१ सामुएल 2:36 - Sunuwar Bible

³⁶ मिनु इ खिं ङा ब्रोंइशा लीशोपुकी मेको आ ङोंइती बाप्‍शा ‘टुक्रा का चांदी, शोब्‍ले का तचा कली, आं कली चढ़ेतीक गेय गेयीनी। मिनु गो नु जचा थोव़क बाक्‍ल’ देंनीम” दे परमप्रभु यावेमी देंत।

१ सामुएल 2:36 ပူးပေါင်းရင်းမြစ်များ

१ राजा 2:27

मोपतीके सोलोमनम अबीयाथार कली परमप्रभु यावे कली चढ़ेतीक गेय रे ग्रुंइदा बाक्‍त। मोपा परमप्रभु यावेमी शिलोम एली आ खिं आ पर्बम देंशो लोव़ गाम्‍माक्‍त। १सामुएल २:३१-३२

२ राजा 23:9

मेको डांडा ङा थान ङा गेय पाइब चढ़ेबपुकीम यरूसलेम ङा परमप्रभु यावे आ खिं ङा चढ़ेतीकेम जाक्‍ने मचाप्‍बमे बाक्‍त। तन्‍न मेकोपुकीम आन वारच चढ़ेबपुकी नु बोरब ओख्‍ती मसुप्‍शो शोब्‍ले जाइ‍बाक्‍मा बाक्‍त।

हितोपदेस 14:19

मरिम्‍शो पाइब मुरपुकी रिम्‍शो मुर आन ङोंइती बाप्‍नीम। मिनु परमप्रभु यावे आ अरेशो मटीबपुकी ठीक पाइब आन लाप्‍चोमी बाप्‍नीम।

मलाकी 1:13

मिनु गेपुकीमी ‘एको गिश श्‍येत बाक्‍बा’ दे आं कली चढ़ेतीक आ पर्बम इन नें क्रुप्‍नीनी। गेपुकीमी रोइश्‍शो बस्‍तु चाक्‍नीनी। खोइल मदुक्‍ब नु रोइ पशो बस्‍तु चढ़ेथ चाक्‍नीनी। मार, गो इन चढ़ेशो ग्‍येरशा ताक्‍चा माल्‍नुङा ङा?” दे परमप्रभु यावेमी देंत।

न्‍यायाधीस 17:10

मिनु मीकाहमी “गो नु बाक्‍को। मिनु आं आफ नु आं चढ़ेब दुमो। गो इ कली बर्स बर्समी १० ओटा चांदी के शेकेल गेनन। मिनु जचा फेक्‍चा यो गेनन” देंमाक्‍त।

१ सामुएल 2:35

गो आं कली थमा सुइक्‍ब चढ़ेब का पोक्‍नुङ। मेकोम आं कली टिशा, आं थुंम मिम्‍शो पाइब। गो मेको कली गेना हना यो लीब खिं का सेल्‍नुङ। मिनु मेकोमी आं तेल लुक्‍शो आ ङोंइती गेना हना यो गेय पाइ‍ब। १राजा २:३५; हिब्रू ५:४-६

१ सामुएल 3:1

मिनु सामुएल एली आ देंशो टिशा, परमप्रभु यावे आ गेय पना पन बाक्‍माक्‍त। मेना परमप्रभु यावे आ लोव़ शुश मनेंसीबाक्‍माक्‍त। मिनु ततीक यो शुश मतांइसीबाक्‍माक्‍त। आमोस ८:११