21 मेको आ थुंमी “गो मेको कली दाऊद नु ग्युंबे पपाइक्नुङ। पलिस्ती आन गुइम बेक्पाइक्चा कली मेको वाल्पाइक्तीक गेय बाक्ब” देंमाक्त। मोपतीके सावलमी आ चांइवा सेल्चा कली लोव़ पवा बाक्त।
आं कली साइक्चा माल्बपुकीमी ब्वारद दाइश्शा, वोइश्शो बाक्नीम। आं कली श्येत दुम्शो कोव़कोव़ दाक्बपुकीमी “मेको कली दोपा श्येत गेचा, दोपा मेको आ पर्बम जोल पचा” दे नाक्त रे लोव़ पाइनीम।
मिनु फाराओ आ दरवार ङा गेय पाइबपुकीमी फाराओ कली “मेको मुरुम आंइ कली गेना सम्म श्येत गेबा? मेको मुर आन कली परमप्रभु यावे, आन परमप्रभु कली चढ़ेचा गेने। इजीप्त रागी मुल थुम्साक्व, दे मतुइक्नीनी?” देंमा बाक्त।
सुमी आ नेक्था ङा मुर कली क्युक्शा लोव़ पाइबा, मेकोमी मेको कली ग्याइल दाइश्शो बाक्ब।
आं मुर आन दातेमी मरिम्शो पाइब मुर बाक्नीम। मेकोपुकी चिक्ब साइक्ब मुर खोदेंशो पा, बाप्शा बाक्शो बाक्नीम। मेकोपुकीम मुर आन कली ग्याइक्चा कली ब्वारद दाइक्नीम।
मेको आन लें बीस पाइश्शो ब्रा खोदेंशो बाक्ब। मेकोपुकीम जोल लोव़ ला पाइनीम। मुर नेल्लेम आन नेक्था ङा मुर नु रिम्शो लोव़ पखु पाइनीम। तन्न आन थुंमी दोपा मेको कली ब्वारद दाइक्चा, दे मिम्नीम। बजन संग्रह १२:३
मिनु सावलम दाऊद कली “गो आं ठेयब तमी मेराब इ कली गेशा ग्युंबे पपाइक्नुङ। तन्न गे मेको आ पर्बम बोल्यो पा आं गेय पचा माल्नेवे। मिनु परमप्रभु यावे आ पर्बम लडाइ पावो” दे मदा बाक्त। मारदे हना सावलम दाऊद कली आंम आ गुइम ममाइ पलिस्ती आन गुइ रे साइक्पाइक्चा माल्शो बाक्माक्त।
मेकोमी आ गेय पाइब आन कली “एको लोव़ सुइम मतुइक्चा ङा पा दाऊद कली मतीन” देंमाक्त। मिनु मेकोपुकीम दाऊद कली “पिप इन क्येङा थाम्पा ग्येरशो बाक्ब। मिनु आ गेय पाइब नेल्ल आन दाक्शो यो गे बाक्नीनी। पिप आ खिं ङा मुर नु ग्युंबे पतीक नाक्ती यो मुलन बाक्ब” देंमा बाक्त। १सामुएल २२:१४
मिनु सावल आ देंशो लोव़ आ गेय पाइब मुरपुकीम दाऊद कली नेंपदमे बाक्त। मिनु मेको लोव़मी मेको पिप आ तमी नु ग्युंबे पचा बिस्से बाक्त।