१ सामुएल 14:14 - Sunuwar Bible

¹⁴ मेको ङोंइती ङा लडाइमी योनाथन नु आ या कुरबम २० जना खोइ सद‍से बाक्‍त। मेको साइक्‍तीके रू ४ रोपानी खोदेंशो पा दिंम का बाक्‍माक्‍त।

१ सामुएल 14:14 ပူးပေါင်းရင်းမြစ်များ

२ सामुएल 17:9

मुल यो मेको तेकोइ ढोडोङगा नु अरु बाक्‍तीकेमी ख्रुइश्‍शा बाक्‍म माइ? मिनु इं लडाइ पाइबपुकी ङोंइती साइक्‍चा पुंइसाक्‍म हना, मेको नेंबपुकीमी ‘अब्‍सालोम आ नोले खोइक्‍बपुकी बेक्‍ना बेक्‍न बाक्‍नीम’ देंशो नेंनीम।

न्‍यायाधीस 15:15

मिनु गधा आ पिया ङा रुश खप रे गुप्‍शा, मेकोमी हजार का मुर आन कली तुप्‍शा सदा बाक्‍त।

न्‍यायाधीस 9:54

मिनु अबीमेलेकमी रीब पा आ या कुरब कली ब्रेश्‍शा “मुरपुकीमी ‘मीश मुर कामी मेको कली साइक्‍तु’ दे मदेंमल, दे रीब पा इ तरवार शोइश्‍शा, साइय्‍यी” दे मदा बाक्‍त। मिनु आ या कुरबमी तूदानु, अबीमेलेक बेक्‍माक्‍त। १सामुएल ३१:४; २सामुएल ११:२१

१ सामुएल 14:13

मिनु योनाथन गुइ खोइल थेक्‍शा ङोंइसे बाक्‍त। मिनु मेको या कुरब आ नोले कुमाक्‍त। मिनु मेको पलिस्‍ती योनाथन आ ङोंइती गोल्‍मा बाक्‍त। मिनु मेको आ नोले जाक्‍ब आ या कुरबमी मेको आन कली सदा बाक्‍त।

१ सामुएल 14:15

मिनु नोले पलिस्‍तीपुकी शुश हिंमा बाक्‍त। मिनु लाङगा मेर बाक्‍ब मुर नु अरु मुर नेल्‍ल ख्रिंख्रि पा हिंमा बाक्‍त। आन ठेयब मुर नु रोइक्‍ब नेल्‍ल शुश हिंमा बाक्‍त। मिनु ख्रिनु कुशा ठेयब खल्‍बल दुम्‍माक्‍त। १सामुएल ७:१०