१ सामुएल 13:5 - Sunuwar Bible

⁵ मिनु पलिस्‍तीपुकी इस्राएली नु लडाइ पचा कली बुक्‍मा बाक्‍त। मेकोपुकी नु ३० हजार बग्‍गी, ६ हजार शारा ङोइक्‍बपुकी नु समुन्‍द्र ङा बाल्‍वा खोदेंशो पा हिक्‍ने मचाप्‍चा ङा पा खोइलीम गाक्‍ब लडाइ पाइब मुर बाक्‍मा बाक्‍त। मेकोपुकी इर ग्रूशा, बेथ-आवेन आ पूर्ब गे मिकमाशम आन बाक्‍तीके सेल्‍मे बाक्‍त।

१ सामुएल 13:5 ပူးပေါင်းရင်းမြစ်များ

उत्पत्ती 22:17

मार कसम जाता देंशा हना, गो इ कली आसीक गेनुङ। इ चच युइ आन कली सोरुल नु समुन्‍द्र आ नेक्‍था ङा बाल्‍वा खोदेंशो पा शुश सेल्‍नुङमी। मिनु मेकोपुकीमी आन जोरी सत्रु आन सहर आंम के सेल्‍नीम। उत्‍पत्ती १३:१६; हिब्रू ११:१२

२ सामुएल 17:11

आं अर्ती चहिं मार बाक्‍ब देंशा हना, दान रे बेयर-शेबा सम्‍म ङा इस्राएली नेल्‍ल आन कली खुप्‍चा माल्‍नीम। मेको समुन्‍द्र ङा बाल्‍वा खोदेंशो पा शुश बाक्‍नीम। मिनु गे मोदेंशो पा लडाइ पथ लने।

१ राजा 20:27

मिनु इस्राएली यो खुम्‍सीशा, जशा तूशा, मेको नु लडाइ पचा कली हुल हुल पा ग्रूमा बाक्‍त। इस्राएलीम अरामी आन ङोंइती गे आन बाक्‍तीक सेल्‍मे बाक्‍त। मेकोपुकी क्‍यारश आन आइक्‍च हुल निक्‍शी खोदेंशो बाक्‍मा बाक्‍त। तन्‍न अरामी चहिं मेको रागी ङा दिंम एर ओंथ नेल्‍ल ब्रीशा बाक्‍मा बाक्‍त।

२ इतिहास 1:9

मुल आं परमप्रभु यावे, गे आं आफ दाऊद कली गेशो इन लोव़ खाप्‍पीन। मारदे हना गे आं कली एको रागी ङा फुरक खोदेंशो पा हिक्‍ने मचाप्‍चा ङा शुश मुर आन पिप सेल्‍तीनी।

यसैया 10:28

इन जोरी सत्रु रिम्‍मोन रे जाक्‍शो आइयाथम जाक्‍दीत्‍तेक्‍म। मिग्रोन लशा, मिकमाश सहरम आन मार मार वोइक्‍नीम।

यसैया 48:19

मिनु इन आल समुन्‍द्र ङा बाल्‍वा खोदेंशो पा शुश दुम वा। मिनु इन चच युइ अन्‍न खोदेंशो पा शुश दुम वा। आन नें गेनायो मक्‍याम्‍स वा। मिनु आं ङोंइती रे खतम मदुम वा। उत्‍पत्ती २२:१७

येरमीया 15:8

मेको आन वोंइश बेक्‍शो मीश मुरपुकी समुन्‍द्र ङा बाल्‍वा क्‍येङा शुश दुम्‍तेक्‍म। नाक्‍ती उइक्‍थ दुम्‍मेनु, तौ नु आन ममा आन पर्बम साइक्‍ब का चाक्‍नुङ। गो कालेम मेको आन तार सुर्ता पतीक नु ग्रीचोक पा हिंतीके चाक्‍नुङ।

होसे 10:5

सामरीयामी बाक्‍ब मुरपुकी बेथ-आवेन ङा बाछा आ मूर्ति आ पर्बम हिंनीम। ङोंइती मेको मूर्ति आ दारस तशा, ग्‍येरसीशो मुरपुकी मेको आ पर्बम रोंका पाइनीम। चढ़ेबपुकी यो मेको आ पर्बम रोंका पाइनीम। मारदे हना मेको मूर्ति ङोन लाइक्‍सीशो बाक्‍ब। होसे ४:१५

होसे 4:15

गे इस्राएलीपुकी, तेल्‍लेम पाइतीनी हना यो, यहूदा ङा मुर आन कली हेंथे मगाक्‍पतीन। गेपुकी गिल्‍गालमी नु बेथ-आवेनमी मलन। मिनु ‘परमप्रभु यावे ब्रोंइशा बाक्‍शो खोदेंशो पा’ दे कसम मजने” दे परमप्रभुमी देंत। आमोस ५:५; होसे १०:५; आमोस ८:१४

