१ सामुएल 15:33 - Sunuwar Bible

³³ मिनु सामुएलमी “दोपा इ तरवारम मीश मुर आन कली आल मपाइश्‍शो सेला, मोपा इ ममा यो मीश मुर आन दातेमी आल मपाइश्‍शो दुम्‍ब” देंमाक्‍त। मिनु सामुएलमी अगाग कली परमप्रभु यावे आ ङोंइती गिल्‍गालम क्‍योरशा सदा बाक्‍त।

१ सामुएल 15:33 ပူးပေါင်းရင်းမြစ်များ

उत्पत्ती 9:6

सु सुमी मुर साइश्‍शा हुश जारबा, मेको यो मोपान साइश्‍शा, हुश जारचा पुंइसीब। मारदे हना गो मुर कली आं खोदेंशो पा सेल्‍ता। प्रस्‍थान २१:१२; लेवी २४:१७; गन्‍ती ३५:३३; मत्ती २६:५२; रोमी १३:४; प्रकाश १३:१०

१ राजा 18:40

मिनु एलीयामी मेको आन कली “बाल आ लोव़ पाइब आन कली ग्‍याइक्‍तीन। का यो प्रोक्‍चा मतामेक्‍ल” दे माइक्‍मी बाक्‍त। मिनु मेकोपुकीम मेको आन कली ग्‍याइक्‍तमे बाक्‍त। मिनु एलीयाम मेको आन कली किशोन खोल्‍साम लाइश्‍शा साइक्‍मी बाक्‍त। प्रस्‍थान २२:१९; ब्‍यवस्‍था १३:६-९

प्रस्‍थान 17:11

मोसामी आ गुइ पोक्‍गानु, इस्राएलीपुकी ग्रातेक्‍म। आ गुइ तोक्‍गानु, अमालेकीपुकी ग्रातेक्‍म।

प्रस्‍थान 21:24

सुइमी अरु आ मिक्‍ची का पुक्‍ताक्‍व हना, मेको यो आ मिक्‍च पुक्‍चा पुंइसीब। सुइमी अरु आ ख्रुइ का जिक्‍ताक्‍व हना, मेको यो आ ख्रुइ जिक्‍चा पुंइसीब। सुइमी अरु आ गुइ जिक्‍ताक्‍व हना, मेको यो आ गुइ जिक्‍चा पुंइसीब। सुइमी अरु आ खोइली का जिक्‍ताक्‍व हना, मेको यो आ खोइली जिक्‍चा पुंइसीब।

यसैया 34:6

परमप्रभु यावे आ तरवार हुशेम ग्रुम्‍शो बाक्‍ब। बोंसो लुम्‍सीशो बाक्‍ब। मेको क्‍यारश भेडा आन हुश नु बोका आन चिच ङा बोंसो लुम्‍सीशो बाक्‍ब। मारदे हना बोज्रामी परमप्रभु यावेमी ठेयब चढ़ेतीक गेय पाइब। एदोम रागीमी शुश मुर आन कली साइक्‍ब। यसैया ६३:१

येरमीया 18:21

मोपतीके मेको आन आल आन कली अन्‍काल पपतीन। मेको आन कली तरवारम साइक्‍पतीन। मेको आन मीश आल मबाक्‍शो नु आन वोंइश बेक्‍शो मीश मुर दुम्‍मल। मेको आन वोंइश मुर बेक्‍तीक रोइम बेक्‍मल। मेको आन ठिटा वोंइश मुरपुकी लडाइम तरवारम साइक्‍चा पुंइसमल।

येरमीया 48:10

सु सुमी परमप्रभु यावे आ गेय देश पा पाइनीमी, मेको सराप राइनीम। आंम तरवार कली हुश ख्राक्‍श पोक्‍तीके रे तेक्‍ब सराप राइ‍नीमी।

होसे 6:5

मोपतीके गो इस कली आं लोव़ पाइब रे पा टुक्रा टुक्रा पाता। आं लोव़मी इस कली साइक्‍ता। आं निसाफ इस तारी चिला आप्‍शो खोदेंशो बाक्‍ब। येरमीया २३:२९

गन्‍ती 14:45

मिनु मेको पहाडम बाक्‍ब अमालेक आ मुर नु कनानीपुकी उइ तोइश्‍शा, मेको आन कली साइक्‍ना साइक्‍न होरमा सम्‍म खेदा पाम्‍तेक्‍म। गन्‍ती २१:३; ब्यवस्‍था १:४४

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

प्रकाश 18:6

मिनु गे इन कली गेशो श्‍येत मेको कली लेत्‍तीन। श्‍येत का ला ममाइ, निक्‍शी खेयप श्‍येत गेने। इन कली गेशो श्‍येत निक्‍शी खेयप गेचा ठीक दुम्‍ब। भजन संग्रह १३७:८; येरमीया ५०:१५,२९; २थिस्‍सलोनिकी १:६

न्‍यायाधीस 1:7

मिनु अदोनी-बेसेकमी “गुइ खोइल ङा बोंग्‍ये ख्रोइश्‍शो ७० जना पिपमी आं निश्‍शा जतीक रे दोक्‍शो जचा थोव़क जाम्‍तेक्‍म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्‍तु” देंमाक्‍त। मिनु यहूदा ङा मुरपुकीमी मेको पिप कली यरूसलेम चाक्‍गमे बाक्‍त। मिनु मेको मेकेर बेक्‍माक्‍त।

१ सामुएल 10:8

मिनु गे आं ङोंइती गिल्‍गाल यिवो। मिनु गो चोशा चढ़ेचा नु दुशा बाक्‍चा आ पर्बम चढ़ेचा कली इ बाक्‍तीक जाक्‍नुङ। गो इ बाक्‍तीक मजाक्‍ङा सम्‍म, ७ नाक्‍त सम्‍म आं कली रिम्‍शा बाक्‍को। मिनु गो जाक्‍शा गे मार पचा माल्‍नेवे, इन कली शेंनुङ” दे सामुएलम सावल कली देंमाक्‍त। १सामुएल १३:८

१ सामुएल 15:32

मिनु सामुएलमी “अमालेकी आन पिप अगाग कली एक चाक्‍कीन” देंमाक्‍त। मिनु अगाग ओंखां पा गाक्‍शा, मेक जाक्‍माक्‍त। मिनु अगागमी “थमा पा, एको बेक्‍चा ङा श्‍येत बाक्‍ब” देंमाक्‍त।