१ सामुएल 13:22 - Sunuwar Bible

²² मोपतीके लडाइ दुम्‍मेनु, सावल नु योनाथन नु बाक्‍शो लडाइ पाइब आन के तरवार नु तूतीक का यो मबाक्‍माक्‍त। तन्‍न सावल नु योनाथन आस के ला बाक्‍माक्‍त।

१ सामुएल 13:22 ပူးပေါင်းရင်းမြစ်များ

जकरिया 4:6

मिनु मेकोमी आं कली “एको परमप्रभु यावेमी जेरूब-बाबेल कली पशो लोव़ बाक्‍ब। ‘बोलम ममाइ, सक्तिमी यो ममाइ, तन्‍न आं सोक्‍तीमी पाइनुङ’ दे मुर नेल्‍ल आन परमप्रभु यावेमी देंत।

२ कोरिन्‍थी 4:7

मेको ठेयब सक्ति परमप्रभु यावे के बाक्‍ब, दे कोंइचा कली मेको छेङछेङ खप के गर गो आंइ रां आगाम बाक्‍ब। १कोरिन्‍थी ४:११-१३; २कोरिन्‍थी ११:२३-२७

न्‍यायाधीस 5:8

इस्राएलीपुकीमी नक देवी देवता आन कली ठेयब सेल्‍चा कली योव़ची ना सहर ङा लाप्‍चोमी लडाइ दुम्‍त। मिनु ४० हजार इस्राएली आन के तेक्‍तीक नु तरवार मबा।

१ सामुएल 13:21

फाली का नु कोदाली का शेप्‍चा कली शेकेल का के भाग सांमी भाग निक्‍शी थाप्‍चा माल्‍बाक्‍मा बाक्‍त। खा नु ब्‍यफ खुल्‍तीक कोक्‍के शेप्‍‍चा कली शेकेल का के भाग सांमी भाग का थाप्‍चा माल्‍बाक्‍मा बाक्‍त। शेकेल का ११.५ ग्राम बाक्‍ब। मेको शेप्‍तीक गेय कली का का कली ३.५ ग्राम चांदी थाप्‍शो बाक्‍तेक्‍म।

१ सामुएल 17:47

मिनु एक बाक्‍शो मुर नेल्‍लेम परमप्रभु यावेम तूतीक नु तरवारम मप्रोंइब, दे तुइक्‍नीम। मारदे हना एको लडाइ परमप्रभु यावे केन बाक्‍ब। मेकोमी गे नेल्‍ल इन कली आंइ गुइमी गेब” दे मदा बाक्‍त। प्रस्‍थान १५:३; भजन संग्रह २०:८; जकरिया ४:६

१ सामुएल 17:50

मोपा दाऊद आ हुरद नु फुल्‍लुम ग्रामाक्‍त। मेको नु तरवार मबाक्‍त हना यो, पलिस्‍ती गोल्‍याथ कली सदा बाक्‍त।