१ सामुएल 12:9 - Sunuwar Bible

⁹ तन्‍न मेकोपुकीमी परमप्रभु यावे, आन परमप्रभु कली प्रेंताक्‍म। मेकोमी मेको आन कली प्रोंइशा, सीसेरा आ गुइमी गेवा बाक्‍त। सीसेरा हासोर ङा पिप याबीन आ नेल्‍ल क्‍येङा सक्ति पाइश्‍शो लडाइ पाइब आन कप्‍तान बाक्‍माक्‍त। परमप्रभुमी मेको आन कली पलिस्‍ती आन गुइमी गेवा बाक्‍त। मिनु मोआब ङा पिप आन गुइमी यो गेवा बाक्‍त। मिनु मेकोपुकी मेको नु लडाइ पना पन बाक्‍मा बाक्‍त। न्‍यायाधीस ४:२; न्‍यायाधीस १०:७; न्‍यायाधीस १३:१; न्‍यायाधीस ३:१२

१ सामुएल 12:9 ပူးပေါင်းရင်းမြစ်များ

२ सामुएल 7:11

आं मुर इस्राएली आन कली निसाफ पाइब योव़शो रे गो इ कली इ जोरी सत्रु नेल्‍ल रे नाइक्‍पाइक्‍नन। मिनु परमप्रभु यावेमी इ कली चच युइ गेब’ दे मतो” देंमाक्‍त।

भजन संग्रह 106:21

मेकोपुकीमी आन कली श्‍येत रे प्रोंइब नु इजीप्‍तम ठेयब गेय पाइब आन परमप्रभु कली प्रेंशो बाक्‍तेक्‍म। ब्‍यवस्‍था ३२:१८

यसैया 63:10

तन्‍न मेकोपुकीमी काइ मटिथु, आ सोक्‍त कली थुं खाइक्‍पाइक्‍तेक्‍म। मोपतीके परमप्रभु यावे मेको आन जोरी सत्रु दुम्‍शा, आंमा मेकोपुकी नु लडाइ पाप्‍तु।

येरमीया 2:32

मार, मीश आलम आ सुन चांदी नु ग्‍युम्‍लीम आ ग्‍युंबे पशो दारशो वा प्रेंने चाप्‍नीमी ङा? तन्‍न आं मुरपुकीम दा आं कली शुश नाक्‍ती रे प्रेंताक्‍यीमी।

ब्‍यवस्‍था 32:18

मिनु गे इन कली सेल्‍ब सेरथे फुल्‍लु कली ममिम्‍तीनी। इन कली थीब परमप्रभु यावे कली प्रेंताक्‍नी। उत्‍पत्ती ४९:२४; भजन संग्रह १८:३२; भजन संग्रह ७८:१५-१६

ब्‍यवस्‍था 32:30

मेको आन सेरथे फुल्‍लुम मेको आन कली लेयने थुम्‍शो बाक्‍ब। परमप्रभु यावेमी मेको आन कली प्रोंइने थुम्‍शो बाक्‍ब। मोपतीके मुर कामी हजार का आन कली खेदा पाप्‍तु। मुर निक्‍शीमी १० हजार आन कली खेदा पने चाप्‍नीसी। लेवी २६:३६-३७; यसैया ३०:१७

न्‍यायाधीस 10:7

मोपतीके परमप्रभु यावे मेकोपुकी नु गाइश्‍शा मेको आन कली पलिस्‍ती नु अम्‍मोनी आन गुइमी गेवा बाक्‍त।

न्‍यायाधीस 13:1

मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मोपतीके परमप्रभु यावेमी मेको आन कली ४० बर्स सम्‍म पलिस्‍ती आन गुइमी गेमी बाक्‍त।

न्‍यायाधीस 2:14

मिनु परमप्रभु यावेमी इस्राएली आन पर्बम गाइश्‍शा, मेको आन कली रोइक्‍ब आन गुइमी गेमी बाक्‍त। मिनु मेकोपुकीमी मेको आन मारेइ मारेइ रोइक्‍तमे बाक्‍त। मिनु मेकोमी मेको आन कली आन नेक्‍था बाक्‍ब जोरी सत्रु आन हुकुममी बाक्‍चा गेमे बाक्‍त।। मोपा इस्राएलीपुकीमी आन जोरी सत्रु आन कली ग्राने मचाप्‍बमे बाक्‍त।

न्‍यायाधीस 3:12

मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मिनु मेको आन मरिम्‍शो पशो आ पर्बम परमप्रभु यावेमी मोआब ङा पिप एग्‍लोन कली इस्राएली क्‍येङा बोल्‍यो सेला बाक्‍त।

न्‍यायाधीस 3:31

एहूद आ नोले अनाथ आ तौ शाम्‍गार इस्राएली आन निसाफ पाइब दुम्‍माक्‍त। मेकोमी ब्‍यफ वाक्‍तीक हरीसमी ६ सहे पलिस्‍ती आन कली तुप्‍शा साइक्‍मी बाक्‍त। मेकोमी यो इस्राएली आन कली आन जोरी सत्रु रे प्रोंइमी बाक्‍त। न्‍यायाधीस ५:६

न्‍यायाधीस 4:2

मोपतीके परमप्रभु यावेमी मेको आन कली हासोरमी सासन पाइब कनानी आन पिप याबीन आ गुइमी गेवा बाक्‍त। मेको आ लडाइ पाइब आन ठेयब मुर सीसेरा माइश्‍शो बाक्‍माक्‍त। मेको हरोशेथ-हा-गोयीममी बाक्‍माक्‍त। यहोसु ११:२

१ सामुएल 12:15

तन्‍न गेपुकीम परमप्रभु यावे आ देंशो ममिम्‍ताक्‍नी नु आ देंशो मटीतीनी हना, परमप्रभु यावेमी इन कली नु इन पिप कली यो प्रोंइब। न्‍यायाधीस २:१५