१ सामुएल 2:24 - Sunuwar Bible

²⁴ आं तौ निक्‍शी ओदेंशो गेय पचा प्रोनीस। मारदे हना, परमप्रभु यावे आ मुर आन दातेमी एको लोव़ ब्रशो नेंता। एको थम मरिम्‍शो बाक्‍ब। गे परमप्रभु यावे आ मुर आन कली पाप पपाइक्‍नीसी।

१ सामुएल 2:24 ပူးပေါင်းရင်းမြစ်များ

१ राजा 15:26

मेकोम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मेको आ आफोम खोदेंशो पा पाप पा मेको आ लांम गाक्‍माक्‍त। मिनु आ आफोमी इस्राएली आन कली पपाइश्‍शो पाप यो पवा बाक्‍त। १राजा १२:२८-३०

१ राजा 15:30

येरोबाम आ पशो पाप, मेकोमी इस्राएली आन कली पपाइश्‍शो पापम पतीके नु मेकोमी परमप्रभु यावे, इस्राएली आन परमप्रभु कली गाइक्‍पाइक्‍तीके मो दुम्‍शो बाक्‍माक्‍त।

२ राजा 10:31

मो हना यो येहूम आ थुं नेल्‍लेम होस पा परमप्रभु यावे, इस्राएली आन परमप्रभु आ अरेशो मटिवा बाक्‍त। मेकोमी इस्राएली आन कली पाप पपाइक्‍ब येरोबाम आ पाप पतीक मप्रोना बाक्‍त।

प्रस्‍थान 32:21

मिनु नोले मोसामी हारून कली “एको मुरपुकीमी इ कली मार पामे ङा? मारदे मेको आन कली ओदेंशो ठेयब पाप पपाइक्‍मी?” दे हिल्‍लो पाप्‍तु।

मलाकी 2:8

गेपुकी चहिं आं लां प्रोंइ‍शा, हेंथे गाक्‍तीनी। इन दूली शेंतीकेमी गे शुश मुर आन कली हेंथे गाक्‍ब सेल्‍तीनी। गेपुकीमी लेवी नु पशो कबल खतम सेल्‍तीनी” दे मुर नेल्‍ल आन परमप्रभु यावेमी देंत।

मत्ती 18:7

पाप पपाइक्‍ब आन पर्बम, आबी आबी। एको रागीमी पाप पपाइक्‍ब शुश जाक्‍‍नीम। तन्‍न सुमी अरु आन कली पाप पपाइक्‍बा, मेको आन कली आबी आबी।

प्रेरित 6:3

मोपतीके मेको योक्‍चा कली मुरपुकी वोइक्‍चा माल्‍नय। दोदेंशो मुर माल्‍नय देंशा हना, मुरपुकीमी हिक्‍शो, परमप्रभु यावे आ सोक्‍तीमी ब्रीशो नु जोक्‍ब तुइक्‍ब ७ जना गेय पाइब मुर योव़चा माल्‍नय। १तिमोथी ३:८-१०

२ कोरिन्‍थी 6:8

आंइ नें चुइक्‍ताक्‍म हना यो, क्‍याम्‍ताक्‍म हना यो, आंइ कली मान पाम्‍तेक्‍म हना यो, ग्रांग्रा दिम्‍तेक्‍म हना यो, मेको आन पशो मारेइ मसुइक्‍नीकी। मुरपुकीमी आंइ पर्बम “जोल पा शेंशा, मुर आन थुं क्‍याल्‍शा हेंथे शेंनीम” देंतेक्‍म हना यो, गो थमा लोव़ शेंनीकी।

१ तिमोथी 3:7

थमा मसुइक्‍बपुकीमी यो थमा सुइक्‍ब आन कली कोव़ब आ पर्बम रिम्‍शो लोव़ पचा माल्‍नीम। मोदेंशो मदुम्‍त हना, दोस गेचा पुंइसीब। मिनु सैतान आ ग्‍याइलीम रेप्‍ब।

२ पत्रुस 2:18

मेकोपुकीमी हेंथे लोव़ पा पाप रे प्रोंइचा पुंइसीशो नक थमा सुइक्‍ब दुम्‍शो मुर आन कली आन हेंथे पतीके ग्रांग्रा दिचा ङा गेय पपाइक्‍नीम।

३ यूहन्‍ना 1:12

मिनु थमा सुइक्‍ब नेल्‍लेमी “देमेत्रीयस रिम्‍शो थमा सुइक्‍ब बाक्‍ब” दे तुइश्‍शा देंनीम। मिनु मेको आ थमा लां खोइक्‍तीकेमी, येसु ख्रीस्‍त नु थुं का बाक्‍ब, दे कोंइब। गो यो मेको आ पर्बम “देमेत्रीयस रिम्‍शो मुर बाक्‍ब” दे सांकछी गेनुङ। गो जोल मपाइनुङ, दे तुइक्‍नेवे।

प्रकाश 2:20

तन्‍न इन कली लोव़ का पचा माल्‍नुङ। मार लोव़ पचा माल्‍नुङ देंशा हना, गे इजेबेल माइश्‍शो मीश मुर कली इन ग्रुम्‍तीकेमी बाक्‍चा गेतीनी। इजेबेलमी ‘गो परमप्रभु यावेमी तुइक्‍पाइश्‍शो लोव़ पाइब नङ’ देंखु पा, आं गेय पाइब आन कली मरिम्‍शो पचा शेंताक्‍मी। मार मरिम्‍शो पचा शेंताक्‍मी देंशा हना, तेल्‍लेम पचा नु मूर्ति कली चढ़ेशो थोव़क जचा ब्‍वचा दुम्‍ब, दे शेंताक्‍मी। २राजा ९:२२

१ सामुएल 2:17

मिनु मेको ठिटा आस मरिम्‍शो पशो परमप्रभु यावे आ ङोंइती ठेयब पाप दुम्‍माक्‍त। मारदे हना मुरपुकीमी परमप्रभु यावे कली चढ़ेशो आइक्‍च मिम्‍तसे बाक्‍त।

१ सामुएल 2:22

मिनु एली थम खूशो दुम्‍माक्‍त। आ तौ निक्‍शीमी इस्राएली आन कली दोदेंशो पाम्‍से, मेको नेल्‍ल नेना बाक्‍त। मेकोमी आ तौ ग्रुम्‍तीक ताम्‍बु आ ङोंइती गेय पाइब मीश मुरपुकी नु इप्‍शो, यो नेना बाक्‍त। प्रस्‍थान ३८:८

१ सामुएल 2:23

मोपतीके मेकोमी मेको आस कली “गे निक्‍शीमी मारदे ओदेंशो गेय पसी? गेमी ओदेंशो मरिम्‍शो गेय पाइतीसी देंशो लोव़ गो मुर नेल्‍ल आन शोव़ रे नेंता।