होसे 5:8

गिबामी तुराही नु रामाह सहरमी ग्रोव़ ताप्‍पीन। बेथ-आवेनमी लडाइ ङा तुराही ताप्‍पीन। बेन्‍यामीन ङा मुरपुकी ङोंइती बारीन। २राजा १५:३७; यसैया ७:१-९; होसे ४:१५

रोमी 9:27

यसैयामी इस्राएली आन पर्बम “इस्राएल ङा मुरपुकी समुन्‍द्र ङा बाल्‍वा खोदेंशो पा शुश दुम्‍तेक्‍म हना यो, मेको आन लीशो का निक्‍शी ला ब्रोंइचा ताइनीम। रोमी ११:५

यहोसु 11:4

मिनु मेको पिपपुकी नु आन लडाइ पाइब मुर नेल्‍ल जाक्‍तेक्‍म। मेकोपुकी ठेयब समुन्‍द्र ङा बाल्‍वा खोदेंशो पा शुश बाक्‍तेक्‍म। मिनु मेको आन के शारापुकी नु बग्‍गीपुकी यो शुश बाक्‍तेक्‍म।

यहोसु 18:12

मेको सांद उत्तर गे यर्दन रे पा लाइश्‍शा यरीको आ उत्तर ङा देम्‍सीलो लाक्‍शा, पच्‍छिम गे ङा पहाड लाक्‍शा गोरशो रागी बेथ-आवेन सम्‍म जाक्‍दीश्‍शो बाक्‍त। यहोसु ७:२

यहोसु 7:2

मिनु यहोसुमी यरीको रे बेथेल आ पूर्ब बेथ-आवेन आ नेक्‍था ऐ सहरमी मुर आन कली सोइक्‍ताक्‍व। मिनु मेको आन कली “गेपुकी मेक लशा, मेको रागी कली क्‍यारी पन” दे माइक्‍तु। मिनु मेको मुरपुकी लशा, मेको ऐ सहर कली क्‍यारी पाम्‍तेक्‍म।

न्‍यायाधीस 7:12

मेको मिदयानी, अमालेकी नु पूर्ब ङा थर ङा मुर नेल्‍ल शुश सल्‍हा माले खोदेंशो पा दिंममी बाक्‍शो बाक्‍मा बाक्‍त। मेको आन दलओंठ ठेयब समुन्‍द्र ङा बाल्‍वा खोदेंशो हिक्‍ने मचाप्‍चा ङा पा शुश बाक्‍मा बाक्‍त।

१ सामुएल 13:11

मिनु सामुएलमी “एको मार पवी” देंमाक्‍त। मिनु सावलमी “मुरपुकीम आं कली प्रोंइ‍शा, लशो तातामी। इन जाक्‍नुङ देंशो ना मजाक्‍नी। पलिस्‍तीपुकी मिकमाशम बुक्‍तेक्‍म।

१ सामुएल 13:2

सावलमी इस्राएल ङा हजार सां मुर आन कली योव़मी बाक्‍त। मिनु हजार निक्‍शी आं नु मिकमाशम नु बेथेल ङा पहाडीम बाक्‍मा बाक्‍त। मिनु हजार का मुर योनाथन नु बेन्‍यामीन ङा गिबाम बाक्‍मा बाक्‍त। लीशो मुर आन कली चहिं आन खिं सोइक्‍तीमी बाक्‍त।

१ सामुएल 14:23

मेको नाक्‍ती परमप्रभु यावेमी इस्राएली आन कली ग्रापदा बाक्‍त। मिनु मेको लडाइ बेथ-आवेन आ आइक्‍ची सम्‍म दुम्‍माक्‍त। सावल आ लडाइ पाइब १० हजार खोइ दुम्‍मा बाक्‍त। मेको लडाइ एफ्राइम ङा पहाड नेल्‍लेम दुम्‍माक्‍त।

१ सामुएल 14:52

सावल आ पालाम पलिस्‍तीपुकी नु लडाइ दुम्‍स ङा दुम्‍स दुम्‍माक्‍त। मेकोमी आ थिश्‍शो बोल्‍यो नु सक्ति पाइश्‍शो मुर आ गेय पचा कली लाइक्बाक्‍माक्‍त।

१ सामुएल 17:1

पलिस्‍तीपुकीम लडाइ पचा कली आन लडाइ पाइब आन कली खुप्‍त‍मे बाक्‍त। मिनु यहूदा ङा सोकोहम बुक्‍मा बाक्‍त। मेकोपुकीमी सोकोह नु आजेका आस दाते एफेस-दाम्‍मीमम आन बाक्‍तीके सेल्‍मे बाक्‍त। यहोसु १५:३५

१ सामुएल 7:13

मोपा पलिस्‍ती ब्रुशा, इस्राएली आन रागी लेंशा मओव़मा बाक्‍त। मिनु परमप्रभु यावेम सामुएल बाक्‍म सम्‍म पलिस्‍तीपुकी रे इस्राएली आन कली श्‍येत मगेपदा बाक्‍त।