१ सामुएल 12:5 - Sunuwar Bible

⁵ मिनु सामुएलम मेको आन कली “गे आं कली दोसी सेल्‍ने मचाप्‍नी। मेको आ पर्बम परमप्रभु यावे नु आ तेल लुक्‍शो सांकछी बाक्‍नीस” देंमाक्‍त। मिनु मेकोपुकीमी “मेको सांकछी बाक्‍नीस” देंमा बाक्‍त।

१ सामुएल 12:5 ပူးပေါင်းရင်းမြစ်များ

उत्पत्ती 31:50

गे आं तमी आस कली श्‍येत गेप्‍तीवी हना, अर्को मीश चाक्‍तीवी हना, गो इस दातेमी मुर सांकछी मबाक्‍तेक्‍म हना यो, परमप्रभु इस सांकछी बाक्‍ब” देंमाक्‍त।

अय्‍युब 16:19

मो हना यो आं सांकछी स्‍वर्गम बाक्‍ब। आं पर्बम लोव़ पाइब इर बाक्‍शो बाक्‍ब। अय्‍युब १७:३

अय्‍युब 42:7

मिनु परमप्रभु यावेम अय्‍युब नु लोव़ पने थुम्‍शा, मेकोम तेमान ङा एलीफाज कली “गे नु इ वारच निक्‍शी इन कली तशा, गो गाइश्‍शो बाक्‍नुङ। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु।

भजन संग्रह 17:3

गे आं कली नाक्‍ताक्‍नी। नाक्‍दो यो आं कली नाक्‍शा, आं आगामी मारेइ मरिम्‍शो मथिन्‍नी। गो मरिम्‍शो लोव़ मपाइनुङ, दे आं थुं फ्रेंशा बाक्‍ती। भजन संग्रह १३९:१

प्रस्‍थान 22:4

मेको खुइ आ खुइ पशो ब्‍यफ, गधा, भेडा आ बाक्‍तीकेम सेल थित्‍तेक्‍म हना, मार बाक्‍त हना यो का के निक्‍शी थाप्‍पाइक्‍चा माल्‍ब।

यूहन्‍ना 18:38

मिनु पिलातसमी “थमा मार में?” देंत। मिनु मेको देंम नोले पिलातस लेंशा लाङगा ग्रूशा, यहूदी आन कली “एको मुर मरिम्‍शो पाइब, दे मसुइक्‍नुङ।

प्रेरित 23:9

मोपतीके आन जिचा बारना बारन लशा, शुश रेयके पामे बाक्‍त। मिनु फरिसी ङा शेंब का निक्‍शीमी बोक्‍शा “एको मुर के मारेइ दोस मबाक्‍ब, दे मिम्‍नीकी। मुर आ मिक्‍चीम मतांइसीब का नु लोव़ पवा कों? परमप्रभु यावे आ स्‍वर्ग ङा गेय पाइब नु लोव़ पवा कों? मोदेंशो यो दुम्‍ने चाप्‍ब” देंमा बाक्‍त। प्रेरित २५:२५

प्रेरित 24:16

मोपतीके गो परमप्रभु यावे नु मुर आन ङोंइती रिम्‍शो पाइनुङ, दे आं थुं फ्रेंशा बाक्‍नुङ। प्रेरित २३:१

प्रेरित 24:20

साबेर यरूसलेममी कछडी पामेनु, मुल इन ङोंइती जाक्‍शोपुकी यो बाक्‍शो नम। आं कली मार दोस ग्रुंइदमे, मेको लोव़ हजुर, इन कली तुइक्‍पाइक्‍चा माल्‍शो नमी।

१ कोरिन्‍थी 4:4

गो मारेइ मरिम्‍शो मपङ, दे मिम्‍नुङ। तन्‍न मतुइक्‍थु, पङा कों? आं कली निसाफ पाइब प्रभु बाक्‍ब।

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

१ सामुएल 12:4

मिनु मेकोपुकीमी “आंइ कली श्‍येत मगेनी। गे आंइ कली मदिप्‍नी। गे सुइ रे मारेइ मलाइक्‍‍नी” देंमा बाक्‍त।

१ सामुएल 26:9

तन्‍न दाऊदमी अबीशै कली “पिप कली साइक्‍चा ममिम्‍तो। परमप्रभु यावे आ तेल लुक्‍शो कली साइक्‍बपुकी सु चहिं सजाइ मतशो बाक्‍बा ङा?” देंमाक्‍त।