१ सामुएल 2:7 - Sunuwar Bible

⁷ परमप्रभु यावे प्रुङग नु शोंप पाइश्‍शो सेल्‍ब बाक्‍ब। मेकोमी आइक्‍च नु ठेयब यो सेल्‍ब। भजन संग्रह ७५:८

१ सामुएल 2:7 ပူးပေါင်းရင်းမြစ်များ

२ राजा 9:6

मिनु येहू बोक्‍शा, आगा ङा कोठाम ओव़माक्‍त। मिनु मेको ठिटाम येहू आ पियाम तेल लुक्‍शा “परमप्रभु यावे, इस्राएली आन परमप्रभुमी ‘गो इ कली आं मुर इस्राएली आन पिप सेल्‍तन।

१ इतिहास 29:12

गे शोंप नु मान ततीक गेब बाक्‍नीनी। गे नेल्‍ल आन कली सासन पाइनीनी। बोल नु सक्ति इन गुइमी बाक्‍ब। गे इन गुइमी ठेयब सेल्‍शा, सक्ति गेनीनी। २इतिहास २०:६

२ इतिहास 32:27

हिज्‍कीयाह शुश शोंप पाइश्‍शो नु मान ताइब मुर दुम्‍शो बाक्‍माक्‍त। मेकोमी आ सुन चांदी, हीरापुकी, मस्‍लापुकी तेक्‍तीकपुकी नु अरु मार मार शुश क्‍येट लाइब वोइक्‍तीक खिंपुकी सेला बाक्‍त।

२ इतिहास 32:29

मेकोमी आंम कली सहरपुकी सेला बाक्‍त। मेको के बी ब्‍यफ नु क्‍यारश भेडा शुश बाक्‍मा बाक्‍त। मारदे हना परमप्रभुम मेको कली थमा पा शुश शोंप गेशो बाक्‍माक्‍त।

अय्‍युब 1:21

“गो आं ममा आ कोव़ज रे शिश्रा यिती। शिश्रा लेश्‍शा लाइनुङ। गो ते रे श्‍येत्‍थी जाक्‍ङा, मेकेन श्‍येत्‍थी लेश्‍शा, लाइनुङ। मेको नेल्‍ल परमप्रभु यावेमी गेती। मिनु मेकोमी नेल्‍ल लेश्‍शा लाइक्‍तु। परमप्रभु यावे आ नें ठेयब बाक्‍ल” देंमाक्‍त। उपदेसक ५:१४; १तिमोथी ६:७; याकूब ५:११

अय्‍युब 40:12

ठेयब लेश्‍शो मुर नेल्‍ल आन कली कोव़ङो। मेको आन कली आइक्‍च सेलो। मिनु आं अरेशो लोव़ मटीब आन कली आन राप्‍तीकेमी दिम्‍दीमी।

अय्‍युब 5:11

मेकोम महिक्‍सीशो मुर आन कली ठेयब सेल्‍ब। मिनु रोंका पाइब आन कली लेंशा ग्‍येरपाइक्‍‍ब। भजन संग्रह ७५:८; लूका १:५२

भजन संग्रह 102:10

एको नेल्‍ल इन गाइक्‍तीकेमी दुम्‍शो बाक्‍ब। मारदे हना गे आं कली क्‍युक्‍शा, ताइक्‍ताक्‍यीनी।

भजन संग्रह 75:7

तन्‍न परमप्रभुमी मुर आन कली निसाफ पाइब। मेकोमी का निक्‍शी आन कली दिप्‍ब, का निक्‍शी आन कली क्‍युक्‍ब। १सामुएल २:७

भजन संग्रह 75:8

परमप्रभु यावे आ गुइमी बोटको का बाक्‍ब। मेकेर मार मार सुप्‍शो बोग्‍यो बोक्‍शो अङगुर शांबु बाक्‍ब। परमप्रभुमी मेको तूचा गेब। मिनु रागी रागी ङा आ अरेशो मटीबपुकीमी मेको तूचा माल्‍नीम। भजन संग्रह ६०:५; येरमीया २५:१५-१६

हितोपदेस 22:2

क्‍येट थीब नु प्रुङग मुर के गारतीक का बाक्‍ब। मेको मार बाक्‍ब देंशा हना, परमप्रभु यावेमी मेको निम्‍फा आस कली सेल्‍तु। हितोपदेस २९:१३

यसैया 2:12

मिनु मुर नेल्‍ल आन परमप्रभु यावेमी काबु नाक्‍ती ठेयब लेश्‍‍शो, बोरशो मुर नु “गो ठेयब नङ” देंब आन कली आइक्‍च सेल्‍ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्‍याह १:१४

येरमीया 49:15

परमप्रभु यावेम “मुल गो इ कली रागी रागी आन दाते ङा नेल्‍ल क्‍येङा आइक्‍च सेल्‍नन। मुरपुकीमी इ कली महिक्‍नीम।

इजीकीएल 17:24

मिनु रू ङा रवा नेल्‍लेम गो, परमप्रभु यावे नङ, दे तुइक्‍चा माल्‍नीम। गो लाइश्‍शो रवा आन कली आइक्‍च सेल्‍नुङ। आइक्‍च रवा आन कली लाइश्‍शो सेल्‍नुङ। गो गिगी रवा आन कली सोव़पाइक्‍नुङ। मिनु सोव़शो रवा आन कली गिगी दुम्‍पाइक्नुङ। गो, परमप्रभु यावेमी एको लोव़ पाता। मिनु गो एको थमा पा पाइनुङ” देंत।

याकूब 4:10

प्रभु येसु आ ङोंइती आइक्‍च दुम्‍शा, ब्रेम्‍शो दुमीन। मिनु परमप्रभु यावेमी इन कली ठेयब सेल्‍ब।