१ सामुएल 12:8 - Sunuwar Bible

⁸ याकूब इजीप्‍त रागी ब्रु‍मेनु, इजीप्‍त ङा मुरपुकीमी मेको आन कली दिप्‍मे बाक्‍त। मिनु इन किकी पिपीपुकीमी परमप्रभु यावे कली ‘वारच पाइक्‍की’ दे पुन्‍मे बाक्‍त। मिनु परमप्रभु यावेमी मोसा नु हारून आस कली सोइक्‍ता बाक्‍त। मेको निक्‍शीमी इन किकी पिपी आन कली इजीप्‍त रे ग्रुंइशा एक चाक्‍शा बाक्‍पदसे बाक्‍त। प्रस्‍थान ३:७

१ सामुएल 12:8 ပူးပေါင်းရင်းမြစ်များ

भजन संग्रह 105:44

मिनु परमप्रभुमी रागी रागी ङा मुर आन रागी नु आन शोंप मेको आन कली गेमी बाक्‍त।

प्रस्‍थान 12:51

मिनु मेको नाक्‍ती परमप्रभु यावेमी इस्राएली थर आन कली हुल हुल पा इजीप्‍त रागी रे ग्रुंइताक्‍व।

प्रस्‍थान 6:26

मिनु परमप्रभु यावेमी हारून नु मोसा कली “गे इस्राएल ङा मुरपुकी हुल हुल पा इजीप्‍त रागी रे ग्रुंइदीस” देंत। प्रस्‍थान ६:१३

गन्‍ती 20:15

आंइ किकी पिपी इजीप्‍त लशा, मेकेर शुश बाक्‍शो बाक्‍तेक्‍म। मिनु इजीप्‍तीपुकीमी आंइ किकी पिपी नु आंइ कली दिप्‍शा, मरिम्‍शो पाम्‍तेक्‍म।

प्रेरित 7:15

मिनु याकूब इजीप्‍त जाक्‍दीश्‍शा, शुश बर्स बाक्‍शा, मेकेर उइ बेक्‍माक्‍त। नोले इं किकी पिपी याकूब आ तौ यो मेकेर बेक्‍मा बाक्‍त।

यहोसु 1:6

गे बोल्‍यो नु महिंब दुमो। मिनु गो ङोंइती ‘इ किकी पिपी आन कली गेनुङ’ दे कसम जशो रागी, गे इस्राएली आन कली आंम के सेल्‍पाइक्‍चा माल्‍नेवे। ब्‍यवस्‍था ३:२८;

यहोसु 21:43

मोपा परमप्रभु यावेमी इस्राएली आन कली “गेनुङ” दे मेको आन किकी पिपी आन कली जशो कसम खाप्‍तु। मिनु इस्राएलीपुकीमी मेको रागी कली आंम के सेल्‍शा बाक्‍तेक्‍म। उत्‍पत्ती १२:७

१ सामुएल 10:18

मिनु मेकोमी इस्राएली आन कली “परमप्रभु यावे, इस्राएली आन परमप्रभुमी मार देंत देंशा हना ‘गो इस्राएली इन कली इजीप्‍त रागी रे ग्रुंइशा, एक चाक्‍तन्‍नी। इन कली श्‍येत गेब इजीप्‍ती आन गुइ रे प्रोंइतन्‍नी। मिनु नोले इन कली दिप्‍ब अर्को रागी ङा मुर आन गुइ रे यो प्रोंइतन्‍नी’ दें‍त।

१ सामुएल 12:6

मिनु लेंशा सामुएलम मुर आन कली “परमप्रभु यावे सांकछी बाक्‍ब। मेकोमी मोसा नु हारून आस कली योव़तु। मिनु इन किकी पिपी आन कली इजीप्‍त रागी रे ग्रुंइशा, एक चाक्‍तु।