी बाक्‍मा बाक्‍त। दाऊद नु आ मुरपुकी प्रोक्‍चा माल्‍ना माल्‍न बाक्‍मा बाक्‍त। सावल नु मेको आ नोले खोइक्‍बपुकीम चहिं मेको आन कली ग्‍याइक्‍चा कली आन नेक्‍था जाक्‍दीम्‍मा बाक्‍त।

१ सामुएल 23:26 ပူးပေါင်းရင်းမြစ်များ

२ सामुएल 15:14

मिनु दाऊदम यरूसलेमम आं नु बाक्‍ब आ ठेयब गेय पाइब आन कली “बोक्‍कीन, गोपुकी रीब पा प्रोक्‍चा माल्‍नय। मो मपाइतय हना, गो सुइ अब्‍सालोम आ गुइ रे ब्रोंइचा मताइ‍नय। रीब पा पने, मो मदुम्‍त हना, मेकोमी इं क्‍येङा लाक्‍शा, इं कली शुश श्‍येत गेशा, सहर कली लडाइ तोइब” देंमाक्‍त।

२ इतिहास 20:12

आंइ परमप्रभु, गे मेको आन कली निसाफ मपाइनीनी ङा? मारदे हना गोपुकी एको शुश मुर आन ङोंइती मारेइ पने मचाप्‍ब बाक्‍नीकी। मुल गो मार पचा माल्‍नीकी मारेइ मतुइक्‍नीकी। तन्‍न गो इन गे कोव़नीकी” दे पुना बाक्‍त।

भजन संग्रह 17:11

गो ते लती हना यो, मेकोपुकीमी आं कली पुम्‍नीम। आं कली साइक्‍चा माल्‍नीम।

भजन संग्रह 17:9

मोपा इन अरेशो मटीब, आं कली साइक्‍चा कली पुम्‍बपुकीमी आं कली मथित्‍नीम।

भजन संग्रह 22:12

ठेयब सांढेपुकीमी पुम्‍ताक्‍यीमी। बाशान रागी ङा हिंचा ङा सांढेपुकीमी यो पुम्‍ताक्‍यीमी।

भजन संग्रह 22:16

कुचुमपुकीमी आं कली पुम्‍ताक्‍यीमी। काइ मरिम्‍शो पाइब आन हुल आं एर ओंथ बाक्‍नीम। आं गुइ खोइली ख्रित्‍ताक्‍यीमी। यूहन्‍ना २०:२५,२७

भजन संग्रह 31:22

ङोंइती गो हिंशा “गे आं कली मताइनीनी” देंती हना यो “वारच पाइय्‍यीनी” दे आं पुंइशो लोव़ नेंतीनी।

२ कोरिन्‍थी 1:8

आंइ दाक्‍शो लोक्‍बपुकी, एसीया रागीमी बाक्‍कानु, शुश श्‍येत जाइतक। श्‍येत जचा आ पर्बम लोव़ मख्रुइक्‍थु, तुइक्‍पाइक्‍नन्‍नी। आंइ जशो श्‍येत मार बाक्‍ब देंशा हना, बेक्‍चा ङा सम्‍म दुम्‍शो नकी। प्रेरित १९:२३-४०; १कोरिन्‍थी १५:३२

प्रकाश 20:9

मिनु सैतान आ फौजपुकी रागी नेल्‍ल साप्‍शा, लडाइ पथ जाक्‍तेक्‍म। मेकोपुकीमी येसु ख्रीस्‍त कली थमा सुइक्‍ब, परमप्रभु यावे आ योव़शो आन बाक्‍तीके नु परमप्रभु यावे आ दाक्‍शो सहर कली पुम्‍ताक्‍म। तन्‍न स्‍वर्ग रे मी दोक्‍शा, मेको पुम्‍ब नेल्‍ल आन कली नेक्‍तीमी।

न्‍यायाधीस 16:2

मिनु गाजेज सहर ङा मुरपुकीमी “सिम्‍सोन मेकेर जाक्‍शो बाक्‍ब” दे गाजा ङा मुर आन कली तुइक्‍पदमे बाक्‍त। मिनु मेकोपुकीमी सिम्‍सोन आ बाक्‍तीक पुम्‍तमे बाक्‍त। मिनु मुरपुकी नाक्‍दो सहर ङा ठेयब लाप्‍चोमी बाप्‍शा बाक्‍मा बाक्‍त। नाक्‍दो मेकोपुकी सिक्‍सी पा बाक्‍मा बाक्‍त। मेकोपुकीमी “नां सोव़चीना साइक्‍चा” दे सल्‍ला पशो बाक्‍मा बाक्‍त।

१ सामुएल 19:12

मिकालमी दाऊद कली झेल रे उइ तोइक्‍पदा बाक्‍त। मिनु मेको सुइमी मतुइक्‍थु प्रोक्‍माक्‍त।

१ सामुएल 20:38

मिनु योनाथनमी मेको वोंइश आल कली “रीब पा लावो। देश मपावो” दे ब्रेत्‍ता बाक्‍त। मिनु मेको वोंइश आल ब्रा गुप्‍शा आ ठेयब मुर आ बाक्‍तीक चाक्‍गा बाक्‍त।

१ सामुएल 23:25

सावल आ मुरपुकी नु मेको आन कली माल्‍थ गाक्‍माक्‍त। दाऊदम मेको लोव़ नेंशा, रोंगु लुक्‍च लशा, माओन ङा गोरशो रागीम बाक्‍मा बाक्‍त।

१ सामुएल 23:27

मिनु लोव़ कुरब मुर का सावल आ बाक्‍तीक जाक्‍शा “रीब पा जाक्‍कीन। मारदे हना पलिस्‍तीपुकीम इन रागीम मारेइ मारेइ रोइक्‍ना रोइक्‍न श्‍येत गेशो बाक्‍नीम” देंमाक्‍त।