१ सामुएल 20:3 - Sunuwar Bible

³ मिनु दाऊदमी “गे आं कली दाक्‍नीनी, दे इन आफोम तुइक्‍ब। मेकोमी ‘योनाथनम मतुइक्‍तल। तुइक्‍ताक्‍व हना, आ थुं खाइक्‍ब’ दे मिम्‍शो बाक्‍ब। थमा पा, परमप्रभु यावे ब्रोंइशा बाक्‍शो खोदेंशो पा बेक्‍तीक आं नेक्‍था बाक्‍त” दे कसम जवा बाक्‍त।

१ सामुएल 20:3 ပူးပေါင်းရင်းမြစ်များ

२ सामुएल 15:21

तन्‍न इत्‍ताइमी पिप कली “परमप्रभु यावे ब्रोंइशा बाक्‍शो खोदेंशो पा नु आं प्रभु पिप इन ब्रोंइशा बाक्‍शो खोदेंशो पा, गे ते लाइतीनी हना यो, गो मेक लाइक्‍नुङ। ब्रोंइतीनी हना यो, बेक्‍तीनी हना यो, गो इन गेय पाइब, इन नु बाक्‍नुङ” दे मदा बाक्‍त।

२ राजा 2:2

मिनु एलीयामी एलीशा कली “गे एक उइ बाक्‍को। मारदे हना परमप्रभु यावेमी आं कली बेथेल सोइश्‍शो बाक्‍ब” देंमाक्‍त। तन्‍न एलीशामी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, गो इन कली मप्रोंइनुङ” देंमाक्‍त। मोपतीके मेको निक्‍शी बेथेल ब्रुप्‍सा बाक्‍त।

२ राजा 2:4

मिनु एलीयामी मेको कली “एलीशा गे एक बाक्‍को। मारदे हना परमप्रभु यावेमी आं कली यरीको सोइश्‍शो बाक्‍ब” देंमाक्‍त। तन्‍न मेकोमी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, गो इन कली मप्रोंइनुङ” देंमाक्‍त। मोपतीके मेको निक्‍शी यरीको सम्‍म ब्रुप्‍सा बाक्‍त।

२ राजा 2:6

मिनु एलीयामी मेको कली “गे एक उइ बाक्‍को। मारदे हना परमप्रभु यावेम आं कली ‘यर्दन खोला लावो’ दे सोइक्‍ताक्‍यी” देंमाक्‍त। तन्‍न एलीशामी “परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, गो इन कली मप्रोंइनुङ” देंमाक्‍त। मोपतीके मेको निम्‍फा गाक्‍सा बाक्‍त।

भजन संग्रह 116:3

गो बेक्‍चा चिक्‍शो बाक्‍ती। हेररा तुरसुम लाइक्‍चा पुंइसीशो बाक्‍ती। सुर्ता पतीके नु हिंतीके थुंम सुम्‍शो बाक्‍ती।

येरमीया 38:16

मिनु पिप सिदकीयाहम सुइ आन मतुइक्‍चा ङा पा, येरमीया नु कसम जशा “परमप्रभु यावे ब्रोंइशा बाक्‍शो खोदेंशो पा, गो इं कली सोक्‍त गेप्‍तु। गो मेको आ नेंमी कसम जशा देंनुङ। गो इ कली मसाइक्‍नुङ। गो इ कली साइक्‍चा माल्‍ब मुर आन गुइम मगेनन” देंत। येरमीया ३८:४-५

येरमीया 4:2

कसम जची ना गेपुकीम ‘परमप्रभु यावे ब्रोंइशा बाक्‍शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्‍शो थुं पाइब मुर दुम्‍तीनी हना, रागी रागी ङा मुर परमप्रभु आ नें थि‍शा आसीक पमुइनीम। मिनु मेकोपुकी आ आल दुम्‍तीके ग्‍येरसीनीम” देंत। ब्‍यवस्‍था १०:२०; यसैया ६५:१६

ब्‍यवस्‍था 28:66

मिनु गेपुकी दीसा मार दुम्‍बा ‘ब्रोंइनुङा, मब्रोंइनुङा’ दे मारेइ मतुइक्‍थु, नाक्‍दो नाक्‍ती हिंशा बाक्‍चा माल्‍नीनी।

ब्‍यवस्‍था 6:13

गेपुकी परमप्रभु यावे, इन परमप्रभु कली मान पा हिनीन। मेको कली गेय पने। मिनु मेको आ नेंम ला कसम जने। ब्‍यवस्‍था १०:२०; मत्ती ४:१०

हिब्रू 6:16

मुरपुकीमी यो कसम जामेनु, आन क्‍येङा ठेयब आ नें थिशा कसम जाइनीम। कसम जशोमी आन लोव़ थमान सेल्‍नीम। प्रस्‍थान २२:१०

१ सामुएल 1:26

मिनु हान्‍नाहमी मेको कली “आं प्रभु, गे ब्रोंइशा बाक्‍शो खोदेंशो पा, गो थमा लोव़ पाइनुङ। गो परमप्रभु यावे कली पुंइशा, इन ङोंइती राप्‍शा, बाक्‍ब मीश मुर नङ।

१ सामुएल 17:55

मिनु सावलमी दाऊद कली पलिस्‍तीपुकी नु लडाइ पथ लशो तशा, मेकोम आ लडाइ पाइब आन कप्‍तान आब्‍नेर कली “मेको ठिटा सु का आ तौ बाक्‍मे?” दे हिल्‍लो पवा बाक्‍त। मिनु आब्‍नेरमी “गो इन नेंमी कसम जशा देंनुङ, गो मेको कली मतुइक्‍नुङ” देंमाक्‍त।

१ सामुएल 20:2

मिनु योनाथनमी “मोदेंशो मदुम्‍ल। गे मबेक्‍नीनी। आं आफोम आं कली मदेंथु, आइक्‍च नु ठेयब गेय मारेइ मपाइ‍ब। ओदेंशो लोव़ आं आफोम आं रे दोपा ख्रुइक्‍बा ङा? मोदेंशो मपाइब” देंमाक्‍त।

१ सामुएल 20:4

मिनु योनाथनमी दाऊद कली “गे मार देंनीनी, गो मेको पाइनुङ” देंमाक्‍त।

१ सामुएल 25:26

आ प्रभु, परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, परमप्रभु यावेमी इन कली हुश ख्राक्‍श पोक्‍तीक नु क्‍येक्‍क लेत्‍तीक रे तेक्‍शो बाक्‍ब। इन जोरी सत्रु नु इन कली मरिम्‍शो पाइब नाबाल खोदेंशो दुम्‍मल।

१ सामुएल 27:1

दाऊदमी “काबु सावलम आं कली साइक्‍ब। मोपतीके पलिस्‍ती आन रागीम आं कली प्रोक्‍शा लचा रिम्‍शो दुम्‍ब। मिनु सावलमी इस्राएल आगामी आं कली माल्‍चा प्रोंइब। मिनु गो मेको आ गुइ रे ब्रोंइ‍नुङ” दे मिम्‍ता बाक्‍त। १सामुएल २३:२३