१ सामुएल 19:5 - Sunuwar Bible

⁵ मेकोमी पलिस्‍ती कली सदानु, आंमा चहिं बेक्‍नुङ देय ब्रोंइनुङ, दे मतुइश्‍शो बाक्‍त। मिनु परमप्रभु यावेम इस्राएल कली ठेयब सेल्‍शा ग्रापाइक्‍तु। गे मेको नेल्‍ल तशा शुश ग्‍येरशो बाक्‍तीनी। गे मारदे मेको दोस मताइब दाऊद कली मरिम्‍शो पचा माल्‍नीनी? बित्‍चीम मेको कली मारदे साइक्‍चा दाक्‍नीनी?” देंमाक्‍त। १सामुएल १७:५०

१ सामुएल 19:5 ပူးပေါင်းရင်းမြစ်များ

२ सामुएल 23:10

मदम सम्‍म पलिस्‍ती आन कली तरवारम क्‍योरस ङा क्‍योरस पामी बाक्‍त। मेको आ गुइमी तरवार खोक्‍शो बाक्‍माक्‍त। मोपा परमप्रभु यावेम मेको नाक्‍ती थाम्‍पा ग्रापदा बाक्‍त। मेको नोले मुरपुकी बेक्‍शो मुर आन मार मार रोइक्‍थ ला जाक्‍मा बाक्‍त।

१ इतिहास 11:14

तन्‍न एलाजर नु दाऊद ला रू आ दातेमी राप्‍शा बाक्‍सा बाक्‍त। मिनु मेको निक्‍शीमी पलिस्‍ती आन कली ग्राशा क्‍योव़ज रू कली मारेइ दुम्‍चा मगेम्‍से बाक्‍त। मोपा परमप्रभु यावेमी ठेयब पा ग्रापाइश्‍शा प्रोक्‍पदा बाक्‍त।

१ इतिहास 11:18

मेना मेको मुर सां पलिस्‍ती आन दाते रे ग्रीशा लशा बेथलेहेम ङा ठेयब लाप्‍चो आ ङोंइती ङा इनार ङा ब्‍वाक्‍कु ताप्‍शा, दाऊद आ बाक्‍तीकेम चाक्‍गमे बाक्‍त। तन्‍न दाऊदम मेको तूने मबिस्‍से बाक्‍त। मिनु ब्‍वाक्‍कु परमप्रभु यावे आ ङोंइती मोदा बाक्‍त।

भजन संग्रह 109:5

मोपा मेकोपुकीमी आं रिम्‍शो पाइश्‍शो आ पा ङा मरिम्‍शो पाइनीम। आं दाक्‍शो आ पा ङा आं कली काइ मदाक्‍नीम।

भजन संग्रह 119:109

गो गेना हना यो बेक्‍चा चिक्‍शा बाक्‍ती। मो हना यो गो इन अरेशो लोव़ मप्रेंनुङ।

भजन संग्रह 25:3

इन लां कोव़ब नेल्‍ल मुने मदोक्‍मल। मोशान श्‍येत गेबपुकी चहिं मुने दोक्‍मल।

भजन संग्रह 69:4

आं कली मोशा काइ मदाक्‍बपुकी आं चां क्‍येङा यो शुश बाक्‍नीम। मिनु मेकोपुकी मोशा आं जोरी सत्रु दुम्‍शो बाक्‍नीम। मेकोपुकीमी आं कली साइक्‍चा माल्‍शो बाक्‍नीम। आं मरोइश्‍शो मार मार थोव़क, मेकोपुकीमी ‘लेत्‍तो’ देंनीम। यूहन्‍ना १५:२५

भजन संग्रह 94:21

मेकोपुकीमी ठीक पाइब आन पर्बम दोपा मरिम्‍शो पचा, दे लोव़ गारपाइक्‍नीम। मिनु दोस मताइब आन कली साइक्‍नीम।

प्रस्‍थान 14:13

मिनु मोसामी मुर आन कली “महिनीन। मुलाक्‍ती परमप्रभु यावेमी दोपा इन कली इजीप्‍त ङा मुर रे प्रोंइबा, कोव़शा बाक्‍कीन। मुलाक्‍ती तशो इजीप्‍त ङा मुर आन कली गे लेंशा गेनायो मताइनीनी।

येरमीया 26:15

तन्‍न गे एको तुइक्‍तीन। गेपुकीम आं कली साइक्‍तीनी हना, आंम इन तारी, एको सहर तारी नु एकेर बाक्‍ब आन तारी दोस मताइब मुर का आ हुश शाइक्‍पाइश्‍शो दोस चाक्‍नीनी। मारदे हना परमप्रभु यावेम इन कली एको लोव़ नेल्‍ल नेंपाइक्‍चा कली आं कली सोइश्‍शो बाक्‍त” देंत। प्रस्‍थान २३:७; मत्ती २७:४,२५

