१ सामुएल 14:12 - Sunuwar Bible

¹² मिनु पलिस्‍तीपुकीमी योनाथन नु आ या कुरब आस कली “गो आंइ बाक्‍तीक गे ङोइश्‍शा कुस। गो इस कली मारेइ कोंइनीकी” देंमा बाक्‍त। मिनु योनाथनमी आ या कुरब कली “आं नोले कुवो। परमप्रभु यावेम मेको आन कली इस्राएली आन गुइमी जिम्‍मा गेशो बाक्‍त” दे मदा बाक्‍त।

१ सामुएल 14:12 ပူးပေါင်းရင်းမြစ်များ

उत्पत्ती 24:42

मिनु मुलाक्‍ती इनारम जाक्‍शा, गो ‘परमप्रभु यावे, आं होव़प, अब्राहाम आ परमप्रभु, गे आं कली वारच पने।

उत्पत्ती 24:48

मिनु गो परमप्रभु यावे आ ङोंइती गु बाप्‍शा ‘परमप्रभु यावे, आं होव़प अब्राहाम आ परमप्रभु, गे रिम्‍शो पाइब बाक्‍नीनी’ दे ठेयब सेल्‍ता। मारदे हना आं होव़प आ लोक्‍ब आ खिं ङा मुर रे आ तौ कली तमी चाक्‍चा कली रिम्‍शो लां कोंइताक्‍यी।

२ सामुएल 5:24

रवा आन ङरम लडाइ पाइब आन दोरशो नेंनी चोटी होस पावो। मारदे हना परमप्रभु यावे पलिस्‍ती आन कली फ्रुचा कली इ ङोंइती गाक्‍ब” देंमाक्‍त।

२ राजा 14:8

मेको नोले अमस्‍याहम इस्राएल ङा पिप येहू आ चच येहो-अहाज आ तौ योआश कली लडाइ पतीक लोव़ पा “जाक्‍को, गो नु आं ङोंइती राप्‍शा लडाइ पावो” दे लडाइ पचा कली लोव़ कुरब मुर सोइक्‍ता बाक्‍त।

न्‍यायाधीस 4:14

मिनु देबोरामी बाराक कली “बोक्‍को, मुलाक्‍त परमप्रभु यावेमी सीसेरा कली इ गुइमी गेशो बाक्‍ब। परमप्रभु यावे इ ङोंइती मगाक्‍बा ङा?” देंमाक्‍त। मोपतीके बाराक नु आ १० हजार लडाइ पाइब ताबोर डांडा रे ब्रुम्‍मा बाक्‍त।

न्‍यायाधीस 7:14

मिनु आ वारचमी “थमा पा, मेको इस्राएली योआश आ तौ गिदोन आ तरवार बाक्‍ब। परमप्रभुमी मिदयान नु मुर नेल्‍ले आन कली मेको आ गुइमी गेप्‍तु” देंमाक्‍त।

न्‍यायाधीस 7:15

मिनु गिदोनमी ङोमु नु मेको आ अर्थ नेंशा ङा मिन परमप्रभु यावे कली ठेयब सेला बाक्‍त। मिनु इस्राएली आन बाक्‍तीकेम लेश्‍शा “बोक्‍कीन, परमप्रभु यावेमी मिदयानी नेल्‍ल आन कली इन गुइमी गेप्‍तु” देंमाक्‍त।

न्‍यायाधीस 9:54

मिनु अबीमेलेकमी रीब पा आ या कुरब कली ब्रेश्‍शा “मुरपुकीमी ‘मीश मुर कामी मेको कली साइक्‍तु’ दे मदेंमल, दे रीब पा इ तरवार शोइश्‍शा, साइय्‍यी” दे मदा बाक्‍त। मिनु आ या कुरबमी तूदानु, अबीमेलेक बेक्‍माक्‍त। १सामुएल ३१:४; २सामुएल ११:२१

१ सामुएल 14:10

तन्‍न मेकोपुकीमी ‘आंइ बाक्‍तीक कुस जाक्‍कीन’ देंतेक्‍म हना, गो इर ङोइश्‍शा लस। मारदे हना परमप्रभु यावेम मेको आन कली इस गुइमी गेशो बाक्‍माक्‍त, दे तुइक्‍नस। मेको गो इस कली चिन्‍ड बाक्‍ब” देंमाक्‍त।

१ सामुएल 14:13

मिनु योनाथन गुइ खोइल थेक्‍शा ङोंइसे बाक्‍त। मिनु मेको या कुरब आ नोले कुमाक्‍त। मिनु मेको पलिस्‍ती योनाथन आ ङोंइती गोल्‍मा बाक्‍त। मिनु मेको आ नोले जाक्‍ब आ या कुरबमी मेको आन कली सदा बाक्‍त।