१ सामुएल 2:6 - Sunuwar Bible

⁶ परमप्रभु यावे बेक्‍पाइक्‍ब नु सेंपाइक्‍ब बाक्‍ब। मेकोमी मुर आन कली बेक्‍शो मुर आन बाक्‍तीके सोइक्‍ब। मिनु मेकोमी सेंपाइक्‍ने यो चाप्‍ब। ब्‍यवस्‍था ३२:३९; भजन संग्रह ७१:२०

१ सामुएल 2:6 ပူးပေါင်းရင်းမြစ်များ

१ राजा 17:22

मिनु परमप्रभु यावेमी एलीया आ पुंइशो लोव़ नेना बाक्‍त। मिनु मेको आल ब्रोंइमाक्‍त।

२ राजा 5:7

मिनु इस्राएल ङा पिपम मेको चिठी पढेवा चोटीन आ वा खाक्‍शा “मार, गो परमप्रभु नङा ङा? मिनु बेक्‍पाइक्‍ने नु सेंपाइक्‍ने चाप्‍नुङा? मेको मुरुम मारदे एको मुर कली आ कोव़र सापाइक्‍चा कली आं बाक्‍तीक सोइक्‍ता? मेकोम गो नु खुज्री माल्‍तु” देंमाक्‍त।

अय्‍युब 5:18

मारदे हना मेकोमी गार सेल्‍ब। मिनु मेकोमीन फ्रेंब। मेकोमी तुप्‍ब। मिनु मेकोमीन सापाइक्‍ब। ब्‍यवस्‍था ३२:३९; होसे ६:१

भजन संग्रह 116:3

गो बेक्‍चा चिक्‍शो बाक्‍ती। हेररा तुरसुम लाइक्‍चा पुंइसीशो बाक्‍ती। सुर्ता पतीके नु हिंतीके थुंम सुम्‍शो बाक्‍ती।

भजन संग्रह 30:4

परमप्रभु यावे कली टीबपुकी, मेको कली कुम्‍सो पने। मिनु आ नें ठेयब से‍लीन।

भजन संग्रह 68:20

आंइ परमप्रभु श्‍येत रे प्रोंइब बाक्‍ब। मिनु परमप्रभु यावेमी बेक्‍चा रे प्रोंइ‍ब।

भजन संग्रह 71:20

गे आं कली शुश नु ठेयब श्‍येत जपाइक्‍तीनी हना यो, लेंशा ब्रोंइचा गेनीनी। गे आं कली लुक्‍च लतीक रे लेंशा ग्‍येत्‍थ लपाइक्‍नीनी। १सामुएल २:६

उपदेसक 3:3

साइक्‍तीक ना बाक्‍ब। मिनु सापाइक्‍तीक ना बाक्‍ब। प्रेत्‍तीक ना बाक्‍ब। मिनु सेल्‍तीक ना बाक्‍ब।

यसैया 26:19

इन बेक्‍शो मुरपुकी लेंशा ब्रोंइनीम। आन बेक्‍शो रां सेंसीनीम। गे फुरकुम बाक्‍बपुकी, बोक्‍कीन। ग्‍येरसीशा कुम्‍सो पने। मारदे हना इन सुनी ङा सीत छेङछेङम ब्रशो बाक्‍ब। मिनु रागीमी शुश ङोंइती बेक्‍शो मुर आन कली ग्रुंइब। इजीकीएल ३७:१-१४; मत्ती २७:५२-५३

इजीकीएल 37:12

मोपतीके मेको नेल्‍ल आन कली आं लोव़ पा ‘गो, परमप्रभु, परमप्रभु यावेमी तुरस रोक्‍शा, इन कली ग्रुंइनुङ। आं मुरपुकी, गो इन कली लेंशा इस्राएल रागीम चाक्‍नन्‍नी।

इजीकीएल 37:3

मिनु मेकोम आं कली “ए मुर, मार, एको रुश लेंशा ब्रोंइने चाप्‍नीमी ङा?” देंत। मिनु गो “परमप्रभु, परमप्रभु यावे, गे ला मेको तुइक्‍नीनी” देंती।

मत्ती 12:40

योना नाक्‍त सां सम्‍म ङांइ आ कोव़जम बाक्‍शो खोदेंशो पा, रागीम जरमेशो यो नाक्‍त सां सम्‍म रागी आ कोव़जम बाक्‍ब। योना २:१; एफिसी ४:९; १पत्रुस ३:१९

यूहन्‍ना 11:25

मिनु येसुमी “गो सेंपाइक्‍ब नु ब्रोंइपाइक्‍ब नङ। आं कली थमा सुइक्‍ब बेक्‍तेक्‍म हना यो, सेंसीनीम।

ब्‍यवस्‍था 32:39

मुल कोव़ङीन, गो ला परमप्रभु नङ। आं क्‍येङा लाक्‍शा सुइ परमप्रभु मबाक्‍ब। गो साइक्‍ब नु ब्रोंइपाइक्‍ब नङ। गो गार सेल्‍ब नु सापाइक्‍ब नङ। आं गुइ रे ब्रोंइब सुइ मबाक्‍ब। ब्‍यवस्‍था ४:३५; यसैया ४५:५; १सामुएल २:६; प्रस्‍थान १५:२६; अय्‍युब ५:१८; होसे ६:१-२

प्रकाश 1:18

ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।

१ सामुएल 20:3

मिनु दाऊदमी “गे आं कली दाक्‍नीनी, दे इन आफोम तुइक्‍ब। मेकोमी ‘योनाथनम मतुइक्‍तल। तुइक्‍ताक्‍व हना, आ थुं खाइक्‍ब’ दे मिम्‍शो बाक्‍ब। थमा पा, परमप्रभु यावे ब्रोंइशा बाक्‍शो खोदेंशो पा बेक्‍तीक आं नेक्‍था बाक्‍त” दे कसम जवा बाक्‍त।