मत्ती 27:24

मुरपुकीमी मोदेंशो रेयके पा प्रेक्‍शो तशा “मुल येसु कली प्रोंइने मचबु” दे मिम्‍शा “एको सुइ कली मरिम्‍शो मपाइब आ हुश इन गुइमी ला लुम्‍सेक्‍ल, आं गुइमी मलुम्‍सेक्‍ल” देंशा, नेल्‍ल आन कुल आ गुइ चिक्‍शा कोंइदीमी बाक्‍त। ब्‍यवस्‍था २१:६

मत्ती 27:4

“रिम्‍शो मुर कली ग्‍याइक्‍पाइक्‍चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्‍तो” देंमा बाक्‍त।

यूहन्‍ना 15:25

परमप्रभु यावेमी ब्रेक्‍पाइश्‍शो लोव़ थमा दुम्‍चा कली आं कली मदाक्‍नीम। मार ब्रेक्‍पाइश्‍शो बाक्‍त देंशा हना ‘मेकोपुकीमी आं कली मोशा यो मदाक्‍नीम’ दे ब्रेक्‍शो बाक्‍त। भजन संग्रह ६९:४

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

फिलिप्‍पी 2:30

मेकोमी ख्रीस्‍त आ गेय पशा, आंम कली ममिम्‍थु, इन पा ङा आं कली वारच पथ जाक्‍मेनु, रोइ पा हेरा बेक्‍त।

हिब्रू 2:3

पाप आ सजाइ रे ब्रोंइतीक ठेयब गेय कली ममिम्‍ताक्‍य हना, दोपा सजाइ रे ब्रोंइने चाप्‍नया ङा? मेको ठेयब गेय ङोंइती प्रभुमी तुइक्‍पाइश्‍शो बाक्‍त। मिनु आ लोव़ नेंबपुकीमी “थमा बाक्‍ब” दे तुइक्‍पाइश्‍शो बाक्‍तेक्‍म। हिब्रू १०:२९; हिब्रू १२:२५

न्‍यायाधीस 12:3

मिनु गेपुकीमी आंइ कली वारच मपाइनीनी, दे तुइक्‍तु नोले, महिंथु, खोला शोक्‍शा, अम्‍मोनी नु लडाइ पथ गाक्‍तक। मिनु परमप्रभु यावेमी मेको आन कली आंइ गुइमी गेप्‍तु। मिनु मारदे मुलाक्‍ती गेपुकी गो नु जिथ जाक्‍नीनी?” देंमाक्‍त। न्‍यायाधीस ५:१८; न्‍यायाधीस ९:१७

न्‍यायाधीस 9:17

आं आफोमी बेक्‍नुङ, दे महिंथु, लडाइ पा इं कली मिदयानी रे पा प्रोंइतु।

१ सामुएल 11:13

तन्‍न सावलमी “ममाइ, मुलाक्‍ती परमप्रभु यावेमी इस्राएली इं कली ग्रापदा नाक्‍त सुइ साइक्‍चा मदुम्‍ब” देंमाक्‍त। १सामुएल १४:४५

१ सामुएल 14:45

तन्‍न मुरपुकीम सावल कली “मार, योनाथन सांइसीबा? मेको योनाथनमी ओमो ठेयब गेय पा इस्राएल कली मग्रापदा? मोदेंशो मदुम्‍ल। गेना हना यो ब्रोंइशा बाक्‍ब परमप्रभु यावे आ नेंमी गो कसम जशा देंनीकी, मेको के चां का यो महेम्‍ल। मारदे हना मेकोम मुलाक्‍ती परमप्रभु नु गेय पशो बाक्‍ब” देंमा बाक्‍त। मोपा मुरपुकीम योनाथन कली प्रोन्‍मे बाक्‍त। मिनु मेको मसांइसे बाक्‍त।

१ सामुएल 19:6

मिनु सावलमी योनाथन आ लोव़ नेंशा “परमप्रभु यावे ब्रोंइशा बाक्‍शो खोदेंशो पा, दाऊद मसाइक्‍नुङ” दे कसम जवा बाक्‍त।

१ सामुएल 20:32

मिनु योनाथनमी आ आफ कली “मेको मारदे साइक्‍चा पुंइसीबा? मेकोम मार पवा ङा?” देंमाक्‍त।

१ सामुएल 22:14

मिनु अहीमेलेकमी “इन गेय पाइब नेल्‍लेमी थमा सुइक्‍चा पुंइसीशो इन चांइवा, इन गेय पाइब दुम्‍शो, इन खिंम मान पाइक्‍चा पुंइसीब दाऊद बाक्‍ब। १सामुएल १८:२२,२७

१ सामुएल 28:21

मिनु मेको मीश मुर सावल आ नेक्‍था लशा, सावल शुश हिंशो तशा, सावल कली “गो बेक्‍चा आ पर्बम महिंथु, इन देंशो टीता।