१ सामुएल 13:6 - Sunuwar Bible

⁶ मिनु इस्राएलीपुकीमी थम श्‍येत जामे बाक्‍त। मारदे हना लडाइ पाइबपुकी थाम्‍पा आइक्‍च सेल्‍चा पुंइसमा बाक्‍त। मोपतीके मेकोपुकी पुक्‍खी, काक्‍पे, सेरथे फुल्‍लु आन दातेम, बेक्‍शो मुर वोइक्‍तीके नु इनार आगाम ख्रुंइसमा बाक्‍त।

१ सामुएल 13:6 ပူးပေါင်းရင်းမြစ်များ

२ सामुएल 24:14

मिनु दाऊदम गाद कली “गो शुश श्‍येत जशो बाक्‍नुङ। आंइ कली परमप्रभु यावे आ गुइम दुम्‍चान रिम्‍शो बाक्‍ब। मारदे हना आ शिशी ठेयब बाक्‍ब। गो मुर आन गुइम मदुम्‍ङल” देंमाक्‍त।

यसैया 42:22

तन्‍न मेको मुरपुकी रोइश्‍शो नु खुइ पचा पुंइसीशो बाक्‍नीम। मेको नेल्‍ल बिक्‍तीकेमी बिक्‍शो नु जेल्‍खानमी ख्रुइश्‍शो बाक्‍नीम। मेको सिखार खोदेंशो दुम्‍शो बाक्‍नीम। मेको आन कली प्रोंइब सुइ मबाक्‍ब। मेको रोइक्‍चा पुंइसीब दुम्‍शो बाक्‍नीम। मिनु “मेको आन कली लेंशा गेने” देंब सुइ मबाक्‍ब।

येरमीया 41:9

मेको इनारम इश्‍माएलमी मुर आन कली साइश्‍शा ताइश्‍शो बाक्‍त। मेको इनार पिप आसाम इस्राएल ङा पिप बाशा क्‍येङा हिंशा ब्रोंइचा कली दोशो बाक्‍त। नेथन्‍याह आ तौ इश्‍माएलमी मेको इनार आ साइश्‍शो मुरपुकीम प्रिंताक्‍व। १राजा १५:१६-२४

इजीकीएल 33:27

मिनु गे मेको आन कली “परमप्रभु, परमप्रभु यावेमी ‘गो आं ब्रोंइशा बाक्‍शो खोदेंशो पा ब्रेश्‍शो खिंम बाक्‍बपुकी तरवारम साइक्‍चा पुंइसीनीम। मिनु गो दिंमम बाक्‍ब आन कली ब्‍वाकी ङा जन्‍तु आन कली ब्‍वचा गेनुङमी। बोल्‍यो दरवार नु पुक्‍खीम बाक्‍बपुकी मुर बेक्‍तीक रोइम बेक्‍नीम।

फिलिप्‍पी 1:23

गो निम्‍फा आस दातेमी बाक्‍नुङ। मेकेर रे लशा, ख्रीस्‍त नु बाक्‍चा आं दाक्‍शो बाक्‍ब। मारदे हना मेको शुश रिम्‍शो बाक्‍ब। २कोरिन्‍थी ५:८

हिब्रू 11:38

तेइ बाक्‍चा मतथु, जचा फेक्‍चा मतथु, भेडा नु क्‍यारश आन कुशुल फेक्‍शा, एर ओंथ हिरना हिरन गोरशो रागी रोंगुमी प्रोक्‍शा, पुक्‍खीमी ख्रुइक्‍ना ख्रुइक्‍न बाक्‍मा बाक्‍त। मोपा श्‍येत जाइब आन कली एको रागीमी बाक्‍शा ब्रोंइचा मगारब। मारदे हना रिम्‍शो मुर बाक्‍नीम। एको रागी चहिं मरिम्‍शो बाक्‍ब।

यहोसु 8:20

मिनु ऐ सहर ङा खेदा पाइबपुकीमी बिर हिरशा, कोव़ङमेनु, आंम सहरमी कुन जुइश्‍शो ताम्‍तेक्‍म। मोपा कुन जुइश्‍शो तशा, मेकोपुकीमी एर ओंथ प्रोक्‍ने मचबेम। मारदे हना गोरशो रागी गे प्रोक्‍खु पाइब इस्राएलीपुकी लेश्‍शा, मेकोपुकी नु लडाइ पचा गोम्‍तेक्‍म।

