१ सामुएल 2:11 - Sunuwar Bible

¹¹ मिनु नोले एल्‍काना आ खिं ङा मुरपुकी नु रामाह लेम्‍माक्‍त। मेको वोंइश आल चहिं परमप्रभु यावे कली चढ़ेब एली आ ङोंइती बाक्‍शा, परमप्रभु यावे आ गेय पवा बाक्‍त।

१ सामुएल 2:11 ပူးပေါင်းရင်းမြစ်များ

१ सामुएल 1:1

रामाथाइम-सोफीम रे जाक्‍शो मुर का बाक्‍माक्‍त। मेको एफ्राइम ङा पहाड ङा सुफ आ खिं ङा बाक्‍माक्‍त। मेको आ नें एल्‍काना बाक्‍माक्‍त। एल्‍काना येरोहाम आ तौ, एलीहु आ चच बाक्‍माक्‍त। मेको आ शेर बाजे तोहु नु आ किकी बाजे जूफ माइश्‍शो एफ्राइम थर ङा बाक्‍माक्‍त। १इतिहास ६:१; १इतिहास १२:१९-२०

१ सामुएल 1:19

मिनु मेकोपुकी आ दीसा सुनी कना बोक्‍शा, परमप्रभु यावे कली ठेयब सेल्‍शा, आन खिं रामाह लेम्‍मा बाक्‍त। मिनु एल्‍काना आ मीश हान्‍नाह नु इम्‍माक्‍त। मिनु परमप्रभु यावेमी हान्‍नाह कली मिम्‍ता बाक्‍त। उत्‍पत्ती ३०:२२

१ सामुएल 1:28

मोपतीके गो एको कली परमप्रभु यावे कली जिम्‍मा गेनुङ। एको ब्रोंइशा बाक्‍म सम्‍म परमप्रभु यावे कली जिम्‍मा गेंसीशो बाक्‍ब” देंमाक्‍त। मिनु मेकोपुकी यो परमप्रभु यावे आ ङोंइती बाप्‍शा, मेको कली ठेयब सेल्‍मे बाक्‍त। १सामुएल १:११

१ सामुएल 2:18

मिनु सामुएल परमप्रभु यावे आ ङोंइती गेय पाइक्‍बाक्‍माक्‍त। मेको वोंइश आल सुती वा के कुचु तार चढ़ेब आ फेक्‍तीके फेक्‍शा, गेय पाइबाक्‍माक्‍त। १सामुएल २२:१८; प्रस्‍थान २८:४-६ हिब्रू लोव़मी एफोद देंशो कुचु आ फेक्‍तीक बाक्‍त।

१ सामुएल 3:1

मिनु सामुएल एली आ देंशो टिशा, परमप्रभु यावे आ गेय पना पन बाक्‍माक्‍त। मेना परमप्रभु यावे आ लोव़ शुश मनेंसीबाक्‍माक्‍त। मिनु ततीक यो शुश मतांइसीबाक्‍माक्‍त। आमोस ८:११

१ सामुएल 3:15

मिनु सामुएल नां सोव़म सम्‍म इम्‍माक्‍त। मिनु बोक्‍शा परमप्रभु यावे आ खिं ङा लाप्‍चो रोक्‍गा बाक्‍त। मिनु मेकोम परमप्रभु यावे आ देंशो नु कोंइशो लोव़ एली कली शेंचा हिंमाक्‍त।

१ सामुएल 7:17

मिनु मेको रामाह लेप्‍बाक्‍माक्‍त। मारदे हना मेको आ खिं मेकेर बाक्‍माक्‍त। मिनु मेकोमी मुर आन कली निसाफ पा, परमप्रभु यावे कली चढ़ेतीक का सेला बाक्‍त। यहोसु १८:२५