१ सामुएल 14:15 - Sunuwar Bible

¹⁵ मिनु नोले पलिस्‍तीपुकी शुश हिंमा बाक्‍त। मिनु लाङगा मेर बाक्‍ब मुर नु अरु मुर नेल्‍ल ख्रिंख्रि पा हिंमा बाक्‍त। आन ठेयब मुर नु रोइक्‍ब नेल्‍ल शुश हिंमा बाक्‍त। मिनु ख्रिनु कुशा ठेयब खल्‍बल दुम्‍माक्‍त। १सामुएल ७:१०

१ सामुएल 14:15 ပူးပေါင်းရင်းမြစ်များ

उत्पत्ती 35:5

मिनु मेकोपुकी लचा गोव़मे बाक्‍त। परमप्रभुमी एर ओंथ ङा सहर ङा मुर आन कली हिंब सेल्‍मी बाक्‍त। मोपतीके मेकोपुकीमी मेको आन कली खेदा मपामे बाक्‍त। प्रस्‍थान २३:२७; यहोसु १०:१०

२ सामुएल 5:24

रवा आन ङरम लडाइ पाइब आन दोरशो नेंनी चोटी होस पावो। मारदे हना परमप्रभु यावे पलिस्‍ती आन कली फ्रुचा कली इ ङोंइती गाक्‍ब” देंमाक्‍त।

अय्‍युब 18:11

शुश हिंतीकेम मेको आन कली ख्रिंख्रि पपाइक्‍ब। ते बाक्‍तेक्‍म हना यो, मेकेर हिंतीके यो बाक्‍ब। लेवी २६:३६

भजन संग्रह 14:5

मिनु नोले मेकोपुकी शुश हिंशा, ख्रिंख्रि पाइनीम। मारदे हना परमप्रभु ठीक पाइब आन दातेमी बाक्‍ब।

प्रस्‍थान 19:18

मिनु सीनै डांडा कुनै कुन दुम्‍‍त। मारदे हना परमप्रभु यावे मेकेर मीम तोंइसाक्‍व। मेको मार मार चोशो खोदेंशो पा ठेयब कुन ग्रू्‍त। मिनु डांडामी ठेयब ख्रिनु कु‍त। उत्‍पत्ती १५:१७

दानीएल 5:6

मिनु मेको तशा, पिप आ कुल लल गिग दुम्‍शा, शुश हिंत। आ खोइल ख्रिंख्रि पा आ पोक्‍च थोक्‍सीशा, खोइल ललाक लुलुक दुम्‍त।

मत्ती 24:6

लडाइ दुम्‍शो लडाइ ङा लोव़ शुश नेंनीनी। मेको लोव़ नेंशा महिनीन। मोदेंशो दुम्‍चा माल्‍ब, रागी नुप्‍चा चहिं इच्‍ची मजा।

यहोसु 2:9

मिनु मेको मीश मुरुमी मेको आस कली “परमप्रभु यावेमी आंइ रागी इन कली गेशो बाक्‍ब, दे गो तुइक्‍नुङ। मारदे हना एको रागीम बाक्‍ब मुर नेल्‍ल इन कली तशा, शुश हिंनीम। प्रस्‍थान २३:२७

न्‍यायाधीस 7:21

मिनु गिदोन आ मुर नेल्‍ल मेको आन बाक्‍तीक एर ओंथ राप्‍शा बाक्‍मा बाक्‍त। मिदयान ङा लडाइ पाइबपुकी चहिं नेल्‍ल वाइ ब्रेश्‍शा प्रोक्‍मा बाक्‍त।

१ सामुएल 13:17

मिनु पलिस्‍ती आन बाक्‍तीक रे रोइक्‍बपुकी हुल सां ग्रूमा बाक्‍त। हुल का शुआल आ रागीम बाक्‍शो ओफ्रा गे लमा बाक्‍त।

१ सामुएल 13:18

अर्को हुल बेथ-होरोन गे लमा बाक्‍त। मिनु लीशो हुल चहिं डांडा गे लमा बाक्‍त। मेको डांडा रे सेबोयीम ङा बेंसी गोरशो रागी तांइसीबाक्‍माक्‍त।

१ सामुएल 13:23

पलिस्‍तीपुकी मिकमाश ङा लां मेर लमा बाक्‍त।

१ सामुएल 14:14

मेको ङोंइती ङा लडाइमी योनाथन नु आ या कुरबम २० जना खोइ सद‍से बाक्‍त। मेको साइक्‍तीके रू ४ रोपानी खोदेंशो पा दिंम का बाक्‍माक्‍त।

१ सामुएल 14:16

मिनु बेन्‍यामीन आ गिबाम खाल पाइब सावल आ मुरपुकीम पलिस्‍ती आन हुल खल्‍बल पा एर ओंथ दोरशो तामे बाक्‍त।

१ सामुएल 7:10

सामुएलम चोशा चढ़ेना ढ़ेन बाक्‍मेनु, पलिस्‍तीपुकी इस्राएली नु लडाइ पचा कली आन नेक्‍था जाक्‍मा बाक्‍त। मिनु मेको नाक्‍ती परमप्रभु यावेमी पलिस्‍ती आन तारी ठेयब बुंबु पपदा बाक्‍त। मिनु पलिस्‍तीपुकी वाम ग्याम दुम्‍शा, इस्राएली आन ङोंइती रे प्रोक्‍मा बाक्‍त। उत्‍पत्ती ३५:५; प्रस्‍थान १४:२४; प्रस्‍थान २३:२७; यहोसु १०:१०; न्‍यायाधीस ४:१५