१ सामुएल 22:17 - Sunuwar Bible

¹⁷ मिनु सावलम आ नेक्‍था उइ राप्‍शा बाक्‍शो आ कली खाल पाइब कली “लशा परमप्रभु यावे कली चढ़ेब आन कली सतो। मारदे हना, मेकोपुकी दाऊद नु गारशो बाक्‍नीम। मेकोपुकीमी दाऊद प्रोक्‍शो बाक्‍ब, दे तुइश्‍शा यो, आं कली मशेंदीमी” देंमाक्‍त। तन्‍न पिप कली खाल पाइबपुकीमी परमप्रभु यावे कली चढ़ेब आन कली साइक्‍चा थुं मपामे बाक्‍त।

१ सामुएल 22:17 ပူးပေါင်းရင်းမြစ်များ

२ सामुएल 15:1

मिनु नोले अब्‍सालोमम बग्‍गी का, शारा नु आ ङोंइङोंइती दोरचा कली ५० जना मुर आंम कली वोदा बाक्‍त। १राजा १:५

१ राजा 1:5

मिनु हग्‍गीथ आ तौ अदोनीयाहम आंम कली ठेयब सेल्‍शा “गोन पिप दुम्‍नुङ” देंचा गोवा बाक्‍त। मोपतीके मेकोम बग्‍गीपुकी, शारा ङोइक्‍बपुकी नु आ ङोंइङोंइती दोरपाइक्‍चा कली ५० जना मुर ठीक पवा बाक्‍त। २सामुएल ३:४; २सामुएल १५:१

१ राजा 14:27

मिनु पिप रेहोबामम मेको आ पा ङा कांसा के तेक्‍तीक सेल्‍शा, पिप आ खिं ङा लाप्‍चो खाल पाइब आन ठेयब मुर आन कली जिम्‍मा गेमी बाक्‍त।

१ राजा 18:4

इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।

२ राजा 10:25

मिनु येहूम मार मार चढ़ेने थुमा चोटी खाल पाइब नु आ दी ङा योव़शो मुर आन ठेयब मुर आन कली “ओव़शा, मेको नेल्‍ल आन कली का यो मप्रोंइथु, क्‍योरशा सतीन” दे हुकुम गेमी बाक्‍त। मोपतीके मेको खाल पाइबपुकी नु योव़शो आन ठेयब मुरपुकीम सुइ आन कली प्रोक्‍चा मगेथु तरवारम क्‍योरशा सदमे बाक्‍त। मिनु मेको आन बेक्‍शो रां लाङगा ग्रुंइशा बाल आ खिं आ लाङगाम ताइक्‍तमे बाक्‍त। १राजा १८:४०

प्रस्‍थान 1:17

तन्‍न मेको मीश मुर आन कली वारच पाइब नेल्‍लेमी परमप्रभु कली मान पा हिंशा, इजीप्‍त ङा पिपमी देंशो मपथु, वोंइश आल आन कली यो मसदमे बाक्‍त।

प्रेरित 4:19

मिनु पत्रुस नु यूहन्‍नामी “परमप्रभु यावे आ देंशो टिचा देय इन देंशो टिचा? एको निक्‍शीमी परमप्रभु यावेमी तेको पचा देंबा, दे आंमा मिम्‍तीने। प्रेरित ५:२८-२९

१ सामुएल 14:45

तन्‍न मुरपुकीम सावल कली “मार, योनाथन सांइसीबा? मेको योनाथनमी ओमो ठेयब गेय पा इस्राएल कली मग्रापदा? मोदेंशो मदुम्‍ल। गेना हना यो ब्रोंइशा बाक्‍ब परमप्रभु यावे आ नेंमी गो कसम जशा देंनीकी, मेको के चां का यो महेम्‍ल। मारदे हना मेकोम मुलाक्‍ती परमप्रभु नु गेय पशो बाक्‍ब” देंमा बाक्‍त। मोपा मुरपुकीम योनाथन कली प्रोन्‍मे बाक्‍त। मिनु मेको मसांइसे बाक्‍त।

१ सामुएल 2:31

मुल गे नु इ किकी पिपी आन खिं ङा मुर आन सक्ति नेल्‍ल साम्‍नुङ। इ खिं ङा मुर सुइ खूशो दुम्‍चा मताइनीम। १राजा २:२७

१ सामुएल 20:33

मेको लोव़म पतीके सावलमी आ तूतीक क्‍युक्‍शा, आ तौ कली साइक्‍चा मला बाक्‍त। मिनु योनाथनमी आ आफोम दाऊद कली साइक्‍चान माल्‍शो बाक्‍माक्‍त, दे तुइक्‍ता बाक्‍त। १सामुएल १८:११

१ सामुएल 22:13

मिनु सावलम मेको कली “गे नु येस्‍से आ तौमी आं पर्बम मारदे मरिम्‍शो पसी? गे मेको कली शोब्‍ले नु तरवार गेप्‍तीवी। मेको आ पर्बम परमप्रभु नु पुंइतीवी। मेको आं पर्बम मरिम्‍शो पचा कली ठीक दुम्‍शो बाक्‍ब। मुल आं कली बाप्‍शा बाक्‍चा कली मोदेंशो पाइतीनी” देंमाक्‍त।

१ सामुएल 22:16

मिनु पिपम “अहीमेलेक गे थमा पा साइक्‍चा पुंइसीनेवे। गे नु इ खिं ङा मुर नेल्‍ल साइक्‍चा पुंइसीनीम” देंमाक्‍त।

१ सामुएल 25:17

गे मार पचा माल्‍नीनी मेको रिम्‍शो पा मिम्‍तीन। मारदे हना, आंइ होव़प नु आ खिं थमा पा खतम दुम्‍ब। आंइ होव़प थम मरिम्‍शो बाक्‍ब। मेको नु लोव़ पने सुइ मचाप्‍ब” देंमाक्‍त।

१ सामुएल 8:11

मिनु सामुएलमी “इन कली सासन पाइब पिपमी मार पाइब देंशा हना, इन तौ आन कली लाइश्‍शा, आ बग्‍गी, शारा नु गेय पाइब सेल्‍ब। मेकोमी मेको आन कली आ बग्‍गी आ ङोंइङोंइती दोरपाइक्‍ब।