१ सामुएल 18:6 - Sunuwar Bible

⁶ दाऊदम पलिस्‍ती आन कली साइश्‍शा लेम्‍मेनु, इस्राएल ङा सहर नेल्‍ल ङा मीश मुर नेल्‍ल कोव़थ ग्रूमा बाक्‍त। सिल पाइब मीश मुरपुकी खैजडी ताप्‍शा, कुम्‍सो पना पन, सिल पना पन पिप सावल कली ग्रुम्‍थ जाक्‍मा बाक्‍त। न्‍यायाधीस ११:३४

१ सामुएल 18:6 ပူးပေါင်းရင်းမြစ်များ

२ सामुएल 1:20

गाथम एको लोव़ मपने। अश्‍कलोन ङा लांम एको लोव़ मपने। मो पाइतीनी हना, पलिस्‍ती आन तमी ग्‍येरसीनीम। ख्रोइक्‍तीक चिनु मख्रोइश्‍शो आन तमी ग्‍येरसीनीम।

२ सामुएल 6:5

मिनु दाऊद नु इस्राएली नेल्‍ल आन जोंब बोक्‍शा परमप्रभु यावे आ ङोंइती कुम्‍सो पना पन बीना, तार पाइश्‍शो ठेयब ताप्‍तीक, खैजडी, मार मार ताप्‍तीक नु बुप्‍केल ताप्‍शा सिल पना पन गाक्‍मा बाक्‍त।

भजन संग्रह 149:3

मेकोपुकीमी सिल पना पन मेको आ नें ठेयब सेल्‍मेक्‍ल। खैजडी नु बीना ताप्‍शा, मेको कली कुम्‍सो पामेक्‍ल।

भजन संग्रह 68:11

परमप्रभुमी आ लोव़ नेंपाइक्‍तु। मिनु मेको लोव़ शेंब मीश मुर शुश दुम्‍तेक्‍म। यसैया ५२:७

भजन संग्रह 68:25

ङोंइङोंइती कुम्‍सो पाइबपुकी गाक्‍नीम। मेको आन नोले मार मार ताप्‍बपुकी गाक्‍नीम। मिनु मेको आन एर ओंथ खैजडी ताप्‍ब मीश आलपुकी गाक्‍नीम। प्रस्‍थान १५:२०

प्रस्‍थान 15:20

हारून आ समी मिरयाम परमप्रभु आ लोव़ पाइब यो बाक्‍त। मेकोमी खैजडी ताप्‍शा, कुम्‍सो पथ लमेनु, अरु मीश मुरपुकी यो खैजडी ताप्‍शा, सिल पना पन मेको आ नोले खोइक्‍तेक्‍म। भजन संग्रह ६८:२६

प्रस्‍थान 15:21

मिरयामम मेको आन कली कुम्‍सो पा लोव़ लेश्‍शा “परमप्रभु यावे कली कुम्‍सो पने। मारदे हना मेकोम ठेयब लडाइ पा ग्रात। शारा नु शारा ङोइक्‍ब आन कली समुन्‍द्रम ताइक्‍ताक्‍व” दे कुम्‍सो पाप्‍तु।

यसैया 30:32

मिनु परमप्रभु यावेमी गिश खेयप तुप्‍बा, मीश खेयप खैजडी नु बीना ताप्‍शो नेंसीब। परमप्रभु आंमा अस्‍सुर ङा मुरपुकी नु लडाइ पाइब।

न्‍यायाधीस 11:34

मिनु येफ्‍ता आ खिं मिस्‍पामी लेम्‍माक्‍त। मिनु आ तमी खैजडी ताप्‍शा, सिल पना पन मेको कली ग्रुम्‍थ जाक्‍माक्‍त। मेको आ तमी का ला बाक्‍माक्‍त। अरु आल मबाक्‍मा बाक्‍त।

१ सामुएल 18:5

दाऊदम सावल आ पथ सोइश्‍शो हिंचा ङा गेय यो रिम्‍शो पा पवा बाक्‍त। मिनु सावलमी दाऊद कली नेल्‍ल क्‍येङा सक्ति पाइश्‍शो कप्‍तान सेला बाक्‍त। मोपा मेको कली मान बारपाइश्‍शोमी सावल नु आ ठेयब मुरपुकी यो ग्‍येरसमा बाक्‍त।