१ सामुएल 15:22 - Sunuwar Bible

²² मिनु सामुएलमी “परमप्रभु यावेमी चोशा चढ़ेशो नु अरु चढ़ेशो क्‍येङा आ देंशो टिशो दाक्‍ब। थमा पा, चढ़ेशो क्‍येङा आ देंशो टिचा रिम्‍शो बाक्‍ब। मिनु सांड आ बोंसो चढ़ेचा क्‍येङा आ देंशो टिचा रिम्‍शो बाक्‍ब। यसैया १:११-१७; येरमीया ७:२२; होसे ६:६; आमोस ५:२१-२२; मीका ६:६-८; जकरिया ७:५-७; मत्ती ९:१३; मत्ती १२:७

१ सामुएल 15:22 ပူးပေါင်းရင်းမြစ်များ

उत्पत्ती 4:4

हाबीलमी आ ङोंइती गिक्‍शो पाठा आ श्‍ये नु बोंसो परमप्रभु यावे कली चढ़ेवा बाक्‍त। मिनु परमप्रभु यावेमी हाबील आ चढ़ेशो ब्रवा बाक्‍त। प्रस्‍थान ३४:१९; लेवी ३:१६

प्रस्‍थान 19:5

गे आं देंशो लोव़ पाइतीनी नु आं कबल पशो टीतीनी हना, गे नेल्‍ल जात जात ङा मुर आन दातेमी आं योव़शो मुर दुम्‍नीनी। मारदे हना रागी नेल्‍ल आं केन बाक्‍ब। ब्‍यवस्‍था ५:२; ब्‍यवस्‍था ७:६

हितोपदेस 21:3

परमप्रभु यावे आ ङोंइती मार मार चढ़ेचा क्‍येङा ठीक पतीके नु रिम्‍शो निसाफ पतीके आ दाक्‍शा ब्रतीक बाक्‍ब। १सामुएल १५:२२; होसे ६:६

उपदेसक 5:1

परमप्रभु आ खिं लनीनु, मूर्ख आन क्‍योरशा चढ़ेशो चढे़चा क्‍येङा परमप्रभु आ लोव़ होस पा नेंचा रिम्‍शो बाक्‍ब। मारदे हना मूर्खमी मरिम्‍शो पचा प्रोंइस मजोक्‍नीम। भजन संग्रह १५:१; यसैया ३३:१४-१६; मत्ती ५:२३-२४; १सामुएल १५:२२

येरमीया 11:4

गो मेको कबल ङा पचा माल्‍शो गेय इन किकी पिपी आन कली श्‍येत जतीक इजीप्‍त रागी रे ग्रुंइची ना अरेशो नङमी। गो मेको आन कली आं अरेशो यो टिने। इन कली अरेशो लोव़ नेल्‍ल पा आं मुर दुम्‍नीनी। मिनु गो इन परमप्रभु दुम्‍नुङ। येरमीया ७:२३

येरमीया 11:7

गो इन किकी पिपी आन कली इजीप्‍त रे प्रोंइशा चाक्‍गुमी रे मुल सम्‍म ‘आं लोव़ टिने’ दे अरेना अरेन बाक्‍ती। येरमीया २५:४

येरमीया 26:13

मुल गेपुकीम इन पतीक नु इन गेय रिम्‍शो सेलीन। मिनु आंम परमप्रभु यावे, इन परमप्रभु आ अरेशो टिने। मिनु परमप्रभु यावेम इन कली खतम पोक्‍तीक रे आ थुं लेप्‍ब। येरमीया ७:३

होसे 6:6

मारदे हना गो क्‍योरशा चढ़ेशो क्‍येङा दाक्‍मुतीक दाक्‍नुङ। मिनु चोशा चढ़ेशो क्‍येङा आं कली तुइश्‍शा ठेयब सेल्‍शो दाक्‍नुङ। १सामुएल १५:२२; हितोपदेस २१:३; मत्ती ९:१३; १२:७

होसे 8:13

मेकोपुकीमी आं कली चढ़ेनीम। मिनु श्‍ये ब्‍वाइनीम। तन्‍न परमप्रभु यावे मेकोपुकी नु मग्‍येरसीशो बाक्‍ब। मुल परमप्रभु यावेमी मेको आन मरिम्‍शो पशो मिम्‍शा, मेको आन कली सजाइ गेब। मिनु मेकोपुकी इजीप्‍त रागीमी लेश्‍शा लाइनीम।

मत्ती 12:7

‘चढ़ेतीक ममाइ, शिशी पशो तचा दाक्‍नुङ’ देंशो परमप्रभु यावे आ लोव़ आ अर्थ रुप्‍तीनी हना, दोस गेचा मपुंइसीब आन कली दोस मगेनी वा। होसे ६:६; मत्ती ९:१३

मत्ती 23:23

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना मसला खोरसानी ङा १० भागमी भाग का परमप्रभु यावे कली चढ़ेनीनी। तन्‍न परमप्रभु यावे आ अरेशो तुइक्‍चा माल्‍शो ठीक निसाफ पतीके, मुर आन कली शिशी पतीके नु परमप्रभु यावे कली थमा सुइक्‍तीके लोव़ ममिम्‍नीनी। एको गेय पचा माल्‍शो ननी, मिनु इन पशो यो मप्रोंइचा माल्‍शो ननी। लेवी २७:३०; लूका १८:१२; मीका ६:८

मत्ती 5:24

चढ़ेचा क्‍येङा ङोंइती मेको आन कली ग्रुम्‍शा, दुशा गारशा ला चढ़ेने। मर्कूस ११:२५

मत्ती 9:13

चढ़ेतीक ममाइ, तन्‍न शिशी पशो तचा दाक्‍नुङ, दे देंशो आ अर्थ मार बाक्‍म, दे शेंसीने। ठीक पाइब आन कली ब्रेत्‍थ जाक्‍शो मनङ। पापी आन कली ब्रेत्‍थ जाक्‍शो नङ” दे माइक्‍तीमी। होसे ६:६; मत्ती १२:७; १सामुएल १५:२२; मत्ती १८:११

मर्कूस 12:33

मिनु थुं का पा, रुप्‍तीक नु सक्ति नेल्‍लेमी परमप्रभु यावे कली दाक्‍चा, आंम कली दाक्‍शो खोदेंशो पा इ नेक्‍था बाक्‍ब आन कली दाक्‍चा, देंशो लोव़ नेल्‍ल क्‍येङा ठेयब बाक्‍त। मारेइ मारेइ क्‍योरशा चढ़ेशो क्‍येङा मेको लोव़ टिशा पचा रिम्‍शो बाक्‍ब” देंमाक्‍त। १सामुएल १५:२२; होसे ६:६; मत्ती ९:१३

१ सामुएल 13:12

पलिस्‍तीपुकी गो नु लडाइ पथ गिल्‍गालम जाक्‍नीम, दे मिम्‍ताक्‍ङ। गो परमप्रभु यावेम शिशी पवल, दे मपुनु। मोपतीके गो आंमान एको चोशा चढ़ेतीक चढ़ेचा माल्‍ताक्‍यी” देंमाक्‍त।

१ सामुएल 13:13

मिनु सामुएलमी सावल कली “गे मूर्ख गेय पाप्‍तीवी। परमप्रभु यावे, इ परमप्रभुमी शेंशो लोव़ मटिवी। गे टिशो नवे हना, परमप्रभु यावेमी इ राज्‍य इस्राएलमी गेना हना यो लीपद वा।