१ सामुएल 2:13 - Sunuwar Bible

¹³ मेको चढ़ेब निक्‍शीमी चढ़ेथ जाक्‍ब मुर आन कली मार पाइक्‍बाक्‍ताक्‍स देंशा हना, मुर आन चाक्‍शो चढ़ेशो श्‍ये क्‍येशा ब्रुइक्‍तानु, मेको आस गेय पाइब कली ठेयब तूतीक सां पाइश्‍शो काटा कुरपाइश्‍शा, लेवी ३:२-५; लेवी ७:११-१७,२८-३४

१ सामुएल 2:13 ပူးပေါင်းရင်းမြစ်များ

इजीकीएल 46:20

मिनु मेकोम आं कली “एकेर चढ़ेबपुकीम दोस आ पर्बम चढ़ेतीक नु पाप आ पर्बम चढ़ेतीक आन श्‍ये लोप्‍नीम। मिनु चढ़ेशो अन्‍न के मार मार चोइनीम। मोपा मेकोपुकीम चढ़ेशो थोव़क लाङगा गे ङा लाङगाम मग्रुंइनीम। मारदे हना मुर आन कली मरिम्‍शो मदुम्‍ल” देंत।

१ सामुएल 2:14

कराइ, ताप्‍के, दिउरे कि ठेयब बोसुम लोप्‍शो श्‍ये तूपाइश्‍शा, दोशो ग्रूमे मोशो आंम के सेल्‍बाक्‍सा बाक्‍त। मोपा शिलोम चढ़ेथ जाक्‍शो इस्राएली नेल्‍ल आन कली मो पाइक्‍बाक्‍सा बाक्‍त।

१ सामुएल 2:22

मिनु एली थम खूशो दुम्‍माक्‍त। आ तौ निक्‍शीमी इस्राएली आन कली दोदेंशो पाम्‍से, मेको नेल्‍ल नेना बाक्‍त। मेकोमी आ तौ ग्रुम्‍तीक ताम्‍बु आ ङोंइती गेय पाइब मीश मुरपुकी नु इप्‍शो, यो नेना बाक्‍त। प्रस्‍थान ३८:८

१ सामुएल 2:29

मारदे गे आं देंशो चढ़ेशो नु जचा थोव़क चढ़ेशो नेल्‍ल आइक्‍च मिम्‍ती? मिनु आं क्‍येङा गे इ तौ आस कली ठेयब सेल्‍नेवे। आं मुर, इस्राएली आन चढ़ेशो रे गे नेल्‍ल क्‍येङा रिम्‍शो मारदे आंम कली वोंइसीशा, इ तौ आस कली ठेयब सेल्‍नेवे?” देंमाक्‍त।