१ सामुएल 22:8 - Sunuwar Bible

⁸ मोपतीके गे नेल्‍लेम आं कली मरिम्‍शो पशो बाक्‍तीनी। इन दातेमी सुइम आं कली आं तौ नु येस्‍से आ तौ कबल पमुशो मशेंदीनी। सुइम आं कली आं तौमीन आं गेय पाइब कली जोंब पोक्शा, आं कली बाप्‍पाइश्‍शो लोव़ मशेंदीनी” देंमाक्‍त। १सामुएल १८:३

१ सामुएल 22:8 ပူးပေါင်းရင်းမြစ်များ

२ राजा 6:11

मोपतीके अराम ङा पिपमी “इस्राएल ङा पिपम इं बाक्‍तीक दोपा तुइक्‍ता” दे थाम्‍पा गाइक्‍ता बाक्‍त। मिनु मेकोम आ लडाइ पाइब आन ठेयब मुर आन कली ब्रेश्‍शा “गे इन दाते ङा सुमी चहिं इस्राएल ङा पिप कली लोव़ शेंदीनी? लो, देनीन” देंमाक्‍त।

अय्‍युब 33:16

परमप्रभुम मेको आन नोफा नेंब सेल्‍ब। मिनु मेको आन कली शेंदानु, ‘परमप्रभु आ लोव़ बाक्‍माक्‍त’ दे तुइक्‍नीम। अय्‍युब ३६:१०

१ सामुएल 18:1

मोपा दाऊदम सावल नु लोव़ पने थुमा बाक्‍त। नोले योनाथनमी, दाऊद कली आंम कली खोदेंशो पा आ थुं रेन दाक्‍चा गोवा बाक्‍त। मेको सावलम तुइक्‍ता बाक्‍त।

१ सामुएल 18:3

मिनु योनाथन नु दाऊद आस थुं रेन थमा पा वारच बु दुम्‍सा बाक्‍त। मारदे हना मेको निक्‍शी काम अर्को कली आंम कली खोदेंशो पा दाक्‍मुसा बाक्‍त। मिनु कबल का पाम्‍से बाक्‍त। १सामुएल २३:१८; २सामुएल २१:७; १सामुएल १९:१; १सामुएल २०:१७; २सामुएल १:२६

१ सामुएल 20:2

मिनु योनाथनमी “मोदेंशो मदुम्‍ल। गे मबेक्‍नीनी। आं आफोम आं कली मदेंथु, आइक्‍च नु ठेयब गेय मारेइ मपाइ‍ब। ओदेंशो लोव़ आं आफोम आं रे दोपा ख्रुइक्‍बा ङा? मोदेंशो मपाइब” देंमाक्‍त।

१ सामुएल 20:42

मिनु योनाथनम दाऊद कली “रिम्‍शो पा लावो। गे नु गो परमप्रभु यावे आ नेंमी कसम जशा, परमप्रभु यावे गे नु गो इस दातेमी बाक्‍ल। मेको इ चच युइ नु आं चच युइ आन दातेमी गेना हना यो बाक्‍ल” देंमाक्‍त। मिनु दाऊद बोक्‍शा लमाक्‍त। योनाथन चहिं सहर लेम्‍माक्‍त।

१ सामुएल 20:8

मोपतीके गे इन गेय पाइब, गो नु थमा सुइक्‍चा ङा गेय पने। मारदे हना गे नु गो परमप्रभु यावे आ ङोंइती कबल का पशो बाक्‍नस। गो दोस ताइब बाक्‍ती हना, गे आं कली साइय्‍यीनी। इन आफ बाक्‍तीकेमी मलाइय्‍यीनी” देंमाक्‍त। १सामुएल १८:३

१ सामुएल 22:13

मिनु सावलम मेको कली “गे नु येस्‍से आ तौमी आं पर्बम मारदे मरिम्‍शो पसी? गे मेको कली शोब्‍ले नु तरवार गेप्‍तीवी। मेको आ पर्बम परमप्रभु नु पुंइतीवी। मेको आं पर्बम मरिम्‍शो पचा कली ठीक दुम्‍शो बाक्‍ब। मुल आं कली बाप्‍शा बाक्‍चा कली मोदेंशो पाइतीनी” देंमाक्‍त।

१ सामुएल 23:21

मिनु सावलमी “थमा पा परमप्रभु यावेम इन कली आसीक गेवल। मारदे हना गो आं कली शिशी पाइतीनी।