१ सामुएल 2:17 - Sunuwar Bible

¹⁷ मिनु मेको ठिटा आस मरिम्‍शो पशो परमप्रभु यावे आ ङोंइती ठेयब पाप दुम्‍माक्‍त। मारदे हना मुरपुकीमी परमप्रभु यावे कली चढ़ेशो आइक्‍च मिम्‍तसे बाक्‍त।

१ सामुएल 2:17 ပူးပေါင်းရင်းမြစ်များ

उत्पत्ती 10:9

मेको परमप्रभु यावे आ ङोंइती सक्ति पाइश्‍शो सिखारी बाक्‍माक्‍त। मोपतीके मुरुमी बोल्‍यो मुर का तशा “परमप्रभु यावे आ ङोंइती निम्रोद खोदेंशो सक्ति पाइश्‍शो सिखारी बाक्‍बाक्‍त” दे देंतीके देंमा बाक्‍त। मत्ती ५:५

उत्पत्ती 13:13

सोदोम सहर ङा मुरपुकी थम मरिम्‍शो बाक्‍मा बाक्‍त। मेकोपुकीमी परमप्रभु यावे आ ङोंइती शुश मरिम्‍शो पामे बाक्‍त। उत्‍पत्ती १८:२०; उत्‍पत्ती १९:४-९

उत्पत्ती 6:11

परमप्रभुमी मुर आन कली कोव़ङानु, नेल्‍ल मरिम्‍शो बाक्‍मा बाक्‍त। रागी नेल्‍ल हुश ख्राक्‍श पोक्‍तीकेमी ब्रीमाक्‍त। अर्को मरिम्‍शो पाइब यो बाक्‍मा बाक्‍त।

२ राजा 21:6

मेकोमी आ तौ कली चोशा चढ़ेवा बाक्‍त। मिनु मन्‍तर तन्‍तर, टुना मुना पा, बेक्‍शो मुर रे लोव़ पचा गेशा, लिंक्‍यु कोव़ङा बाक्‍त। मेकोम परमप्रभु यावे आ ङोंइती शुश मरिम्‍शो पवा बाक्‍त। मिनु मेको कली थाम्‍पा गाइक्‍पदा बाक्‍त। २राजा १६:३; लेवी १८:२१

भजन संग्रह 51:4

गो इन ङोंइती ला पाप पाता। इन ङोंइती इन मदाक्‍शो पाता। गे आं कली निसाफ पा, ठीक पाइब बाक्‍नीनी। आं कली निसाफ पा सजाइ गेतीनी, गे मेको आ पर्बम दोस मताइब बाक्‍नीनी।

यसैया 3:8

मिनु यरूसलेम दाइल पांइसीशा गोल्‍त। यहूदा खतम दुम्त। मारदे हना मेकेर ङा मुर आन लोव़ नु आन पतीके परमप्रभु यावे कली काइ मगारचा ङा बाक्‍त। परमप्रभु आंमा मेको आन दातेमी बाक्‍शा यो, मेकोपुकीम महिंथु मरिम्‍शो पना पन बाक्‍नीम।

मलाकी 2:13

गेपुकीमी अर्को मार पाइनीनी देंशा हना, परमप्रभु यावे आ चढ़ेतीके आ नेक्‍था ङाक्‍शा, रोंका पा इन प्रेक्‍कुमी जित्‍नीनी। मारदे हना इन चढ़ेशो ग्‍येरशा मब्राइब। मलाकी १:१०

मत्ती 18:7

पाप पपाइक्‍ब आन पर्बम, आबी आबी। एको रागीमी पाप पपाइक्‍ब शुश जाक्‍‍नीम। तन्‍न सुमी अरु आन कली पाप पपाइक्‍बा, मेको आन कली आबी आबी।

१ सामुएल 2:16

मिनु मेको मुरुमी “ममाइ, ङोंइती बोंसो चोचा गेयी। मिनु नोले इ दाक्‍शो लाइक्‍ने चाप्‍नेवे” देंमेनु, मेको आस गेय पाइबमी “ममाइ, मुलन गेयी। मगेप्‍तीवी हना, गो रोइश्‍‍शा लाइक्‍नुङ” देंबाक्‍माक्‍त।

१ सामुएल 3:13

मारदे हना गो मेको कली ‘गो इ खिं ङा मुर आन कली गेना हना यो सजाइ गेनुङ। मारदे हना एलीमी आ तौ निक्‍शीमी मरिम्‍शो पशो तुइश्‍शा यो, मेको आस कली मतेक्‍ग। १सामुएल २:२७-३६