१ सामुएल 15:18 - Sunuwar Bible

¹⁸ परमप्रभु यावेम इन कली मेको पाप पाइब अमालेकी आन कली खतम पोक्चा, दे थमा पा देंशा सोइश्‍शो बाक्‍त। मेको आन कली काइ मवोइक्‍थु मसाइक्‍नी सम्‍म गे लडाइ पस ङा पस बाक्‍चा माल्‍शो ननी।

१ सामुएल 15:18 ပူးပေါင်းရင်းမြစ်များ

उत्पत्ती 13:13

सोदोम सहर ङा मुरपुकी थम मरिम्‍शो बाक्‍मा बाक्‍त। मेकोपुकीमी परमप्रभु यावे आ ङोंइती शुश मरिम्‍शो पामे बाक्‍त। उत्‍पत्ती १८:२०; उत्‍पत्ती १९:४-९

उत्पत्ती 14:7

मेको ग्राब पिप आन लां लेश्‍शा, एन-मिश्‍पात जाक्‍शा, हासासोन-तामारम बाक्‍ब अमालेकी नु एमोरी आन कली फ्रूमे बाक्‍त। एन-मिश्‍पात कली कादेश यो देंनीम।

उत्पत्ती 15:16

इ मुरपुकी ४ पाला नोले ला एकेर लेश्‍शा जाक्‍नीम। मारदे हना एमोरी आन मरिम्‍शो पशो मनुप्‍शो बाक्‍त” दे परमप्रभु यावेमी देंमाक्‍त। प्रेरित ७:७

अय्‍युब 31:3

मार, ठीक मपाइब आन कली शुश हिंचा ङा श्‍‍येत मदुम्‍बा ङा? मरिम्‍शो पाइब आन कली खतम दुम्‍तीकेम मसुम्‍बा ङा?

हितोपदेस 10:29

परमप्रभु यावे आ लां रिम्‍शो थुं पाइश्‍शो मुर आन कली ख्रुइश्‍शा ब्रोंइशा बाक्‍तीक बाक्‍ब। तन्‍न मरिम्‍शो पाइब आन कली मेको लां खतम दुम्तीक बाक्‍ब।

हितोपदेस 13:21

मरिम्‍शो पाइब आन कली श्‍येतम खोइक्‍‍ब। तन्‍न ठीक पाइब आ माल्‍शो मारेइ मारेइ जाक्‍दीप्‍ब। हितोपदेस २८:८; अय्‍युब २७:१३-१७; उपदेसक २:२६

गन्‍ती 16:38

मारदे हना मेको पाप पाइबपुकी बेक्‍तीके आन थनौरोपुकी ग्रांग्रा मदिशो बाक्‍नीम। मेको थनौरो तुप्‍शा, चढ़ेतीके गिल्‍तीक पाता सेल्‍चा माल्‍ब। मारदे हना मेको मुर आन थनौरो परमप्रभु यावे आ ङोंइती चढ़ेतीके ग्रांग्रा मदिशो दुम्‍तेक्‍म। मिनु मेको इस्राएली आन कली मिम्‍तीक चिन्‍ड दुम्‍चा माल्‍नीम” देंत।

गलाती 2:15

गोपुकी यहूदी नय। अर्को रागी ङा मुरपुकीमी परमप्रभु यावे कली मतुइक्‍नीमी। आ अरेशो लोव़ मतुइक्‍थु, मटीनीम। गो मोदेंशो मनय।

१ सामुएल 15:3

अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।