१ सामुएल 2:25 - Sunuwar Bible

²⁵ मुरुमी मुर आन कली पाप पाप्‍तु हना, परमप्रभुम निसाफ पाइब। तन्‍न मुरुमी परमप्रभु यावे कली पाप पाप्‍तु हना, सुम गारपाइक्‍ने चाप्‍बा ङा” देंमाक्‍त। मेको लोव़ नेल्‍ल नेंताक्‍स हना यो, मेको निक्‍शीमी आस आफ आ लोव़ मटिम्‍से बाक्‍त। मारदे हना परमप्रभु यावेम मेको निक्‍शी आस कली साइक्‍चा माल्‍शो बाक्‍माक्‍त। अय्‍युब १६:२०-२१

१ सामुएल 2:25 ပူးပေါင်းရင်းမြစ်များ

उत्पत्ती 38:10

मिनु मेको कली मो पशो तशा, परमप्रभु यावेमी मेको कली मदाक्‍शो बाक्‍माक्‍त। मोपतीके मेको कली यो सदा बाक्‍त।

उत्पत्ती 38:7

यहूदा आ ङोंइती जरमेशो तौ एरमी परमप्रभु यावे आ ङोंइती मरिम्‍शो पना पन बाक्‍माक्‍त। मिनु परमप्रभु यावेमी मेको कली सदा बाक्‍त।

१ राजा 8:31

सुइ मुरुमी आ नेक्‍था ङा मुर आन पर्बम मरिम्‍शो पा कसम जपाइक्‍तु हना, मेकोम मेको कसम एको इन खिं ङा चढ़ेतीक आ ङोंइती जाप्‍तु हना,

१ राजा 8:32

गे इर स्‍वर्गम मेको आन लोव़ नेंशा, निसाफ पने। मिनु दोस ताइब आ मरिम्‍शो पशो आ पियामी मोइक्‍तीन। मिनु ठीक पाइब कली दोस मताइब बाक्‍ब देंनीन। मोपा ठीक पाइब कली रिम्‍शो पाइब दुमीन।

२ इतिहास 10:15

मिनु पिपम मेको मुर आन लोव़ मनेना बाक्‍त। मारदे हना परमप्रभुमी शिलो ङा अहीयाह रे पा नेबात आ तौ येरोबाम आ पर्बम देंशो लोव़ खाप्‍चा कली परमप्रभु यावेम मोदेंशो पपाइश्‍शो बाक्‍माक्‍त। १राजा ११:२९-३१

२ इतिहास 25:16

मिनु मेकोमी लोव़ पना पन, पिपमी “मार गोपुकीम इन कली पिप कली अर्ती गेब सेल्‍शो नकी ङा? ब्‍वाले पावो। मारदे साइक्‍चा पुंइसीनेवे?” दे मदा बाक्‍त। मिनु मेको परमप्रभु यावे आ लोव़ पाइबम सिक्‍सी पचा क्‍येङा ङोंइती “गेम ओं पाइतीनी, आं लोव़ मनेंतीके परमप्रभुमी इन कली थमा पा खतम पोक्‍चा थुं पवा बाक्‍त। गो तुइक्‍नुङ” देंमाक्‍त।

अय्‍युब 9:33

आंस दातेम गारपाइक्‍ब सुइ मबाक्‍म। आंस दातेम गुइ वोइक्‍ब सुइ मबाक्‍म।

भजन संग्रह 51:16

गे मार मार क्‍योरशा, चढ़ेशोमी मग्‍येरनीनी। ग्‍येरसीनी हना, गो क्‍योरशा चढ़ेङ वा। गे चोशा चढ़ेशोम मग्‍येरसीनीनी। भजन संग्रह ४०:७

भजन संग्रह 51:4

गो इन ङोंइती ला पाप पाता। इन ङोंइती इन मदाक्‍शो पाता। गे आं कली निसाफ पा, ठीक पाइब बाक्‍नीनी। आं कली निसाफ पा सजाइ गेतीनी, गे मेको आ पर्बम दोस मताइब बाक्‍नीनी।

हितोपदेस 13:1

जोक्‍ब तुइक्‍ब तौमी आ आफ आ शेंशो दाक्‍ब। तन्‍न शुक्‍शी पाइबमी हुइश्‍शो मनेंब। हितोपदेस १:८; १२:३

हितोपदेस 15:10

नोले शोंइसीशो मुर हिंचा ङा सजाइ ताइनीम। तन्‍न हुइश्‍शो काइ मदाक्‍ब मुर बेक्‍चा माल्‍ब।

