१ सामुएल 17:35 - Sunuwar Bible

³⁵ मेना गो मेको आन कली खेदा पा लशा, आन शोव़ रे मेको रोइश्‍शा चाक्‍नुङ। आं कली क्राइक्‍चा कली मेको लेत्‍तेक्‍म हना, मेको आन कली आन शांपेम ग्‍याइश्‍शा तुप्‍शा साइक्‍नुङमी

१ सामुएल 17:35 ပူးပေါင်းရင်းမြစ်များ

२ सामुएल 23:20

कब्‍सेल सहर ङा येहो-यादा आ तौ बेनायाह यो बोल्‍यो लडाइ पाइब का बाक्‍माक्‍त। मेकोमी ठेयब गेय पशो बाक्‍माक्‍त। मेकोम मोआब ङा अरीएल आ तौ निक्‍शी साइश्‍शो बाक्‍माक्‍त। फुं यिम ना मेकोमी खाल्‍टाम लशा मेकेर गुप्‍स का साइश्‍शो बाक्‍माक्‍त। २सामुएल ८:१८; यहोसु १५:२१

भजन संग्रह 91:13

गे गुप्‍स नु बीस पाइश्‍शो बुस्‍स दिम्‍नेवे। मेको बोल्‍यो बाक्‍तेक्‍म हना यो, मेको आन कली दिम्‍शा साइक्‍नेवे। लूका १०:१९

दानीएल 6:22

आं परमप्रभुमी आ स्‍वर्ग ङा गेय पाइब सोइश्‍शा, आं कली मारेइ मपाइक्‍पाइक्‍चा कली गुप्‍स आन शोव़ चोक्‍पाइक्‍तु। मारदे हना आं दोस मबा। हजुर पिप, इन ङोंइती यो मारेइ मरिम्‍शो मपङ” देंत। दानीएल ३:२८; भजन संग्रह २२:२२; हिब्रू ११:३३

आमोस 3:12

मिनु परमप्रभु यावेमी “दोपा गोठलामी गुप्‍स आ शोव़ रे भेडा आ खोइल निक्‍शी कि नोफा आ टुक्रा का ला हना यो रोइक्‍बा, मोपा सामरीयाम नित्‍तीक आ कुना नु खाटम बाक्‍शा यो इस्राएल ङा मुर प्रोंइचा पुंइसीनीम” देंत।

१ सामुएल 17:34

मिनु दाऊदमी सावल कली “गो आं आफ आ भेडा गोठला नङ। जोइ वां जाक्‍शा। भेडा बगाल रे योल्‍नीम।

१ सामुएल 17:36

गो जोइ वांपुकी साइ‍श्‍शो बाक्‍नुङ। मेको ख्रोइक्‍तीक चिनु मख्रोइश्‍शो पलिस्‍ती यो मेको आन खोदेंशो दुम्‍ब। मेकोमी गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पशो बाक्‍ब।