१ सामुएल 14:18 - Sunuwar Bible

¹⁸ मिनु सावलमी अहीयाह कली “परमप्रभु आ कबल पशो सन्‍दोस एक चाक्‍को” देंमाक्‍त। मेना परमप्रभु आ कबल पशो सन्‍दोस इस्राएलीपुकी नु बाक्‍माक्‍त। १सामुएल २१:१०

१ सामुएल 14:18 ပူးပေါင်းရင်းမြစ်များ

२ सामुएल 11:11

मिनु उरीयाहमी “परमप्रभु आ सन्‍दोस, इस्राएल नु यहूदा ङा मुर नेल्‍ल, आं प्रभु योआब नु इन गेय पाइब नेल्‍ल दिंम ङा बाक्‍तीकेम बाक्‍शो बाक्‍नीम। मिनु गो दोपा जचा तूचा नु आं मीश नु इप्‍चा कली खिं लाइक्‍नुङा? गे इन ब्रोंइशा बाक्‍शो खोदेंशो पा, गो मो पने मचाप्‍नुङ” देंमाक्‍त।

गन्‍ती 27:21

मिनु यहोसु चढ़ेब एलाजर आ ङोंइती राप्‍चा माल्‍ब। मिनु एलाजरमी ऊरीम यहोसु आ पर्बम मार देंबा, दे परमप्रभु यावे आ ङोंइती हिल्‍लो पचा माल्‍ब। यहोसु आ देंशोमी इस्राएली नेल्‍ले मेको नु लडाइ पथ लचा नु लेत्‍चा माल्‍नीम” देंत। प्रस्‍थान २८:३०; ब्‍यवस्‍था ३३:८

न्‍यायाधीस 20:18

मिनु इस्राएलीपुकी रीब पा बेथेल लशा, परमप्रभु कली “आंइ इस्राएली आन दातेमी तेको थरमी नेल्‍ल क्‍येङा ङोंइती बेन्‍यामीन आ थर ङा मुर नु लडाइ पचा?” दे हिल्‍लो पामे बाक्‍त। मिनु परमप्रभु यावेमी “यहूदा आ थर ङा मुरपुकीमी ङोंइती लडाइ पचा माल्‍नीम” देंमाक्‍त। न्‍यायाधीस १:१-२; गन्‍ती २७:२१

न्‍यायाधीस 20:23

मिनु इस्राएलीपुकी लशा, नाक्‍दो सम्‍म परमप्रभु यावे आ ङोंइती ङाक्‍मा बाक्‍त। मिनु मेकोपुकीमी परमप्रभु यावे कली “आंम लोक्‍ब बेन्‍यामीन आ थर ङा मुर नु लेंशा लडाइ तोचा देय मतोचा” दे हिल्‍लो पामे बाक्‍त। मिनु परमप्रभु यावेमी “मेकोपुकी नु लडाइ पचा कली लन” देंमाक्‍त।

१ सामुएल 14:17

मिनु सावलमी सु सु मबाक्‍मा, दे हिक्‍पाइक्‍मी बाक्‍त। मिनु मेकोपुकीमी योनाथन नु आ या कुरब मबाक्‍शो तुइक्‍तमे बाक्‍त।

१ सामुएल 14:36

मिनु सावलमी “मुल गो उइ लशा पलिस्‍ती आन कली नाक्‍दो लडाइ तोय। मिनु नां सोव़म सम्‍म मेको आन मारेइ मारेइ रोइक्‍तय। मेको आन कली का यो महेंदय” देंमाक्‍त। मिनु मुरपुकीम “गे मार पचा दाक्‍नीनी मेको पने” देंमा बाक्‍त। मिनु चढ़ेबमी “गो ङोंइती परमप्रभु नु सल्‍ला पय” देंमाक्‍त।

१ सामुएल 23:9

मिनु दाऊदमी आंम पर्बम मरिम्‍शो पचा चिक्‍शो तुइक्‍ता बाक्‍त। मिनु मेकोमी अबीयाथार चढ़ेब कली “निसाफ पतीक ऊरीम नु थुम्‍मीम बाक्‍शो झोला चाक्‍को” दे मदा बाक्‍त। १सामुएल ३०:७-८

१ सामुएल 5:2

मिनु मेकोपुकीम मेको कली लाइश्‍शा दागोन मूर्ति आ थानम चाक्‍दीत्‍मे बाक्‍त। मिनु दागोन आ नेक्‍था वोदमे बाक्‍त। न्‍यायाधीस १६:२३

१ सामुएल 7:1

मिनु किरयथ-यारीम ङा मुर जाक्‍शा, परमप्रभु यावे आ कबल पशो सन्‍दोस लाइश्‍शा, डांडाम बाक्‍ब अबीनादाब आ खिंम चाक्‍दीत्‍मे बाक्‍त। मिनु मेको आ तौ एलाजर कली परमप्रभु यावे आ कबल पशो सन्‍दोस कोव़चा कली ठीक सेल्‍मे बाक्‍त। लेवी ८:-