१ सामुएल 14:24 - Sunuwar Bible

²⁴ मेको नाक्‍ती सावलमी ममिम्‍थु, गेय पवा बाक्‍त। मेकोमी मुर आन कली “गो आं जोरी सत्रु आन कली क्‍येक्‍क लेन्‍ने मथुमु सम्‍म, सुम नाक्‍दो दुम्‍चा क्‍येङा ङोंइती जाइ‍बा, मेको सराप रल” देंशा कसम जपाइक्‍मी बाक्‍‍त। मोपा मेको नाक्‍ती इस्राएली थाम्‍पा दशो बाक्‍मा बाक्‍त। सुइमी मारेइ मजामे बाक्‍त।

१ सामुएल 14:24 ပူးပေါင်းရင်းမြစ်များ

भजन संग्रह 18:47

परमप्रभुमी आं कली क्‍येक्‍क लेत्‍तीक सक्ति गेशा, जात जात ङा मुर आन कली आं सासनम बाक्‍ब सेल्‍तु।

हितोपदेस 11:9

मरिम्‍शो मुर आन लोव़मी आन नेक्‍था ङा मुर आन कली खतम सेल्‍‍नीम। तन्‍न ठीक पाइब मुर मेको आन जोक्‍‍तीकेमी प्रोंइचा पुंइसीनीम।

लेवी 27:29

मिनु सु मुर साइक्‍चा कली जिम्‍मा गेचा पुंइसीशो बाक्‍बा, मेको कली क्‍येट थाप्‍शा मलेत्‍थु, साइक्‍चा माल्‍ब। यहोसु ६:१७-१८; १सामुएल १५:३-९

लेवी 5:4

मिनु सुमी मारेइ रिम्‍शो मरिम्‍शो ममिम्‍थु कसम जाप्‍तु हना, मारेइ मतुइक्‍थु कसम जाप्‍तु हना, मिनु मेको रे मेको लोव़ ख्रुइश्‍शो बाक्‍त हना यो, मेकोमी तुइक्‍ता नोले मेको दोस ताइब दुम्‍ब।

गन्‍ती 21:2

मिनु इस्राएलीपुकीमी परमप्रभु यावे कली “गे एको मुर आन कली थमा पा आंइ गुइमी गेतीनी हना, गोपुकीमी मेको आन सहर नेल्‍ल रोवल चिवल पोक्‍नीकी” दे कसम जाम्‍तेक्‍म। ब्‍यवस्था १३:१६; ब्‍यवस्‍था २०:१४,१६,१७; यहोसु ६:१७; न्‍यायाधीस १:१७; १सामुएल १५:३

गन्‍ती 5:21

चढ़ेबमी मेको मीश मुर कली सराप चीले रतीक कसम जपाइक्‍चा माल्‍ब। मिनु मेकोमी मीश मुर कली “परमप्रभु यावेमी इ कोव़ज होम्‍पाइक्‍तीक नु देल्‍लो सोव़पाइक्‍तीक रोइ पपाइश्‍शो तशा, गे इ मुर आन दातेमी हिंचा ङा कोंइतीक दुम्‍नेवे।

रोमी 10:2

परमप्रभु यावे कली तुइक्‍चा माल्‍नीम, दे तुइक्‍नुङ। तन्‍न मेको आन के रुप्‍तीक थुं मबा।

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

यहोसु 6:26

मेना यहोसुमी “सुमी यरीको सहर लेंशा सेल्‍बा, मेको परमप्रभु यावे आ ङोंइती सराप राइब। मेकोमी जग फुल्‍लु वोदानु, आ ङोंइती जरमेशो तौ बेक्‍ब। मिनु आ गारो ङा ठेयब लाप्‍चो वोदानु, आ कान्‍छा तौ बेक्‍ब” दे कसम जाप्‍तु। १राजा १६:३४

न्‍यायाधीस 1:28

नोले इस्राएलीपुकी बोल्‍यो दुम्‍शा, मेको आन कली वाइलीम वाइल सेल्‍ना सेल्‍न बाक्‍मा बाक्‍त। तन्‍न मेको आन कली गेनायो मखेरमे बाक्‍त।

न्‍यायाधीस 5:2

“इस्राएल ङा ठेयब मुरुमी लडाइ पाइब आन कली खुल्‍मेनु, मेकोपुकीमी आन ठेयब मुर आन कली टिम्‍तेक्‍म। मोपतीके परमप्रभु यावे कली ठेयब सेलीन।

१ सामुएल 14:25

मिनु मेकोपुकी ब्‍वाकीम जाक्‍मानु, सुरब खुदो चाका तामे बाक्‍त।

१ सामुएल 14:39

परमप्रभु यावे ब्रोंइशा बाक्‍शो खोदेंशो पा नु इस्राएल श्‍येत रे प्रोंइब, गो मेको आ नेंम कसम जशा देंनुङ, आं तौ योनाथनम मेको पाप पशो बाक्‍त हना यो, मेको कली साइक्‍चा माल्‍ब” देंमाक्‍त। मिनु सुइमी मेको कली लोव़ मलेत्‍मे बाक्‍त।

१ सामुएल 18:25

मिनु मेकोमी दाऊद कली “जोरी सत्रु आन क्‍येक्‍क लेत्‍चा कली पिपम ग्‍युम्‍ली आ पर्बम सहे का पलिस्‍ती आन ख्रोइक्‍तीक चिनु ख्रोइक्‍तीक ङा कुशुल ला पुंइब मतीन” देंमाक्‍त। मारदे हना पलिस्‍ती आन गुइ रे दाऊद बेक्‍ल देंशो बाक्‍माक्‍त।