१ सामुएल 21:7 - Sunuwar Bible

⁷ सावल आ गेय पाइब आन दाते ङा गेय पाइब का यो मेको नाक्‍ती मेकेर परमप्रभु यावे आ ङोंइती दिक्‍शा, बाक्‍शो बाक्‍माक्‍त। मेको एदोम ङा दोएग बाक्‍माक्‍त। मेको सावल आ गोठला आन नेल्‍ल क्‍येङा ठेयब मुर बाक्‍माक्‍त। प्रस्‍थान २१:१३; लेवी १३:४,३१; १सामुएल २२:९,१८

१ सामुएल 21:7 ပူးပေါင်းရင်းမြစ်များ

उत्पत्ती 26:20

मिनु गेरार ङा गोठलापुकीमी इसहाक आ गोठला आन कली “एको ब्‍वाक्‍कु आंइ के बाक्‍ब” दे जीमे बाक्‍त। मोपतीके इसहाकम मेको इनार कली एसेक नें वोदा बाक्‍त। मारदे हना मेकोपुकी आ मुर नु जीमे बाक्‍त।

१ इतिहास 27:29

शारोन दिंम ङा शित्राइ मेकेर ङा दिंममी जोइब बी ब्‍यफ आन कली कोव़ब आन ठेयब मुर बाक्‍माक्‍त। अदलाइ आ तौ शाफात चहिं अरु दिंमम जोइब बस्‍तु भाव आन कली कोव़ब आन ठेयब मुर बाक्‍माक्‍त।

१ इतिहास 27:31

मेको नेल्‍ले पिप दाऊद आ शोंप कोव़ब आन ठेयब मुर बाक्‍मा बाक्‍त।

२ इतिहास 26:10

मेकोमी गोरशो रागीम अरु लाइश्‍शो खिंपुकी सेला बाक्‍त। मिनु मेकोमी शुश इनारपुकी दोपाइक्‍मी बाक्‍त। मारदे हना मेको के शेफेलाह नु दिंममी शुश बी ब्‍यफ बाक्‍मा बाक्‍त। मिनु मेको के पहाडम नु रिम्‍शो खप ङा दिंमम रू दोइब नु अङगुर रू कोव़ब मुरपुकी बाक्‍मा बाक्‍त। मारदे हना मेको खेतीपाती पचा दाक्‍ब मुर बाक्‍माक्‍त।

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१

लेवी 22:10

मिनु अर्को रागी ङा मुर नु चढ़ेब आ खिंम पौना बाक्‍शो कि गाल्‍च ताइब मुर आं कली चढ़ेशो थोव़क जचा ब्‍वचा मदुम्‍ब।

लेवी 22:13

तन्‍न चढ़ेब आ तमी आ वोंइश बेक्‍शो कि प्रोंइचा पुंइसीशो बाक्‍त हना, आ तमी तौ मदुम्‍थु, आ आफ आ खिं लेत्‍त हना, आ आल ना ङा खोदेंशो पा आन आफ आ भाग ङा चढ़ेशो रे जने ब्‍वने चाप्‍ब। तन्‍न अर्को खिं ङा मुर मेको जचा ब्‍वचा मदुम्‍ब।

लेवी 24:5

गे रिम्‍शो फस चाक्‍शा, बार ओटा शोब्‍ले चोवो। शोब्‍ले का एफाह का के २० भाग थम रिम्‍शो फस के दुम्‍चा माल्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको के २० भाग ४.४ लिटर खोदेंशो बाक्‍ब। प्रस्‍थान २५:३०

लेवी 24:8

मोपा हारूनमी नेल्‍ल नाइक्‍तीक नाक्‍ती मेको शोब्‍ले कली परमप्रभु यावे आ ङोंइती वोइक्‍चा माल्‍ब। मेको इस्राएली आन कली मेको गेना हना यो पतीक नु लीब कबल बाक्‍ब।

आमोस 8:5

गेपुकीमी ‘औंसी गेना लाक्‍बा ङा? गो अन्‍न लेयचा ताइनीकी। नाइक्‍तीक नाक्‍त गेना लाक्‍बा ङा? गो चेरब लेयचा ताइनीकी। गो एफाह आइक्‍च सेल्‍शा, शेकेल कली हेल्‍शो सेल्‍शा नु दूली पा नाक्‍शा, शुश क्‍येट चेम्‍नीकी’ देंनीनी। एफाह का २२ लिटर लाइब पुक्‍तीक बाक्‍ब। शेकेल का ११.५ ग्राम ङा क्‍येट बाक्‍ब। नेहेम्‍याह १३:१५

मत्ती 15:8

‘मेकोपुकीमी शोव़ नु लोव़म ठेयब सेल्‍नीमी। आन थुंमी चहिं आं कली मदाक्‍नीम।

१ सामुएल 11:5

मेना सावल रू रे पा ब्‍यफ खुल्‍शा जाक्‍ना जाक्‍न बाक्‍माक्‍त। मिनु मेकोमी “मुरपुकी मारदे ठेयब सेंदा पा ङाक्‍मा” दे हिल्‍लो पामी बाक्‍त। मिनु याबेश-गिलाद ङा मुरपुकीमी देंशो लोव़ मेको कली शेंदमे बाक्‍त।

१ सामुएल 14:47

मिनु सावलमी इस्राएलमी आ सासन पतीके बोल्‍यो सेल्‍ने थुमा बाक्‍त। मिनु मेकोमी मोआबी, अम्‍मोनी, एदोमी, सोबाह ङा पिपपुकी नु पलिस्‍ती आंम एर ओंथ ङा जोरी सत्रु नु लडाइ पवा बाक्‍त। मेकोपुकी ते ते लमा मेक मेक ग्रामा बाक्‍त।

१ सामुएल 21:8

दाऊदम अहीमेलेक कली “गे नु तूतीक तरवारपुकी बाक्‍नीमी? मारदे हना पिप आ गेय रीब पा पचा माल्‍तीके गो तरवार नु अरु या कुरचा मतङ” देंमाक्‍त।

१ सामुएल 22:10

अहीमेलेकम दाऊद आ पर्बम परमप्रभु यावे कली पुंइतु। मेको नोले जचा थोव़क नु पलिस्‍ती गोल्‍याथ आ तरवार यो मेको कली गेप्‍तु” देंमाक्‍त।

१ सामुएल 22:22

मिनु दाऊदमी अबीयाथार कली “मेको नाक्‍ती एदोम ङा दोएग मेकेर बाक्‍त। मेकोम सावल कली शेंब, दे गो तुइश्‍शो नङ। इ आफ नु आ खिं ङा मुर नेल्‍ल आन कली साइक्‍पाइक्‍ब दोस ताइब गो दुम्‍ती। १सामुएल २२:९

१ सामुएल 22:9

मिनु सावल आ गेय पाइब नु राप्‍शा बाक्‍शो एदोम ङा दोएगमी “गो येस्‍से आ तौ कली नोब ङा अहीतुब आ तौ अहीमेलेक आ बाक्‍तीकेम जाक्‍शो ताता। भजन संग्रह ५२:२; १सामुएल २१:१-१०