न्‍यायाधीस 10:9

अम्‍मोनीपुकीमी ओंथ हाम ला ममाइ, यर्दन आइक्‍ची हांबु यो शोक्‍शा, यहूदा आ थर, बेन्‍यामीन आ थर नु एफ्राइम आ थर ङा मुर आन कली लडाइ तोव़मे बाक्‍त। मिनु इस्राएलीपुकीमी शुश श्‍येत जामे बाक्‍त।

न्‍यायाधीस 20:41

मिनु प्रोक्‍खु पाइब इस्राएलीपुकी फ्रा लेश्‍शा, बेन्‍यामीन आ थर ङा मुर आन कली लडाइ तोव़मे बाक्‍त। मिनु बेन्‍यामीन आ थर ङा मुरपुकी “ला, मुल बेक्‍साक्‍व” दे हिंमा बाक्‍त।

न्‍यायाधीस 6:2

मिनु मिदयान ङा मुरपुकीमी इस्राएली आन कली शुश दिप्‍शा, सक्ति पाइश्‍शो दुम्‍मा बाक्‍त। मोपतीके इस्राएलीपुकी पहाड ङा पुक्‍खी, रोंगु इर लशा, आन ख्रुइश्‍शा बाक्‍तीक सेल्‍मे बाक्‍त।

१ सामुएल 13:15

मिनु सामुएल बोक्‍शा, गिल्‍गाल प्रोंइशा, बेन्‍यामीन आ गिबा गे खोदा बाक्‍त। लीशो मुरपुकी चहिं सावल आ नोले लडाइ पाइब दुम्‍चा कली खोदमे बाक्‍त। मिनु सावलमी मेको मुर आन कली हिक्‍गानु, मेको नेल्‍ल पा ६ सहे मुर बाक्‍मा बाक्‍त।

१ सामुएल 14:11

मोपतीके मेको निक्‍शी पलिस्‍ती आन कली तपांइससा बाक्‍त। मिनु पलिस्‍तीपुकीम “कोव़ङीन। हिब्रू आन ख्रुइक्‍तीक पोव़ला रे ग्रूमा बाक्‍त” देंमुमा बाक्‍त।

१ सामुएल 14:22

एफ्राइम आ पहाडीम बाक्‍शो प्रोक्‍शो इस्राएलीपुकीमी पलिस्‍ती प्रोक्‍शो लोव़ नेंन्‍मे बाक्‍त। मिनु मेकोपुकी यो गारशा पलिस्‍ती आन कली खेदा पामे बाक्‍त।

१ सामुएल 23:19

मिनु जीफ ङा मुरपुकीम सावल गिबाम बाक्‍मेनु “दाऊद आंइ दाते ङा बोल्‍यो ख्रुइश्‍शा बाक्‍तीक होरेशम बाक्‍ब। मेको हाकीलाह डांडा रे येशीमोन आ दक्‍खिन गे बाक्‍ब। १सामुएल २६:१; भजन संग्रह ५४:२

१ सामुएल 24:3

मेको लांमी भेडा योव़बपुकी बाक्‍मा बाक्‍त। मेको आ नेक्‍था पुक्‍खी का यो बाक्‍माक्‍त। मिनु सावल मेको आगा ङाइक्‍चा कली ओव़माक्‍त। मेको पुक्‍खी आ नेल्‍ल क्‍येङा आगाम दाऊद नु आ मुरपुकी ख्रुइश्‍शा बाक्‍शो बाक्‍मा बाक्‍त।

१ सामुएल 31:7

बेंसी नु यर्दन आइक्‍ची हांबुम बाक्‍ब इस्राएलीपुकीम लडाइ पाइब इस्राएली प्रोक्‍शो नु सावल नु आ तौ नेल्‍ल बेक्‍शो नेंन्‍मे बाक्‍त। मोपतीके मेकोपुकी आंम आंम सहर प्रोंइशा प्रोक्‍मा बाक्‍त। मिनु पलिस्‍ती जाक्‍शा मेको सहर आन के सेल्‍मे बाक्‍त।

१ सामुएल 7:7

मिनु पलिस्‍तीपुकीमी इस्राएली मिस्‍पाम बुक्‍‍तेक्‍म देंशो लोव़ नेंन्‍मे बाक्‍त। मिनु मेको आन ठेयब मुरपुकी इस्राएली नु लडाइ पचा कली लमा बाक्‍त। मिनु इस्राएलीपुकी मेको नेंशा, पलिस्‍ती आन कली तशा शुश हिंमा बाक्‍त।