१ सामुएल 20:12 - Sunuwar Bible

¹² मिनु योनाथनम दाऊद कली “गो इन कली, परमप्रभु यावे, इस्राएली आन परमप्रभु आ ङोंइती एको लोव़ पाइनुङ। दीसा कि नित्‍थ नाक्‍त आं आफ आ थुं थामु नोले मेकोम इन पर्बम रिम्‍शो मिम्‍शो बाक्‍त हना, गो इन कली तुइक्‍पाइक्‍नुङ।

१ सामुएल 20:12 ပူးပေါင်းရင်းမြစ်များ

२ सामुएल 21:7

तन्‍न पिपमी परमप्रभु यावे आ नेंम नु सावल आ तौ योनाथन नु कसम जतीके सावल आ चच योनाथन आ तौ मेफी-बोशेथ कली प्रोंइशा वोदा बाक्‍त। १सामुएल २०:१५-१७;

अय्‍युब 31:4

परमप्रभुम आं पशो नेल्‍ल तुइक्‍ब। मिनु आं गाक्‍शो नेल्‍ल कोव़ब। अय्‍युब २३:१०

भजन संग्रह 17:3

गे आं कली नाक्‍ताक्‍नी। नाक्‍दो यो आं कली नाक्‍शा, आं आगामी मारेइ मरिम्‍शो मथिन्‍नी। गो मरिम्‍शो लोव़ मपाइनुङ, दे आं थुं फ्रेंशा बाक्‍ती। भजन संग्रह १३९:१

हितोपदेस 20:5

मुर आन थुं ङा मिम्‍शो लुक्‍च लशो ब्‍वाक्‍कु खोदेंशो बाक्‍ब। तन्‍न निप्‍स पाइश्‍शो मुरुमी ला मेको कीशा ग्रुंइने चाप्‍ब।

यहोसु 22:22

“परमप्रभु यावे, नेल्‍ल क्‍येङा सक्ति पाइश्‍शो परमप्रभु यावेमी नेल्‍ल तुइक्‍ब। गो परमप्रभु यावे कली मटिशो बाक्‍तय हना, इस्राएलीपुकीमी यो मेको तुइक्‍तमेक्‍ल। मुलाक्‍त आंइ कली सतीन।

१ सामुएल 20:11

मिनु योनाथनमी “गो नु पिने” देंमाक्‍त। मिनु मेको निम्‍फा हिरथ लसा बाक्‍त।

१ सामुएल 20:13

तन्‍न आं आफोम मरिम्‍शो मिम्‍शो बाक्‍त हना यो, गो इन कली तुइक्‍पाइक्‍नुङ। गो इन कली मतुइक्‍पाइक्‍ता हना नु इन कली मप्रोंइता हना, परमप्रभु यावेमी आं कली सजाइ गेवल। परमप्रभु यावे आं आफ नु बाक्‍शो खोदेंशो पा गे नु यो बाक्‍ल।

१ सामुएल 23:18

मिनु नोले मेको निक्‍शीमी परमप्रभु यावे आ ङोंइती कबल पाम्‍से बाक्‍त। मिनु दाऊद होरेशम बाक्‍माक्‍त। योनाथन चहिं आ खिं लेम्‍माक्‍त। १सामुएल १८:३