30 मिनु सावल योनाथन नु गाइश्शा मेको कली “गे दूली पाइब नु मटीब मीश आ तौ, गे येस्से आ तौ कली वारच सेल्शा, मुने दोक्शो बाक्नेवे। मिनु इ ममा इ कली जरमेशो आ पर्बम मुने दोक्त।
गाइक्तीकेम मूर्ख आन कली साइक्ब। मिनु गेहे पतीकेम मारेइ मजोक्ब आन कली साइक्ब।
रीब पा मगाइक्ब शुश रुप्ब मुर बाक्ब। तन्न रीब पा गाइक्ब मुर मूर्ख दुम्शा लाइब। हितोपदेस १६:३२; हितोपदेस १९:११
जोक्ब तुइक्ब मुरपुकीमी लोव़ पाम्तेक्म हना, नेंबपुकी जोक्ब दुम्चा दाक्नीम। तन्न मूर्ख आन लोव़ शोर गाक्शो बाक्ब।
पिप आ गाइश्शो गुप्स आ ग्रीशो खोदेंशो बाक्ब। आ दाक्तीक चहिं घांस तार दोक्शो सुनी ङा सीत खोदेंशो बाक्ब। हितोपदेस १६:१४-१५
रीब पा शुश चुरब मुर सजाइ ताइब। गे मेको कली तेक्चा माल्तीवी हना, मेको क्येङा शुश गाइक्ब।
ठेयब लेश्शो, बोरशो मुर आ नें शुक्शी पाइब बाक्ब। मेकोमी ठेयब लेश्शो नु बोरशो गेय ला पाइब।
सुमी आंम कली ठीक पा चलेने मचाप्बा, मेको गारो ब्रेश्शो सहर खोदेंशो बाक्ब। हितोपदेस २९:११
फुल्लु नु बाल्वा हेल्शो बाक्नीम। तन्न मूर्खमी गेशो श्येत मेको निम्फा आस क्येङा हेल्शो बाक्ब।
गोमी चहिं इन कली मार देंनुङ देंशा हना, सु मुर नु ईख पा ब्राशा बाक्बा, मेको सजाइ गेचा पुंइसीब। सुमी अर्को कली मरिम्शो लोव़ पाइबा, मेको कछडी पचा पुंइसीब। सुमी अर्को कली ‘ए मूर्ख’ देंबा, मेको नरक ङा मीम हुम्चा पुंइसीब। १यूहन्ना ३:१५
मिनु ईख कुरचा, चुरचा, गाइक्चा, ग्रीचा, मरिम्शो लोव़ पचा नु मरिम्शो पचा नेल्ल ताइक्तीने। कलस्सी ३:८
गे आफपुकी, इन आल आन कली मगाइक्पतीन। तन्न मेको आन कली रिम्शो थुल्शा कोल्पतीन। मिनु मेको आन कली शेंशा, प्रभु सु बाक्बा मेको तुइक्पतीन। ब्यवस्था ६:२०-२५
मेकोमी ‘आं खिं ङा मुरपुकी चढ़ेचा कली सहर लशो बाक्नीम। आं लोक्बम आं कली मेक जाक्चा, दे ब्रेत्ताक्यी। मिनु गे आ कली शिशी पाइनीनी हना, आं लोक्ब आन कली ग्रुम्थ लचा गेयीनी’ देंत। मोपतीके मेको पिप नु जथ जाक्ने मचब” देंमाक्त।
येस्से आ तौ रागीम ब्रोंइशा बाक्म सम्म गे मलीनेवे। इ राज्य यो मलीब। मेको कली रीब पा एक चाक्चा कली ब्रेत्थ सोइक्तीमी। थमा पा मेको साइक्चा पुंइसीब बाक्ब” देंमाक्त।