हितोपदेस 29:1

शुश हुइक्‍चा पुंइसीशा यो, काइ मटीब दुम्‍तेक्‍म हना, मेको आन मतुइक्‍थु वारच पाइक्‍चा मपुंइसीथु, खतम दुम्‍नीम। हितोपदेस १५:१०

उपदेसक 3:3

साइक्‍तीक ना बाक्‍ब। मिनु सापाइक्‍तीक ना बाक्‍ब। प्रेत्‍तीक ना बाक्‍ब। मिनु सेल्‍तीक ना बाक्‍ब।

गन्‍ती 15:30

तन्‍न इस्राएली बाक्‍त हना यो, अर्को रागी ङा मुर बाक्‍त हना यो, तुइश्‍शा यो, मटिथु पाप पाप्‍तु हना, मेको परमप्रभु यावे कली पाप पाइब बाक्‍ब। मेको मुर कली ग्रुम्‍तीके रे तिल्‍चा माल्‍ब। प्रेरित १३:३८; हिब्रू १०:२६-२९

ब्‍यवस्‍था 1:17

निसाफ पनीनु, मुर आन कुल मकोव़ङीन। गेपुकीमी आइक्‍च नु ठेयब मुर, नेल्‍ल आन लोव़ नेनीन। सुइ कली महिनीन। मारदे हना निसाफ परमप्रभु आ गुइमी बाक्‍ब। इन मचाप्‍शो निसाफ चहिं गो नेंनुङ। मेको कली आं बाक्‍तीक चाक्‍कीन’ दे माइक्‍ताक्‍मी। ब्‍यवस्‍था १६:१९; २इतिहास १९:६-७; प्रस्‍थान २१:६

ब्‍यवस्‍था 2:30

तन्‍न हेश्‍बोन ङा पिप सीहोनमी आंइ कली गाक्‍तीक लां मगेव। मारदे हना परमप्रभु यावे, इन परमप्रभुमी इन पा ङा लडाइ पा ग्राचा कली मेको आ थुं खकटा नु मटीब सेला बाक्‍त। मिनु मोदेंशो दुम्‍त। प्रस्‍थान ४:२१

१ तिमोथी 2:5

परमप्रभु यावे का ला बाक्‍ब। मेको नु मुर आन कली गारपाइक्‍चा कली येसु ख्रीस्‍त रागीम जाक्‍शा, मुर दुम्‍शो यो का ला बाक्‍ब। हिब्रू ९:१५

हिब्रू 10:26

मिनु मुल मार देंनुङ देंशा हना, ख्रीस्‍तम सेल्‍शो नक लां तुइश्‍शा यो मेको लां मखोइक्‍नुङ देंतय हना, मोदेंशो चहिं नेल्‍ल क्‍येङा ठेयब पाप बाक्‍ब। मेको पाप चहिं मारेइ चढ़ेशोमी मक्‍याम्‍सीथु लीशा बाक्‍ब। हिब्रू ६:४-८; गन्‍ती १५:३०

हिब्रू 10:27

नक लां मखोइक्‍ब आन कली मारेइ आस मलीब। परमप्रभु यावे कली मटीबपुकी मीम खतम सेल्‍चा पुंइसीनीम। नक लां मखोइक्‍बपुकी यो मोपा खतम दुम्‍नीम।

हिब्रू 7:25

मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१

यहोसु 11:20

मारदे हना नेल्‍ल आन कली खतम सेल्‍चा, दे परमप्रभु यावेमी मेको नेल्‍ल आन थुं खकटा सेल्‍शा, नेल्‍ल खतम दुम्‍चा कली इस्राएलीपुकी नु लडाइ पतीक थुं गेप्‍तु। मिनु शिशी मपथु, नेल्‍ल आन कली खतम सेल्‍पाइक्‍तु। परमप्रभु यावेमी मोसा कली अरेशो खोदेंशो दुम्‍त। प्रस्‍थान ४:२१; ब्‍यवस्‍था ७:२

१ सामुएल 3:14

मोपतीके गो एली आ खिं ङा मुर आन पर्बम कसम जशा, एली आ खिं ङा मुर आन मरिम्‍शो पशो मक्‍याम्‍सीब। मेको मारेइ मारेइ चढ़ेशोमी मक्‍याम्‍सीब’ देंशो बाक्‍नुङ” देंमाक्‍त।