१ सामुएल 17:51 - Sunuwar Bible

⁵¹ मेको दोरशा मेको पलिस्‍ती गोल्‍याथ गे लमाक्‍त। मिनु आ नेक्‍था राम्‍माक्‍त। मेको आ तरवार खोत रे शोइश्‍शा, मेको कली साइश्‍शा आ पिया ख्रोदा बाक्‍त। पलिस्‍तीपुकीमी आंम बोल्‍यो लडाइ पाइब साइश्‍शो तामे बाक्‍त। मिनु मेकोपुकी हिंशा प्रोक्‍मा बाक्‍त।

१ सामुएल 17:51 ပူးပေါင်းရင်းမြစ်များ

२ सामुएल 23:21

मेकोमी दारशो बोल्‍यो इजीप्‍त ङा मुर का कली साइश्‍शो बाक्‍माक्‍त। मेको इजीप्‍त ङा मुर तूतीक का शेशो बाक्‍माक्‍त। तन्‍न बेनायाह कोक्‍के का शेशा लशा, मेको इजीप्‍त ङा मुर आ तूतीक आ गुइ रे रोइश्‍शा, मेको कली सदा बाक्‍त।

२ सामुएल 4:7

मेको निक्‍शीमी इश-बोशेथ कली दोपा सदसे बाक्‍त देंशा हना, इश-बोशेथ इप्‍शा बाक्‍शो कोठा ओव़शा, मेको कली तूशा साइश्‍शा आ पिया ख्रोइश्‍शा लदसे बाक्‍त। मिनु नाक्‍दो रे अराबाह रे गाक्‍शा, हेब्रोन जाक्‍सा बाक्‍त।

एस्‍तर 7:10

मिनु मेकोपुकीमी मोरदेकै कली साइक्‍चा, दे ग्रुक्‍शो थाममी, हामान कली लाइश्‍शा क्‍युक्‍तेक्‍म। मिनु पिप आ थुं नांइसाक्‍व।

हिब्रू 11:34

मीम हुम्‍चा पुंइसीशा यो मबेक्‍मा बाक्‍त। तरवारमी क्‍योरचामेनु यो ब्रोंइमा बाक्‍त। मारेइ पने मचाप्‍ब बाक्‍मा बाक्‍त हना यो, पने चाप्‍ब दुम्‍मा बाक्‍त। लडाइ पामेनु यो ठेयब थुं पाइश्‍शो दुम्‍शा, आन जोरी सत्रु आन कली फ्रुशा खेरमे बाक्‍त।

हिब्रू 2:14

तमी तौ हुश नु रुश के जोल्‍शो नम। मोपतीके येसु ख्रीस्‍त मेकोपुकी नु खाल का ङा पा हुश नु रुश के दुम्‍त। बेक्‍पाइक्‍ब सक्ति पाइश्‍शो कली खतम पोक्‍चा कली आंमन बेक्‍त। २तिमोथी १:१०; १यूहन्‍ना ३:८

१ सामुएल 17:50

मोपा दाऊद आ हुरद नु फुल्‍लुम ग्रामाक्‍त। मेको नु तरवार मबाक्‍त हना यो, पलिस्‍ती गोल्‍याथ कली सदा बाक्‍त।

१ सामुएल 21:10

मेको नाक्‍ती दाऊद बोक्‍शा सावल रे प्रोक्‍माक्‍त। मिनु गाथ ङा पिप अकीश आ बाक्‍तीके जाक्‍माक्‍त। भजन संग्रह ५६:१

१ सामुएल 21:9

मिनु चढ़ेबमी “एलाह ङा दिंमम इन साइश्‍शो पलिस्‍ती गोल्‍याथ आ तरवार एक बाक्‍ब। मेको निसाफ पतीक ऊरीम नु थुम्‍मीम बाक्‍शो झोला आ नोले वाम गिल्‍शा वोइश्‍शो बाक्‍ब। मेको लाइक्‍नीनी हना, लतीन। मेको ङा लाक्‍शा एक अर्को या मबाक्‍ब” देंमाक्‍त। मिनु दाऊदमी “मेको खोदेंशो रिम्‍शो अर्को तरवार मबाक्‍ब। आं कली मेकोन गेयीनी” देंमाक्‍त। १सामुएल १७:५०-५१; न्‍यायाधीस ८:२७

१ सामुएल 31:9

मिनु मेकोपुकीम सावल आ पिया ख्रोदमे बाक्‍त। मिनु आ यापुकी लदमे बाक्‍त। मेको नोले मेकोपुकीम मेको रिम्‍शो लोव़ रागी ङा तेइ तेइ नु देवी देवता नेल्‍ल आन कली नेंपाइक्‍चा, दे मुर सोइक्‍तमे बाक्‍त।