१ सामुएल 2:33 - Sunuwar Bible

³³ तन्‍न गो इ तौ चच युइ आन दाते ङा आं कली चढ़ेतीकेम गेय पाइब, का कली मसाइक्‍नुङ। मेको शुश ङाक्‍शा, आ थुं लुक्‍च लाइक्‍ब। मारदे हना मेकोमी आ वोंइश मुर नेल्‍ल बेक्‍ची मजाक्‍थु बेक्‍शो ताइब।

१ सामुएल 2:33 ပူးပေါင်းရင်းမြစ်များ

१ राजा 1:19

मेकोमी शुश ब्‍यफ नु दोम्‍शो बस्‍तु भाव नु भेडा क्‍योरशा चढ़ेशो बाक्‍ब। मिनु पिप आ आल नेल्‍ले, चढ़ेब अबीयाथार नु लडाइ पाइब आन नेल्‍ल क्‍येङा ठेयब मुर योआब नेल्‍ल आन कली ब्रेश्‍शो बाक्‍ब। तन्‍न इन गेय पाइब सोलोमन कली चहिं मब्रेश्‍शो बाक्‍ब।

१ राजा 1:7

मिनु मेकोमी सेरूयाह आ तौ योआब नु चढ़ेब अबीयाथार नु लोव़ गारपदा बाक्‍त। मिनु मेको निक्‍शीमी अदोनीयाह कली वारच पदसे बाक्‍त। १राजा २:२७

लेवी 26:16

गो इन कली मार पाइनुङ देंशा हना, गो इन दातेमी शुश हिंतीके सेल्‍नुङ। मिनु इन रां सोव़ना सोव़न बाक्‍नीम। मिनु जरो पा इन मिक्‍च ततीके जाम्‍ना जाम्‍न लाइब। मिनु गे ओंखां पा बेक्‍नीनी। इन शोक्‍शो अन्‍न मोशा दुम्‍नीम। मारदे हना इन जोरी सत्रुम नेक्‍नीम।

१ सामुएल 2:32

गे आं मुर इस्राएली आन कली गेशो रिम्‍शो थोव़क तशा गेहे पाइनीनी। मिनु इ खिंमी सुइ खूशो सम्‍म मलीनीम।

१ सामुएल 2:34

मिनु इ तौ निक्‍शी होफ्‍नी नु फिनेहास काबुमीन बेक्‍नीस। मेको आं देंशो लोव़ थमा बाक्‍ब, देंशो चिन्‍ड का बाक्‍ब। १सामुएल ४:११

१ सामुएल 22:18

मोपतीके पिपम एदोम ङा दोएग कली “ए दोएग लशा चढ़ेब आन कली सतो” देंमाक्‍त। मिनु दोएग लशा, चढ़ेब आन कली सदा बाक्‍त। मिनु मेकोमी मेको नाक्‍ती ८५ जना निसाफ पतीक ऊरीम नु थुम्‍मीम बाक्‍शो झोला फेक्‍शो मुर आन कली साइक्‍मी बाक्‍त।