१ सामुएल 23:17 - Sunuwar Bible

¹⁷ मेकोमी “गे महिनीन। गे आं आफ आ गुइ रे मबेक्‍नीनी। मेकोम इन कली मथिप्‍ब। गे इस्राएल ङा पिप दुम्‍नीनी। गो इन दी ङा दुम्‍नुङ। मेको लोव़ आं आफोम तुइश्‍शो बाक्‍ब” देंमाक्‍त। १सामुएल २०:३०-३१; १सामुएल २४:२१

१ सामुएल 23:17 ပူးပေါင်းရင်းမြစ်များ

भजन संग्रह 118:6

परमप्रभु यावे गो नु बाक्‍तीके गो महिंनुङ। मुरपुकीमी आं कली मार पाइक्‍ने चाप्‍नीमी ङा? रोमी ८:३१; भजन संग्रह ५६:५; हिब्रू १३:६

हितोपदेस 14:26

परमप्रभु यावे कली मान पा हिंचा, मेको मुर आ ख्रुइश्‍शा ब्रोंइशा बाक्‍तीक बाक्‍ब। मेको आ आलपुकीमी यो मेको ताइनीम। हितोपदेस १८:१०

हितोपदेस 19:21

मुर आ थुंमी शुश मिम्‍तीक बाक्‍नीम। तन्‍न परमप्रभु यावे आ मिम्‍शो ला दुम्‍ब। हितोपदेस १६:९

यसैया 35:3

इन मारेइ पने मचाप्‍ब गुइ बोल्‍यो सेलीन। इन ख्रिंख्रि पाइब पोक्‍च बोल्‍यो सेलीन। हिब्रू १२:१२

यसैया 35:4

हिंब थुं पाइश्‍शो मुर आन कली “इन थुं फ्रेंदीन। महिनीन” दे मतीन। इन परमप्रभु एक बाक्‍ब। मेको क्‍येक्‍क लेत्‍चा कली जाक्‍ब। परमप्रभुमी हिंचा ङा सजाइ गेब। मेको जाक्‍शा इन कली प्रोंइब।

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 41:14

गे महिक्‍सीशो याकूब महिनो। इच्‍कका ला लीशो इस्राएलीपुकी महिनीन। गो इ कली वारच पाइ‍नुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्‍शो परमप्रभु, गो नङ। यसैया ४३:३

यसैया 54:17

गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।

लूका 12:32

गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९

प्रेरित 28:16

मिनु रोम सहरमी जाक्‍दीत्‍तक। जाक्‍दीश्‍शो रे पावल ते ते बाक्‍चा दाक्‍ता, मेक मेक बाक्‍चा गेम्‍तेक्‍म। आ कली कोव़ब सिपाही का वोइक्‍तेक्‍म। प्रेरित २७:३

प्रेरित 5:39

परमप्रभु यावे आ पशो बाक्‍त हना चहिं, गेपुकीमी तेक्‍शा यो मतेक्‍सीब। मेको ला ममाइ। गेपुकी परमप्रभु यावे कली मरिम्‍शो पाइब दुम्‍नीनी” दे माइक्‍मी बाक्‍त।

रोमी 15:24

गो दीसा नित्‍थी एकेर रे गाक्‍शा, स्‍पेन रागी लाइनुङ। मिनु इन बाक्‍तीके यो ओव़शा ग्रुम्‍नन्‍नी। ग्रुम्‍यानु, ग्‍येरसीशा, आं थुं नाइक्‍चा तङल देंती। मिनु नोले आं कली स्‍पेन सम्‍म चोव़दीनीनी कों, दे आस यो पाता।

हिब्रू 13:6

प्रभु आ देंशो तुइश्‍शा “प्रभुमी आं कली कोव़शा, वारच पाइब। मुरपुकीमी मार पने चाप्‍नीमी ङा? मारेइ पने मचाप्‍नीम। मोपतीके महिंथु बाक्‍ती” दे ठेयब थुं पा बाक्‍य। भजन संग्रह ११८:६

१ सामुएल 20:31

येस्‍से आ तौ रागीम ब्रोंइशा बाक्‍म सम्‍म गे मलीनेवे। इ राज्‍य यो मलीब। मेको कली रीब पा एक चाक्‍चा कली ब्रेत्‍थ सोइक्‍तीमी। थमा पा मेको साइक्‍चा पुंइसीब बाक्‍ब” देंमाक्‍त।

१ सामुएल 22:23

गे एक गो नु बाक्‍को। महिनो। इ कली साइक्‍चा माल्‍बम आं कली साइक्‍चा माल्‍शो बाक्‍ब। गे गो नु मारेइ मदुम्‍थु बाक्‍नेवे” दे मदा बाक्‍त। १राजा २:२६-२७

१ सामुएल 24:19

सुइमी आंम जोरी सत्रु आन कली थिश्‍शा, रिम्‍शो पा लचा मगेब। मोपतीके मुलाक्‍त इ पशो गेय आ पर्बम परमप्रभु यावेम इ कली इनाम गेवल।

१ सामुएल 24:20

मुल गो थमा पा तुइक्‍ताक्‍ङ गे पिप दुम्‍नेवे। इ पालाम इस्राएलम थम रिम्‍शो दुम्‍ब।

१ सामुएल 24:21

मोपतीके परमप्रभु यावे आ नेंम आं खिं ङा मुर आन कली, आं चच युइ आन कली खतम मपाइ‍नुङ। आं नें आं आफ आ खिं रे मक्‍याम्‍नुङ, दे कसम जावो” देंमाक्‍त। १सामुएल २३:१७

१ सामुएल 24:4

मिनु दाऊद आ मुरपुकीम “परमप्रभु यावेम देंशो खोदेंशो पा इन जोरी सत्रु कली इन गुइमी गेतीक नाक्‍त मुलाक्‍त बाक्‍ब। एको कली मार पचा दाक्‍नीनी मेको पने चाप्‍नीनी” देंमा बाक्‍त। मिनु दाऊद सिक्‍सी पा लशा, सावल आ वा आ सुर का रिक्‍गा बाक्‍त। भजन संग्रह १४२:१

१ सामुएल 25:30

परमप्रभु यावेम आं प्रभु, इन कली, आ देंशो खोदेंशो पा रिम्‍शो पाप्‍तु हना नु इन कली इस्राएल ङा सासन पाइब सेल्‍तु हना, २सामुएल ५:२