१ सामुएल 18:27 - Sunuwar Bible

²⁷ मिनु देंशो नाक्‍त आ ङोंइती, नाक्‍त दाऊद आ मुरपुकी नु लशा सहे निक्‍शी पलिस्‍ती आन कली सदमे बाक्‍त। मिनु मेकोम मेको आन ख्रोइक्‍तीक चिनु ख्रोइक्‍तीक ङा कुशुल लाइश्‍शा, चांइवा सेल्‍यीनी, दे पिप आ ङोंइती हिक्‍शा, गेवा बाक्‍त। मिनु सावलमी आ तमी मिकाल दाऊद कली गेशा ग्‍युंबे पाइक्‍ता बाक्‍त।

१ सामुएल 18:27 ပူးပေါင်းရင်းမြစ်များ

२ सामुएल 3:13

मिनु दाऊदमी मेको आन कली “दुम्‍ब। गो गे नु कबल पाइनुङ। तन्‍न गो इ कली लोव़ का पाइ‍नुङ। गे सावल आ तमी मिकाल कली मचाक्‍तीवी हना, आं ङोंइती मजाक्‍को, दे मतीन” दे माइक्‍मी बाक्‍त।

२ सामुएल 3:14

मिनु दाऊदमी सावल आ तौ इश-‍बोशेथ कली यो “आं मीश मिकाल गेयी। गो मेको आ पर्बम सहे का जना पलिस्‍ती आन ख्रोइक्‍तीक चिनु ख्रोइश्‍शो कुशुल थाप्‍ताक्‍ङ” देंपाइक्‍थ मुर सोइक्‍ता बाक्‍त। १सामुएल १८:२५-२७

न्‍यायाधीस 14:19

मिनु परमप्रभु यावे आ सोक्‍तीम सिम्‍सोन कली ठेयब सक्तिम सुमा बाक्‍त। मिनु मेको अश्‍कलोन सहरमी लशा, मेकेर ३० जना मुर साइक्‍मी बाक्‍त। मिनु मेको आन के मार मार थोव़क नु वा पिश्‍शा, मेको लोव़ लेप्‍ब आन कली शुश क्‍येट लाइब फेक्‍तीक वा गेवा बाक्‍त। मिनु सिम्‍सोन गाइश्‍शा, आ आफ आ खिं लेम्‍माक्‍त।

१ सामुएल 14:49

सावल आ तौपुकी योनाथन, इश्‍वी नु माल्‍कीशुआ बाक्‍मा बाक्‍त। मेको आ ङोंइती जरमेशो तमी आ नें मेराब नु अर्को के मिकाल बाक्‍माक्‍त। १इतिहास ९:३९

१ सामुएल 18:13

मोपतीके सावलम दाऊद कली आ दरवार रे ग्रुंइशा, हजार का मुर आन कप्‍तान सेला बाक्‍त। मिनु दाऊदमी आ मुर आन कली लडाइम लाइक्‍मी बाक्‍त।

१ सामुएल 18:17

मिनु सावलम दाऊद कली “गो आं ठेयब तमी मेराब इ कली गेशा ग्‍युं‍बे पपाइक्‍नुङ। तन्‍न गे मेको आ पर्बम बोल्‍यो पा आं गेय पचा माल्‍नेवे। मिनु परमप्रभु यावे आ पर्बम लडाइ पावो” दे मदा बाक्‍त। मारदे हना सावलम दाऊद कली आंम आ गुइम ममाइ पलिस्‍ती आन गुइ रे साइक्‍पाइक्‍चा माल्‍शो बाक्‍माक्‍त।

१ सामुएल 18:28

मिनु सावलमी परमप्रभु यावे दाऊद नु बाक्ब, दे तुइक्‍ता बाक्‍त। आ तमी मिकालम मेको कली दाक्‍‍ब, दे यो तुइक्‍ता बाक्‍त।

१ सामुएल 25:44

मेना सावलमी आ तमी, दाऊद आ मीश मिकाल कली गाल्‍लीम ङा लाइश आ तौ पाल्‍ती कली गेवा बाक्‍त। २सामुएल ३:१४-१५