१ सामुएल 2:18 - Sunuwar Bible

¹⁸ मिनु सामुएल परमप्रभु यावे आ ङोंइती गेय पाइक्‍बाक्‍माक्‍त। मेको वोंइश आल सुती वा के कुचु तार चढ़ेब आ फेक्‍तीके फेक्‍शा, गेय पाइबाक्‍माक्‍त। १सामुएल २२:१८; प्रस्‍थान २८:४-६ हिब्रू लोव़मी एफोद देंशो कुचु आ फेक्‍तीक बाक्‍त।

१ सामुएल 2:18 ပူးပေါင်းရင်းမြစ်များ

२ सामुएल 6:14

दाऊदम सुती के ऊरीम नु थुम्‍मीम कुरतीके पांइशा, परमप्रभु यावे आ ङोंइती आ जोंब बोक्‍शा सिल पवा बाक्‍त। प्रस्‍थान २८:६; १सामुएल २:१८; १सामुएल २२:१८

१ इतिहास 15:27

मिनु दाऊद नु सन्‍दोस कुरब लेवी, कुम्‍सो पाइब नु केनानीयाह ताप्‍ब नु कुम्‍सो पाइब आन कली चलेब नेल्‍ल रिम्‍शो सुती के वा फेक्‍शो बाक्‍मा बाक्‍त। दाऊदम रिम्‍शो सुती वा के कुचु तार फेक्‍तीके यो फेक्‍शो बाक्‍माक्‍त। प्रस्‍थान २५:७

प्रस्‍थान 28:4

मेकोपुकीमी मार वासी फेरचा माल्‍नीम देंशा हना, कुचु तार वोइक्‍तीके, निसाफ पतीके ऊरीम नु थुम्‍मीम वोइक्‍तीक झोला, आ तार फेक्‍तीके नु आगा फेक्‍तीक वा फेरचा माल्‍नीम। पियाम गुप्‍‍तीक नु किप्‍शुर यो सेल्‍चा माल्‍नीम। मेको आं कली गेय पची ना फेक्‍तीक बाक्‍ब। इ लोक्‍ब हारून नु आ तौपुकीमी आं कली गेय पामेनु, मेको वा फेक्‍चा माल्‍नीम।

लेवी 8:7

मिनु मेकोमी हारून कली आगा वा फेक्‍ताक्‍व। मिनु किप्‍शुर किप्‍ताक्‍व। मिनु मेकोमी आ तार ङा फेक्‍तीक फेक्‍ताक्‍व। मेकोमी क्रातो आ ङोंइती क्‍युक्‍तीक वा क्‍युक्‍‍ताक्‍व। मिनु रिम्‍शो पा प्रोव़शो बुटा आप्‍शो किप्‍शुर नु क्रातो ङोंइती क्‍युक्‍तीक झोला मेको आ तार किप्‍ताक्‍व।

१ सामुएल 14:3

मिनु परमप्रभु यावे कली चढ़ेब एली आ तौ फिनेहास, फिनेहास आ तौ अहीतुब नु आ लोक्‍ब इकाबोद मेकेर बाक्‍मा बाक्‍त। अहीतुब आ तौ अहीयाह शिलोमी चढ़ेब बाक्‍शा, निसाफ पतीक ऊरीम नु थुम्‍मीम बाक्‍शो झोला यो फेक्‍शो बाक्‍माक्‍त। मेको मुरपुकीमी योनाथन पलिस्‍ती आन बाक्‍तीके लशो, मतुइक्‍तमे बाक्‍त। २सामुएल ८:१७; १सामुएल ४:१९-२१ प्रस्‍थान २८:६-३०

१ सामुएल 2:11

मिनु नोले एल्‍काना आ खिं ङा मुरपुकी नु रामाह लेम्‍माक्‍त। मेको वोंइश आल चहिं परमप्रभु यावे कली चढ़ेब एली आ ङोंइती बाक्‍शा, परमप्रभु यावे आ गेय पवा बाक्‍त।

१ सामुएल 2:28

गो इस्राएल ङा थर नेल्‍ल रे मेको कली आं कली चढ़ेब दुम्‍पाइक्‍चा कली योव़ता। आं कली चढ़ेतीकेम चढ़ेचा, आं कली धूप चोचा, नु आं ङोंइती निसाफ पतीक ऊरीम नु थुम्‍मीम बाक्‍शो झोला फेक्‍चा कली योव़ता। इस्राएल ङा मीम चढ़ेशो नेल्‍ल इ आफ आ खिं ङा मुर आन कली गेता। ब्‍यवस्‍था १८:१; गन्‍ती १८:८-२०

१ सामुएल 22:18

मोपतीके पिपम एदोम ङा दोएग कली “ए दोएग लशा चढ़ेब आन कली सतो” देंमाक्‍त। मिनु दोएग लशा, चढ़ेब आन कली सदा बाक्‍त। मिनु मेकोमी मेको नाक्‍ती ८५ जना निसाफ पतीक ऊरीम नु थुम्‍मीम बाक्‍शो झोला फेक्‍शो मुर आन कली साइक्‍मी बाक्‍त।

१ सामुएल 3:1

मिनु सामुएल एली आ देंशो टिशा, परमप्रभु यावे आ गेय पना पन बाक्‍माक्‍त। मेना परमप्रभु यावे आ लोव़ शुश मनेंसीबाक्‍माक्‍त। मिनु ततीक यो शुश मतांइसीबाक्‍माक्‍त। आमोस ८:११