१ सामुएल 20:24 - Sunuwar Bible

²⁴ मोपतीके दाऊद रू मेर ख्रुइश्‍शा बाक्‍माक्‍त। मिनु औंसीमी भोज ठीक दुम नोले पिप जचा कली निस्‍से बाक्‍त।

१ सामुएल 20:24 ပူးပေါင်းရင်းမြစ်များ

हितोपदेस 15:17

काइ मदाक्‍शो मुर नु ब्रोव़शो श्‍ये खमे जचा क्‍येङा, दाक्‍मुशा चूले खमे जशो रिम्‍शो बाक्‍ब।

हितोपदेस 17:1

जिना जिन ब्रोव़शो जचा क्‍येङा सिक्‍सी पा थुं नाइश्‍शा पोकतो खमे जचा रिम्‍शो बाक्‍ब। हितोपदेस १५:१७

हितोपदेस 21:27

परमप्रभु यावे आ अरेशो मटीब आन चढ़ेशो ग्रांग्रा दि‍शो बाक्‍ब। मेकोमी मरिम्‍शो मिम्‍शा चढ़ेशो शुश ग्रांग्रा बाक्‍ब। हितोपदेस १५:८

हितोपदेस 21:3

परमप्रभु यावे आ ङोंइती मार मार चढ़ेचा क्‍येङा ठीक पतीके नु रिम्‍शो निसाफ पतीके आ दाक्‍शा ब्रतीक बाक्‍ब। १सामुएल १५:२२; होसे ६:६

हितोपदेस 4:17

परमप्रभु यावे आ अरेशो मटितीके मेको आन जचा थोव़क खोदेंशो बाक्‍ब। हुश ख्राक्‍श पोक्‍तीके आन तूचा थोव़क खोदेंशो बाक्‍ब।

जकरिया 7:6

मिनु गे जशा, ब्‍वशा तूती‍नी हना, गे आंम इन पर्बम मपाइ‍नीनी ङा?’ दे‍नो” देंत।

यूहन्‍ना 18:28

मिनु नोले मेको ग्‍याइक्‍बपुकीमी येसु कली काइयाफास आ बाक्‍तीक रे पिलातस आ खिं गे लाइक्‍तेक्‍म। मेना नां सोव़चशो बाक्‍माक्‍त। मिनु मेकोपुकी पास्‍सा चाड ङा भोज जचा कली ठीक दुम्‍शा बाक्‍शो बाक्‍तेक्‍म। मोपतीके मेकोपुकी पिलातस रोमी दुम्‍शो आ पर्बम मथिचा ङा बाक्‍त, दे आ खिं आगा मओव़म।

१ सामुएल 20:23

गो निक्‍शी इस दातेम पशो लोव़ गेना हना यो लील, दे परमप्रभु यावे सांकछी बाक्‍ब” देंमाक्‍त।

१ सामुएल 20:25

सावल ङोंइती खोदेंशो पा आ नित्‍तीकेम निस्‍से बाक्‍त। आ नित्‍तीके गारो आ नेक्‍था बाक्‍शो बाक्‍त। आब्‍नेर मेको आ नेक्‍था निस्‍से बाक्‍त। योनाथन चहिं राप्‍शा बाक्‍शो बाक्‍माक्‍त। तन्‍न दाऊद आ नित्‍तीक श्‍येत्‍थ बाक्‍माक्‍त।

१ सामुएल 20:5

मिनु दाऊदमी योनाथन कली “दीसा औंसी बाक्‍ब। गो पिप नु बाक्‍शा, जचा माल्‍नुङ। गो नाक्‍त सां सम्‍म रू मेर लशा ख्रुइश्‍शा बाक्‍नुङ।