१ सामुएल 16:4 - Sunuwar Bible

⁴ मिनु सामुएलमी परमप्रभु यावे आ देंशो खोदेंशो पवा बाक्‍त। मेको बेथलेहेम लमाक्‍त। मिनु सहर ङा खूशोपुकी ख्रिंख्रि पा ग्रुम्‍थ जाक्‍शा, मेकोपुकीमी “गे मारदे जाक्‍नी? मार, नेल्‍ल रिम्‍शोन बाक्‍बा” देंमा बाक्‍त।

१ सामुएल 16:4 ပူးပေါင်းရင်းမြစ်များ

उत्पत्ती 35:19

मिनु राहेल बेक्‍माक्‍त। मिनु एफ्राथ लतीक लांमी थिम्‍मे बाक्‍त। एफ्राथ बेथलेहेम सहरम बाक्‍ब। उत्‍पत्ती ४८:७; १सामुएल १०:२; येरमीया ३१:१५; मत्ती २:१८

उत्पत्ती 48:7

गो पदान रे गाक्‍ङानु, कनान रागी ङा एफ्राथ आ ङोंइती राहेल बेक्‍त। मिनु गो मेको कली एफ्राथ माइश्‍शो बेथलेहेम सहर लतीक लांमी थिम्‍ता” देंमाक्‍त। उत्‍पत्ती ३५:१९

२ सामुएल 6:9

मेको नाक्‍ती दाऊद परमप्रभु यावे क्‍येङा हिंमाक्‍त। मिनु “मुल गो परमप्रभु यावे आ सन्‍दोस दोपा लाइक्‍नुङा?” देंमाक्‍त।

१ राजा 17:18

मिनु मेको मीश मुरुम एलीया कली “परमप्रभु आ मुर, गे नु गो इस दातेम मार मरिम्‍शो दुम्‍शो बाक्‍बा? मार, गे आं पाप कोंइशा, आं तौ कली साइक्‍थ जाक्‍नी?” देंमाक्‍त।

१ राजा 2:13

मिनु हग्‍गीथ आ तौ अदोनीयाह, सोलोमन आ ममा बाथ्‍शेबा बाक्‍तीक जाक्‍माक्‍त। मिनु बाथ्‍शेबाम मेको कली “मार गे रिम्‍शो मिम्‍शा जाक्‍ङे” दे हिल्‍लो पवा बाक्‍त। मिनु मेकोमी “ओं रिम्‍शो पान जाक्‍ती” देंमाक्‍त।

२ राजा 9:22

मिनु येहोरामम येहू कली तशा, मेको कली ‘येहू, गे मार रिम्‍शो मिम्‍शा ग्रुम्‍थ जाक्‍ङे?’ दे हिल्‍लो पवा बाक्‍त। तन्‍न येहूम इ ममा इजेबेलम आ ग्रांग्रा दिशो मूर्ति पूजा पाइब, टुना मुना पाइब। मिनु मार रिम्‍शो पा ग्रुम्‍थ जाक्‍नुङा?” देंमाक्‍त।

होसे 11:10

मेकोपुकी परमप्रभु यावे आ नोले खोइक्‍नीम। मेको चहिं गुप्‍स खोदेंशो पा ग्रीब। मिनु मोपा ग्रीमेनु, आ आलपुकी पच्‍छिम रे पा ख्रिंख्रि पना पन जाक्‍नीम। येरमीया २५:३०; होसे २:१

होसे 6:5

मोपतीके गो इस कली आं लोव़ पाइब रे पा टुक्रा टुक्रा पाता। आं लोव़मी इस कली साइक्‍ता। आं निसाफ इस तारी चिला आप्‍शो खोदेंशो बाक्‍ब। येरमीया २३:२९

लूका 2:4

योसेफ पिप दाऊद आ खिं ङा बाक्‍माक्‍त। पिप दाऊद आ खिं ङा मुर आन सोतीक बोतीक बेथलेहेम सहर बाक्‍माक्‍त। मोपतीके योसेफ आ मीश मरीयम कली लाइश्‍शा, गालील रागी ङा नासरथ सहर रे यहूदीया रागी ङा बेथलेहेम सहर लमाक्‍त।

लूका 5:8

मिनु सिमोन पत्रुसमी मो दुम्‍शो तशा, येसु आ ङोंइती पोक्‍च थेक्‍शा बाप्‍शा “प्रभु, गो पापी मुर नङ। गे नु काथा बाक्‍चा मशिरनुङ” देंमाक्‍त। लूका १८:१३

लूका 8:37

मिनु गेरासीन रागीम बाक्‍बपुकीमी येसु कली “आंइ रागीम मबाक्‍कीन, लने” दे पुन्‍मे बाक्‍त। मारदे हना थाम्‍पा हिंमा बाक्‍त। मिनु येसु डोंगा ङोइश्‍शा लेम्‍माक्‍त।

१ सामुएल 21:1

मिनु दाऊद नोब ङा चढ़ेब अहीमेलेक आ बाक्‍तीक जाक्‍माक्‍त। मिनु अहीमेलेक ख्रिंख्रि पा दाऊद कली ग्रुम्‍शा “मारदे इन का ला जाक्‍नी? गे नु सुइ मबाक्‍मा” देंमाक्‍त। १सामुएल २२:९,१९