१ सामुएल 18:23 - Sunuwar Bible

²³ सावल आ मुरपुकीम दाऊद कली मोदेंशो लोव़ पामेनु, दाऊदम मेको आन कली “गेपुकीम पिप आ तमी नु ग्‍युं‍बे पचा आइक्‍च लोव़ मिम्‍तीनी? आं खोदेंशो मारेइ मथीब मुरुम ओदेंशो पने चाप्‍नुङा?” दे माइक्‍मी बाक्‍त।

१ सामुएल 18:23 ပူးပေါင်းရင်းမြစ်များ

उत्पत्ती 29:20

मिनु याकूबम राहेल आ पर्बम ७ बर्स गेय पवा बाक्‍त। मेको ७ बर्स याकूब कली नाक्‍त का निक्‍शी खोदेंशो पा लमाक्‍त। मारदे हना राहेल कली शुश दाक्‍ता बाक्‍त।

उत्पत्ती 34:12

मेको मीश आल चाक्‍चा गेतीनी हना, गो इन माल्‍शो मारेइ मारेइ गेनुङ” देंमाक्‍त। प्रस्‍थान २२:१५

भजन संग्रह 119:141

गो आइक्‍च बाक्‍नुङ। आं कली सुइमी महिक्‍नीम। मो हना यो गो इन ब्रेक्‍शा अरेशो लोव़ मप्रेंनुङ।

हितोपदेस 14:20

आंम नेक्‍था ङा मुरुमी प्रुङग कली मदाक्‍नीम। तन्‍न शोंप पाइश्‍शो मुर आन के वारच शुश बाक्‍नीम।

हितोपदेस 29:5

सुमी आ नेक्‍था ङा मुर कली क्‍युक्‍शा लोव़ पाइबा, मेकोमी मेको कली ग्‍याइल दाइश्‍शो बाक्‍ब।

१ यूहन्‍ना 3:1

इं आफोमी इं कली शुश दाक्‍शा “परमप्रभु यावे आ तमी तौ” दे नें वोइश्‍शो बाक्‍त। मिनु गोपुकी आ तमी तौ दुम्‍तय। मोपतीके रागी ङा मुरपुकीमी इं कली मतुइक्‍नीम। मारदे मतुइक्‍नीम देंशा हना, मेकोपुकीमी येसु ख्रीस्‍त कली यो मतुइक्‍नीम। यूहन्‍ना १:१२; यूहन्‍ना १६:३

१ सामुएल 18:18

मिनु दाऊदमी “गो सु नङा ङा? आं आफ आ खिं ङा मुर इस्राएली सु नमी ङा? गो पिप आ चांइवा दुम्‍नुङा?” देंमाक्‍त। २सामुएल ७:१८

१ सामुएल 18:22

मेकोमी आ गेय पाइब आन कली “एको लोव़ सुइम मतुइक्‍चा ङा पा दाऊद कली मतीन” देंमाक्‍त। मिनु मेकोपुकीम दाऊद कली “पिप इन क्‍येङा थाम्‍पा ग्‍येरशो बाक्‍ब। मिनु आ गेय पाइब नेल्‍ल आन दाक्‍शो यो गे बाक्‍नीनी। पिप आ खिं ङा मुर नु ग्‍युं‍बे पतीक नाक्‍ती यो मुलन बाक्‍ब” देंमा बाक्‍त। १सामुएल २२:१४

१ सामुएल 18:24

मिनु दाऊद आ देंशो लोव़ आ गेय पाइबपुकीम सावल कली शेंदमे बाक्‍त।

१ सामुएल 9:21

मिनु सावलमी “गो इस्राएली आन नेल्‍ल क्‍येङा आइक्‍च बेन्‍यामीन आ थर ङा मुर का नङ। मिनु आं खिं बेन्‍यामीन आ थर ङा नेल्‍ल क्‍येङा आइक्‍च बाक्‍ब। मिनु गे मारदे आं कली एको लोव़ देंनी?” दे हिल्‍लो पवा बाक्‍त। १सामुएल १५:१७