१ सामुएल 2:3 - Sunuwar Bible

³ ठेयब लेश्‍शो लोव़ नु मरिम्‍शो लोव़ पचा प्रोनीन। मारदे हना परमप्रभु यावे नेल्‍ल जोक्‍ब तुइक्‍ब बाक्‍ब। मेकोमी मुर आन पतीके नु लोव़ नेल्‍ले नाक्‍ब।

१ सामुएल 2:3 ပူးပေါင်းရင်းမြစ်များ

१ राजा 8:39

गे मुर नेल्‍ल आन थुं तुइक्‍तीके, इन बाक्‍तीक स्‍वर्ग रे मेको आन लोव़ नेंशा, आन पशो कोव़शा माफ गेने। मारदे हना गे ला मुर नेल्‍ल आन थुं तुइक्‍ब बाक्‍नीनी। भजन संग्रह १३९:१-२

अय्‍युब 31:6

परमप्रभुमी आं कली ठीक नाक्‍तीकेमी नाक्‍तील। मिनु मेकोमी आं गेना हना यो रिम्‍शो पशो तुइक्‍ब।

भजन संग्रह 147:5

आंइ परमप्रभु ठेयब बाक्‍ब। मेको आ सक्ति नेल्‍ल क्‍येङा ठेयब बाक्‍ब। आ रुप्‍तीक सक्ति सुइम तुइक्‍ने मचाप्‍नीम। लूका १:५२

भजन संग्रह 17:10

मेको आन थुं खकटा पा, ठेयब लेश्‍शो लोव़ ला पाइनीम।

भजन संग्रह 31:18

ठेयब लेश्‍शो मुरपुकीम ठीक पाइब आन कली आइक्‍च सेल्‍शा, मरिम्‍शो पाइनीम। जोल पा लोव़ पाइनीम। मेको आन शोव़ ख्रेप्‍तीन।

भजन संग्रह 44:21

मार, परमप्रभुमी मतुइक्‍बा ङा? मारदे हना परमप्रभुमी मुर आन थुं ङा ख्रुइश्‍शो नेल्‍ल तुइक्‍ब।

भजन संग्रह 75:5

गे “स्‍वर्ग आ पर्बम ठेयब लोव़ मपने। मिनु इन शुर किरशा लोव़ मपने” देंतीनी।

भजन संग्रह 94:4

मेकोपुकीम ठेयब लेश्‍शो लोव़ ला पाइनीम। मरिम्‍शो पाइब नेल्‍लेम आन नें बोरपाइक्‍नीम।

हितोपदेस 16:2

आंमा पशो गेय आंमा कली ठीक मिम्‍सीब। तन्‍न परमप्रभु यावेमी मुर आन थुं नाक्‍ब।

हितोपदेस 24:12

मिनु गे “गो मेको मतुइक्‍तु” देंते हना, थुं नाक्‍‍बम इ मरिम्‍शो पशो तुइक्‍ब। इ कली कोव़बमी नेल्‍ल तुइक्‍ब। मेकोमी मुर आ मरिम्‍शो पशो ङा क्‍येक्‍क लेप्‍ब।

हितोपदेस 8:13

परमप्रभु यावे कली मान पा हिंचा, मरिम्‍शो पचा कली काइ मदाक्‍चा बाक्‍ब। फुरती कोंइचा, ठेयब लेश्‍शो दुम्‍चा, मरिम्‍शो थुं ङा गेय पचा नु दूली लोव़ पचा काइ मदाक्‍नुङ।

यसैया 26:7

ठीक निसाफ पाइब आ लां ग्‍येत्‍थ बाक्‍ब। गे ठीक पाइब आ लां थेल्‍तीनी।

यसैया 37:23

गे सु कली शुक्‍शी पवी? सु आ पर्बम गे ठेयब लेश्‍शो लोव़ पवी? गे इस्राएली आन का ला बाक्‍शो परमप्रभु आ ङोंइती ठेयब लेश्‍शो दुमे?

येरमीया 17:10

गो, परमप्रभु यावेमी मुर आन कली नाक्‍नुङ। आन थुंम मार बाक्‍मे, मेको कोव़नुङ। आन गाक्‍शो लां नु आन पशो कोव़शा, इनाम गेनुङमी।

इजीकीएल 35:13

गे आं कली ठेयब लेश्‍शा कोंइताक्‍यी। मिनु गे आं पर्बम शुश मरिम्‍शो लोव़ पाप्‍तीवी। गो मेको नेल्‍ल नेंता।

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

दानीएल 5:27

टेकेल आ अर्थ ‘गे नाक्‍तीकेम नाक्‍चा पुंइसीशा, सोपी दुम्‍तीनी’ देंशो बाक्‍ब।

मलाकी 3:13

मिनु परमप्रभु यावेमी “गे आं पर्बम मरिम्‍शो लोव़ पाइतीनी हना यो ‘इन कली मार मरिम्‍शो लोव़ पका ङा?’ देंतीनी।

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९

यहोसु 22:22

“परमप्रभु यावे, नेल्‍ल क्‍येङा सक्ति पाइश्‍शो परमप्रभु यावेमी नेल्‍ल तुइक्‍ब। गो परमप्रभु यावे कली मटिशो बाक्‍तय हना, इस्राएलीपुकीमी यो मेको तुइक्‍तमेक्‍ल। मुलाक्‍त आंइ कली सतीन।

प्रकाश 2:23

आ आल आन कली मुर साइक्‍ब रोइम साइक्‍नुङमी। मेको आन श्‍येत जशा, बेक्‍शो तशा ‘गोम पाप्‍तु’ दे थमा सुइक्‍ब नेल्‍लेमी तुइक्‍नीमी। मिनु थमा सुइक्‍ब आन ग्रुम्‍तीके ङा मुर नेल्‍लेमी ‘येसु ख्रीस्‍तमी मुर आन थुं नु आन पशो तुइक्‍ब। मिनु नोले दोपा पामे, मोपा गेब’ दे तुइक्‍नीम। भजन संग्रह ७:१०; येरमीया १७:१०

न्‍यायाधीस 9:38

मिनु जेबुलमी “इ ङोंइती ङा ठेयब लेश्‍शो लोव़, ते लाक्‍गा? गे ‘अबीमेलेक सु बाक्‍बा? गो मारदे मेको कली गेय पाइनीकी?’ देंशो नवे। इ मदाक्‍शो मुर मेको मनमी ङा? मुल लावो। मेकोपुकी नु लडाइ पावो” देंमाक्‍त।

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४