१ सामुएल 19:9 - Sunuwar Bible

⁹ मिनु काबु परमप्रभु यावे रे मरिम्‍शो पाइब सोक्‍तीम सावल कली सुमा बाक्‍त। मेना सावल आ खिंमी तूतीक शेशा बाक्‍शो बाक्‍माक्‍त। दाऊद चहिं बीना ताप्‍ना ताप्‍न बाक्‍माक्‍त। १सामुएल १८:१०-११

१ सामुएल 19:9 ပူးပေါင်းရင်းမြစ်များ

१ राजा 22:22

मिनु परमप्रभु यावेमी मेको कली ‘दोपा?’ दे हिल्‍लो पाप्‍तु। मिनु मेकोमी ‘गो लशा मेको आ नोले दुम्‍ब लोव़ पाइब नेल्‍ल आन शोव़मी जोल पाइब सोक्‍त का दुम्‍नुङ’ दें‍त। मिनु परमप्रभु यावेम मेको कली ‘गे थमा पा मेको कली क्‍युक्‍ने चाप्‍नेवे। गे लावो। मिनु इ देंशो पावो’ दें‍त। १यूहन्‍ना ४:६

१ सामुएल 16:14

मिनु परमप्रभु यावे आ सोक्‍तीम सावल कली प्रोना बाक्‍त। परमप्रभु यावे रे मरिम्‍शो पाइब सोक्‍तीम मेको कली श्‍येत गेवा बाक्‍त।

१ सामुएल 16:15

मेको आ गेय पाइबपुकीम सावल कली “कोव़ङीन हजुर, परमप्रभुमी इन कली श्‍येत गेब सोक्‍त गेशो बाक्‍ब।

१ सामुएल 16:16

इन ङोंइती बाक्‍शो इन गेय पाइब आन कली इन पर्बम बीना ताप्‍ब का माल्‍शा चाक्‍कीन, दे मारदे मदेंनी? परमप्रभु रे मेको मरिम्‍शो पाइब सोक्‍तीम इन कली सुम्‍ब। मेना मेको मुरुम बीना ताप्‍ब। मिनु गे सा‍नीनी” देंमा बाक्‍त।

१ सामुएल 19:8

मिनु लेंशा पलिस्‍तीपुकी नु लडाइ दुम्‍माक्‍त। दाऊदम मेकोपुकी नु लडाइ पवा बाक्‍त। मिनु मेकोमी हिंचा ङा पा लडाइ पतीके मेको पलिस्‍ती प्रोक्‍मा बाक्‍त।

१ सामुएल 22:6

मिनु सावलमी दाऊद नु आ मुरपुकी ते बाक्‍शो बाक्‍मा मेको नेना बाक्‍त। सावल गिबा ङा डांडाम बाक्‍शो, ठेयब रवा आ पुंम, गुइम तूतीक शे‍शा बाक्‍शो बाक्‍माक्‍त। मेको आ गेय पाइब नेल्‍ल आ एर ओंथ राप्‍शा बाक्‍शो बाक्‍मा बाक्‍त।