१ सामुएल 15:3 - Sunuwar Bible

³ अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।

१ सामुएल 15:3 ပူးပေါင်းရင်းမြစ်များ

उत्पत्ती 36:12

एसाव आ तौ एलीफाज आ कान्‍छी मीश तिम्‍ना बाक्‍माक्‍त। मेकोमी अमालेक थि‍माक्‍त। मेकोपुकी एसाव आ मीश आदाह आ तौपुकी बाक्‍मा बाक्‍त।

२ सामुएल 1:8

मिनु मेकोमी ‘गे सु नवे’ दे हिल्‍लो पती। मिनु ‘गो अमालेकी का नङ’ देंती।

प्रस्‍थान 17:14

मिनु परमप्रभु यावेमी मोसा कली “एको लडाइ गेना हना यो मिम्‍चा कली किताबम ब्रेक्‍तो। गो अमालेकी आन कली रागी रागी रे क्‍याम्‍नुङमी, दे यहोसु कली मिम्‍पतो” देंत। ब्‍यवस्‍था २५:१७-१९; १सामुएल १५:२-३

प्रस्‍थान 20:5

मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५

गन्‍ती 24:20

मिनु बालाममी अमालेक आ मुर आन कली कोव़शा “अमालेक आ मुरपुकी रागी रागी नेल्‍ल क्‍येङा ङोंइती ङा बाक्‍तेक्‍म। तन्‍न मेकोपुकी गेना हना यो जाम्‍शा लाइनीमी” देंत। प्रस्‍थान १७:१४; १सामुएल १५:२-३,७

गन्‍ती 31:17

मोपतीके वोंइश आल नेल्‍ल वोंइश मुर नु बाक्‍शो मीश मुर नेल्‍ल आन कली सतीन। न्‍यायाधीस २१:११-१२

यहोसु 10:39

मेकोमी मेकेर ङा सहर नेल्‍ल, आन पिप नु एर ओंथ ङा गाउं आन कली ग्रातेक्‍म। मुर नेल्‍ल आन कली खतम पोक्‍तेक्‍म। सुइ कली यो मप्रोनेम। मेकोपुकीमी हेब्रोन नु मेकेर ङा पिप नु लिब्‍ना कली दोदेंशो पामे, मोदेंशो पा देबीर नु मेकेर ङा पिप कली यो पाम्‍तेक्‍म।

१ सामुएल 14:48

मेकोमी अमालेकी आन कली ग्रामा बाक्‍त। मिनु इस्राएली आन कली रोइक्‍ब हुल आन रे प्रोना बाक्‍त।

१ सामुएल 15:18

परमप्रभु यावेम इन कली मेको पाप पाइब अमालेकी आन कली खतम पोक्चा, दे थमा पा देंशा सोइश्‍शो बाक्‍त। मेको आन कली काइ मवोइक्‍थु मसाइक्‍नी सम्‍म गे लडाइ पस ङा पस बाक्‍चा माल्‍शो ननी।

१ सामुएल 15:9

सावल नु मेको आ लडाइ पाइबपुकीमी पिप अगाग आ रिम्‍शो भेडापुकी, बी ब्‍यफ, दोम्‍शो बस्‍तु भाव, पाठापुकी नु वोइक्‍चा ङा मारेइ मारेइ प्रोंइशा वोदमे बाक्‍त। मेकोपुकीम मेको आन कली खतम पोक्‍चा मदाक्‍तमे बाक्‍त।

१ सामुएल 22:19

सावलमी चढ़ेब आन सहर नोब ङा वोंइश मुर, मीश मुर, आलपुकी, ब्‍यफ गधा नु भेडा नेल्‍ल आन कली तरवारमी क्‍योरशा साइक्‍मी बाक्‍त। १सामुएल २१:२

१ सामुएल 27:9

दाऊदमी मेको आन रागीम मार मार रोइक्‍तानु, मेकेर ङा वोंइश मुर मीश मुर सुइ आन कली का यो मवोइक्‍थु साइक्‍बाक्‍माक्‍त। क्‍यारश भेडा, बी ब्‍यफ, गधा, दलओंठ वासी नेल्‍ल लाइश्‍शा अकीश आन बाक्‍तीक लेप्‍बाक्‍मा बाक्‍त।

१ सामुएल 30:17

मिनु दाऊदम मेको आन कली सुनी रे आ दीसा नाक्‍दो सम्‍म नेल्‍ल साइक्‍मी बाक्‍त। ४ सहे ठिटा मुर ला दल‍ओंठ ङोइश्‍शा प्रोक्‍मा बाक्‍त।