१ सामुएल 16:10 - Sunuwar Bible

¹⁰ मोपा येस्‍सेमी आ ७ जना तौ आन कली सामुएल आ ङोंइती चाक्‍मी बाक्‍त। तन्‍न सामुएलमी “एको तेकोइ आन कली परमप्रभु यावेम मयोव़मी” देंमाक्‍त। १इतिहास २:१३-१५; १सामुएल १७:१२

१ सामुएल 16:10 ပူးပေါင်းရင်းမြစ်များ

१ सामुएल 16:11

मिनु सामुएलमी “मार इ तौ नेल्‍ल ओशोन नमी” देंमाक्‍त। मिनु येस्‍सेमी “मुल यो कान्‍छा का नु बाक्‍ब। तन्‍न मेको दा भेडा गोठला बाक्‍ब” देंमाक्‍त। मिनु सामुएलम येस्‍से कली “मेको कली ब्रेत्‍थ सोइक्‍तो। मेको मजाक्‍म सम्‍म गो मनित्‍थु बाक्‍नय” देंमाक्‍त। १सामुएल १७:१४

१ सामुएल 16:9

मिनु येस्‍सेमी शम्माह कली चाक्‍गा बाक्‍त। तन्‍न सामुएलमी “परमप्रभु यावेम एको कली यो मयोव़ङ” देंमाक्‍त।

१ सामुएल 17:12

दाऊद बेथलेहेम, एफ्राथाह सहर ङा यहूदा ङा येस्‍से माइश्‍शो आ तौ बाक्‍माक्‍त। मेको येस्‍से के ८ जना तौ बाक्‍मा बाक्‍त। सावल आ पालाम मेको खाल्‍पा बाक्‍माक्‍त। १सामुएल १६:१-११