१ सामुएल 15:7 - Sunuwar Bible

⁷ मिनु सावलमी हवीलाह रे इजीप्‍त ङा पूर्ब ङा सांद शुर सम्‍म ङा अमालेकी आन कली साइक्‍मी बाक्‍त।

१ सामुएल 15:7 ပူးပေါင်းရင်းမြစ်များ

उत्पत्ती 16:7

मिनु परमप्रभु यावे आ स्‍वर्ग ङा गेय पाइबमी हागार कली गोरशो रागी शुर लतीक लां ङा ब्‍वाक्‍कु बुक्‍तीके आ नेक्‍था थिदा बाक्‍त। प्रस्‍थान १४:१९; प्रस्‍थान २३:२०; गन्‍ती २२:२२; १राजा १९:७; १राजा १९:७; २राजा १९:३५

उत्पत्ती 2:11

ङोंइती ङा खोला आ नें पीशोन बाक्‍ब। मेको खोला हवीलाह रागी आ एर ओंथ रे लशो बाक्‍ब। मेको रागीमी सुन बाक्‍बाक्‍‍माक्‍त।

उत्पत्ती 25:18

आ तौपुकी हवीलाह रे इजीप्‍त लतीक लां शुर सम्‍म बाक्‍शो बाक्‍मा बाक्‍त। शुर रागी इजीप्‍त आ ङोंइती अस्सुर गे बाक्‍ब। इश्‍माएल चहिं आ लोक्‍ब नेल्‍ल आन दातेमी बाक्‍माक्‍त। उत्‍पत्ती १६:१२

१ इतिहास 1:23

ओफीर, हवीलाह नु योबाब बाक्‍मा बाक्‍त। मेको नेल्‍ल योकतन आ चच युइ बाक्‍मा बाक्‍त। उत्‍पत्ती ११:१०-२६

१ इतिहास 4:43

मेकोपुकीम प्रोक्‍शा लीशो अमालेकी नेल्‍ल आन कली साइश्‍शो बाक्‍मा बाक्‍त। मिनु सिमियोन आ थर ङा मुर मुल सम्‍म मेक उइ बाक्‍शो बाक्‍नीम। १सामुएल १५:३-८

अय्‍युब 21:30

शुश हिंचा ङा श्‍येत दुम्‍मेनु, परमप्रभु यावे आ अरेशो मटीबपुकी ब्रोंइचा ताइनीम। मिनु परमप्रभु आ गाइक्‍ची नाक्‍त मेकोपुकी प्रोंइचा पुंइसीनीम।

प्रस्‍थान 15:22

मिनु मोसामी इस्राएली आन कली लल समुन्‍द्र रे शुर माइश्‍शो गोरशो रागी कोंइताक्‍व। मिनु मेको गोरशो रागीमी नाक्‍त सां सम्‍म गाक्‍मानु, ब्‍वाक्‍कु मथिदेम। उत्‍पत्ती २०:१

उपदेसक 8:13

तन्‍न परमप्रभु यावे आ अरेशो मटीब आन कली गेनायो रिम्‍शो मदुम्‍ब। मिनु शुश ब्रोंइचा यो मताइनीम। मारदे हना मेकोपुकीमी परमप्रभु कली मान पा महिंनीम।

१ सामुएल 14:48

मेकोमी अमालेकी आन कली ग्रामा बाक्‍त। मिनु इस्राएली आन कली रोइक्‍ब हुल आन रे प्रोना बाक्‍त।

१ सामुएल 27:8

दाऊद नु मेको आ मुरपुकी लडाइ पथ ग्रूमानु, गेशुरी, गिरजी अमालेकी आन मारेइ मारेइ रोइक्‍बाक्‍मा बाक्‍त। मारदे हना मेकोपुकी तेलाम रे शुर सम्‍म नु इजीप्‍त सम्‍म बाक्‍बाक्‍मा बाक्‍त।

१ सामुएल 30:1

मिनु लेम्‍मा आ नित्‍थ नाक्‍ती सिकलाग जाक्‍दीम्‍मा बाक्‍त। मेना अमालेकीपुकीमी नेगेब रोइक्‍ने थुम्‍शा, सिकलागम लडाइ तोशा मी सुइश्‍शो बाक्‍मा बाक्‍त। १सामुएल २७:६