१ सामुएल 18:8 - Sunuwar Bible

⁸ मिनु सावल थाम्‍पा गाइक्‍ता बाक्‍त। मेको लोव़ नेंशा थाम्‍पा आ थुं खुरसे बाक्‍त। मेकोमी दाऊद कली चहिं “१० हजार, हजार तन्‍न आं कली चहिं हजार हजार ला देंतेक्‍म। मुल मेको कली पिप सेल्‍चा का ला लीत” दे मिम्‍ता बाक्‍त।

१ सामुएल 18:8 ပူးပေါင်းရင်းမြစ်များ

उत्पत्ती 37:11

मिनु आ लोक्‍बपुकीमी योसेफ कली मदाक्‍तमे बाक्‍त। आ आफोम चहिं योसेफ आ देंशो मिम्‍शा आ थुंमी वोदा बाक्‍माक्‍त।

उत्पत्ती 37:8

आ लोक्‍बपुकीम “गे आंइ कली अरेब दुम्‍नेवे? आंइ कली हुकुम पाइब दुम्‍नेवे?” दे गाइश्‍शा देंमा बाक्‍त। मिनु योसेफ कली आ ङोमु नु आ देंशो आ पर्बम ङोंइती क्‍येङा मदाक्‍तमे बाक्‍त।

१ राजा 2:22

मिनु पिप सोलोमनम आ ममा कली “गे मारदे शुनेम सहर ङा अबीशाग नु अदोनीयाह आस कली ग्‍युंबे पाइक्‍चा कली पुंइनी? गे मेको कली राज्‍य पुंइतीनी हना यो दुम्‍ब। मारदे हना मेको आं ठेयब लोक्‍ब बाक्‍ब। चढ़ेब अबीयाथार नु सेरूयाह आ तौ योआब आस पर्बम यो पुनीन” देंमाक्‍त। १राजा १:६-७

एस्‍तर 3:5

मिनु मोरदेकैमी आ ङोंइती बाप्‍शा, सेउ पा मान मपशो तशा, हामान साप्‍पा चुरमाक्‍त।

हितोपदेस 13:10

ठेयब लेश्‍शो नु सुइ कली ममिम्‍ब मुर जिचा पोक्‍‍ब बाक्‍ब। तन्‍न अर्ती नेंब मुर तुइक्‍तीके नु बाक्‍ब। हितोपदेस १:५

हितोपदेस 27:4

गाइक्‍चा मरिम्‍शो बाक्‍ब। चुरचा मेको क्‍येङा मरिम्‍शो बाक्‍ब। रुश पतीके कली सु फाल्‍ने चाप्‍बा ङा?

उपदेसक 4:4

मिनु गो मार ताता देंशा हना, मुरपुकी श्‍येत पा अरु आन कली गेहे पतीके रे जोक्‍ब दुम्‍नीम। मेको यो जाम्‍शा लाइब नु फश कली खेदा पशो खोदेंशो ला बाक्‍ब।

गन्‍ती 11:1

मिनु परमप्रभु यावेमी मुर आन श्‍येत जशो आ पर्बम गन गन पशो नेंतु। परमप्रभु यावेमी मेको नेंशा, शुश गाइक्‍ताक्‍व। मिनु परमप्रभु यावे गाइश्‍शा, मुर आन बाक्‍तीके गे मी सोइश्‍शा, एर सुर मीम नेक्‍पाइक्‍तु। लेवी १०:२

गन्‍ती 22:34

मिनु बालाममी परमप्रभु यावे आ स्‍वर्ग ङा गेय पाइब कली “गो पाप पाता। आं लां तेक्‍शा इन राप्‍शो गो मतुइक्‍तु। मिनु इन ङोंइती एको मरिम्‍शो बाक्‍त हना, गो लेश्‍शा लाइनुङ” देंत।

याकूब 4:5

परमप्रभु यावेमी ब्रेक्‍पाइश्‍शो लोव़मी “परमप्रभु यावेमी आ सोक्‍त इं रांमी वोइक्‍तु। तन्‍न मुरुमी दला दाक्‍स पशो तशा, मेकोमी शुश रुश पाइब” दे यो ब्रेक्‍पाइश्‍शो बाक्‍ब।

१ सामुएल 13:14

तन्‍न मुल इ राज्‍य मली। परमप्रभु यावेम आ दाक्‍शो मुर का योव़तु। परमप्रभु यावेमी मेको कली आ मुर आन पिप सेल्‍ब। मारदे हना, गे परमप्रभु यावे आ लोव़ मटिवी” देंमाक्‍त। १सामुएल १६:१; प्रेरित १३:२२

१ सामुएल 15:28

मिनु सामुएलम मेको कली “मुलाक्‍त रे परमप्रभु यावेम इस्राएल ङा राज्‍य खाक्‍शा अर्को कली गेप्‍तु। इन नेक्‍था ङा, इन क्‍येङा रिम्‍शो मुर का कली गेप्‍तु। १सामुएल २८:१७

१ सामुएल 16:13

मिनु सामुएलमी तेल बाक्‍शो ग्रोव़ ग्रुंइ‍शा, आ लोक्‍ब आन ङोंइती तेल लुक्‍ता बाक्‍त। मिनु परमप्रभु यावे आ सोक्‍त दाऊद तार जुक्‍ता बाक्‍त। मिनु मेना रे मेको नुन बाक्‍माक्‍त। मिनु सामुएल रामाह ङा लां खोदा बाक्‍त। २सामुएल २:४; २सामुएल ५:३; भजन संग्रह ८९:२१

१ सामुएल 18:9

मेको नाक्‍त रे सावलमी दाऊद कली गेहे पचा गोवा बाक्‍त।

१ सामुएल 19:1

सावलमी दाऊद कली साइक्चा, दे आ तौ योनाथन नु आ गेय पाइब नेल्‍ल आन कली लोव़ पवा बाक्‍त। तन्‍न सावल आ तौ योनाथन दाऊद आ वारच बाक्‍माक्‍त। १सामुएल १८:३

१ सामुएल 20:31

येस्‍से आ तौ रागीम ब्रोंइशा बाक्‍म सम्‍म गे मलीनेवे। इ राज्‍य यो मलीब। मेको कली रीब पा एक चाक्‍चा कली ब्रेत्‍थ सोइक्‍तीमी। थमा पा मेको साइक्‍चा पुंइसीब बाक्‍ब” देंमाक्‍त।