१ सामुएल 19:20 - Sunuwar Bible

²⁰ सावलमी दाऊद कली ग्‍याइक्चा, दे मुर आन कली सोइक्‍ता बाक्‍त। मेकोपुकीमी परमप्रभु यावे आ लोव़ पाइब आन हुल परमप्रभु यावे आ सोक्‍तीम लोव़ पा बाक्‍शो तामे बाक्‍त। मिनु सामुएल मेको आन ठेयब मुर बाक्‍माक्‍त। मिनु परमप्रभु आ सोक्‍तीम मेको आन कली सु‍मा बाक्‍त। मिनु मेकोपुकी यो परमप्रभु यावे आ सोक्‍तीम लोव़ पामे बाक्‍त। १सामुएल १०:१०-१२

१ सामुएल 19:20 ပူးပေါင်းရင်းမြစ်များ

योएल 2:28

मिनु नोले गो आं सोक्‍त मुर नेल्‍ल आन तार मोइक्‍नुङ। मिनु इन तमी तौपुकीमी आं लोव़ पाइनीम। इन खाल्‍पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। गन्‍ती ११:२९; यसैया ४४:३; इजीकीएल ३९:२९; तीतस ३:५-६

गन्‍ती 24:2

मिनु बालाममी कोव़ना कोव़न, इस्राएली आन कली थर थर पा बाक्‍शो ताम्‍तीमी। मिनु परमप्रभु आ सोक्‍तीम मेको कली सुम्‍तु।

यूहन्‍ना 7:32

मिनु फरिसीपुकीमी मुर आन पशो लोव़ नेंशा, ठेयब चढ़ेब नु फरिसीपुकीमी “येसु कली ग्‍याइक्‍चा” दे पिप आ गेय पाइब ठेयब मुर आन कली सोइक्‍ताक्‍म।

१ कोरिन्‍थी 14:3

परमप्रभु यावे आ लोव़ पामेनु, मुर आन थुं बारपाइक्‍ब। रिम्‍शो गेय पपाइक्‍ब, नु थुं खाइश्‍शो आन कली सापाइक्‍ब।

१ सामुएल 10:10

मिनु मेको गिबा जाक्‍दीस्‍सानु, परमप्रभु यावे आ लोव़ पाइब हुल मेको कली ग्रुम्‍थ, यिशो बाक्‍मा बाक्‍त। मिनु परमप्रभु आ सोक्‍तीम मेको कली सुमा बाक्‍त। मिनु सावल यो मेको आन दातेमी परमप्रभु यावे आ लोव़ पाइब दुम्‍माक्‍त। १सामुएल १९:२०-२४

१ सामुएल 19:11

सावलमी मेको कली सुनी साइक्‍चा कली दाऊद आ खिंम क्‍यारी पाइब मुर वोदा बाक्‍त। तन्‍न दाऊद आ मीश मिकालमी मेको कली हिंपाइश्‍शा “गे मुल नाक्‍दोन प्रोक्‍शा मगाक्‍तीनी हना, दीसा इन कली साइक्‍नीम” दे मदा बाक्‍त। भजन संग्रह ५९:१

१ सामुएल 19:14

मिनु सावलमी दाऊद कली कोव़थ मुर सोइक्‍तानु, मेकोम “रोइ पशो बाक्‍ब” देंमाक्‍त।

१ सामुएल 19:19

मिनु मुर कामी सावल कली “दाऊद रामाह ङा नायोथम बाक्‍ब” दे शेंदा बाक्‍त।

१ सामुएल 19:21

मिनु सावलम मेको नेंशा, अर्को हुल का सोइक्‍ता बाक्‍त। मेकोपुकीम यो परमप्रभु यावे आ सोक्‍तीम लोव़ पामे बाक्‍त। मिनु सावलमी लेंशा अर्को हुल का सोइक्‍तीमी बाक्‍त। मिनु मेकोपुकी यो मोदेंशो दुम्‍मा बाक्‍त।